MATIUS 16:14 - Nanduk Ngget Tul Pidnak Wene

¹⁴ Yosoloma-ge, it-nen wene erep nggarogolar-e: ”Ap erep-nen yogolar-e: Kar-e ap yi mat onposo nap Yoanes-o luk yogolat, it erep-nen-e Elia-o yogolat, erep-nen-e Yeremia-o luk yogolat, erep-nen-e Mbal Pem Nagawan ene lomboksa yosonap misig-o luk yogolat yili-o” luk yiga-o.

MATIUS 16:14 ပူးပေါင်းရင်းမြစ်များ

YEREMIA 1:1

Engga yu arem mbarak worasu-ge tepan ombo misik Yeremia Ilkia ambara iri na Mbenyamin nap onnggweyak pem o Anatot woraso iri na owene mbarak worasu-o.

MALEAKI 4:5

Alat nde, Nagawan Indo-nen idnak tarem mondok kwiye worak, ija lombok an-nen lud tak pigi iri na wok yigit lak ma-ge nandug-e an nene lomboksa yoso nap Elia iri na-ge kendam pil lobok yimin-o.

MATIUS 14:2

Kuluruk yarik, at-nen at eyabu wanugwi nap na yak ondosolar-e: ”At yu-ge ap yi maroso nap Yoanes na-ge wat yidnak nap ennggendumu-nen uruk yidnak-nen yusu-o. Uruk yidnak me, at arem-e kwiye worak mende kwarurak amawi worasu-o” luk yij-o.

MATIUS 16:15

Yogolikma-ge, at-nen yosolar-e: ”Nde, kit-nen-e an-e ta nde neberali-o?” luk yij-o.

MATIUS 17:10

Yak ondosoloma-ge, at owosirak-nen Yesus na kin wok pogolar-e: ”Nde, it imiri mbarak pidnak wene enaru nap-nen yogolar-e: ’Elia na-ge nandug-et lobok yuwa-o’ luk yili iri-ge noluk-nen iri yili-o?” luk yiga-o.

MATIUS 3:1

Iri tarem-e Yoanes, ap yi mat onposo nap na lobok yarik, Yurea karu me woralat-nen aid wene yoso tel korosolat-nen yosolar-e:

MARAKUS 6:15

Nde, it erep-nen yogolar-e: ”Lag-o. Elia-nen yusu-o” luk yiga-o. Nde, it erep-nen yogolar-e: ”Lag-o. Nanduk woragwi Mbal Pem Nagawan ene lomboksa yugwi nap misik nam yarik-nen yusu-o” luk yiga-o.

MARAKUS 8:28

Kin wok onposoloma-ge, it-nen wene onggo yogolar-e: ”It erep-nen-e Yoanes ap yi maroso nap-nen yusu-o luk yili-o. Nde, erep-nen-e Elia-o luk yili-o. Nde, ap erep-nen yogolar-e: Mbal Pem Nagawan ene lomboksa yugwi nap ereba ennggendumu ap misik-nen yusu-o luk yili-o” luk yiga-o.

LUKAS 9:8

it erep-nen yogolar-e: ”Lag-o. Elia na nam yamu-o” yagolat, nde, erep-nen yogolar-e: ”Lag-o. Nanduk Mbal Pem Nagawan ene lomboksa yugwi nap ereba na misik uruk yarig-o” yogolat yogola, at indi kabak yamu-o.

YOANES 1:21

Yak ondosoloma-ge, it-nen kin wok obogolar-e: ”Iri ala-ge, kar-e ta-o? Kar-e Elia-nen yusu, lak?” luk yogola-ge, at-nen yosolar-e: ”Iri-ge lag-o” luk yij-o. ”Nde, kar-e Mbal Pem Nagawan ene lomboksa yoso nap na-nen yusu, lak?” luk yogola-ge, at-nen-e: ”Lag-o” luk yij-o.

YOANES 7:12

Yogolikma-ge, ap kwarat ereba na-nen Yesus obok tapsa yak kerak mbogolar-e, it erep-nen yogolar-e: ”At iri-ge konak nab-o” yogolat, nde, it erep-nen yogolar-e: ”Lag-o. At iri-ge ap inndi kabak tak poso-nen yusu-o” luk yiga-o.

YOANES 9:17

Iri ala-ge, Parisi nap-nen ap yu na tuguruk kin wok obogolar-e: ”Kat-nen-e kat kerengen kuwarak pid nap iri-ge ta-o luk eberasu-o?” luk kin wok obogoloma-ge, at-nen yosolar-e: ”Ar-e Mbal Pem Nagawan ene lomboksa yoso nap-nen yusu-o” luk yij-o.