MATIUS 16:1 - Nanduk Ngget Tul Pidnak Wene

¹ Parisi nap min Saruki nap min lobok yigarik, Yesus abut mbaru-wokluk-nen at emengen mbarogolar-e: ”Aid arem-nen kwarugwi kagwi buk mende misik mirik ninpi-o” luk emengen mbariga-o.

MATIUS 16:1 ပူးပေါင်းရင်းမြစ်များ

MATIUS 12:14

Iri kwarosola karuk, it Parisi nap iri na mbepme mbirigarik, Yesus wururak wene mbariga-o.

MATIUS 15:1

Iri luk, Parisi nap erep min imiri mbarak pidnak wene enaru nap erep na min Yerusalem-nen Yesus eram lobok yigarik, at kin wok pogolar-e:

MATIUS 16:6

Alama-ge, Yesus-nen it yak ondosolar-e: ”Kinndi kwara yebet kagolat wolmer-o. Parisi nap min Saruki nap min-nen idnak oroti lomboroso mende iri abiyem-o luk kwil kwalsa wolmer-o” luk yak indij-o.

MATIUS 19:3

Iri luk, Parisi nap ereb-e at eram lobok yigarik, at abut mbaruwokluk at kin wok obogolar-e: ”Ap-nen we elem lak ma-t nde at ogwe keya burak iri-ge op, lak?” luk yiga-o.

MATIUS 22:15

Iri luk, it Parisi nap na mborogolar-e: ”Yesus yu-ge wene kin wanugwi ngge bem-nen are puwog-o?” luk wene mbariga-o.

MATIUS 22:18

Yogolikma-ge, Yesus na it inndi-n perali meya iri na aru me, it yak ondosolar-e: ”Kenesiget siget kwarugwi nap wa-e. Kir-e noluk-nen an nindi ngatli-o?

MATIUS 22:23

Iri tarem-e Saruki nap ereb-e Yesus eram lobok yiga-o. (It iri-nen yogolar-e: ”Wat yidnak nab-e unluk yugwi bug-o” luk yugwi-o.) It ereba-nen Yesus kin wok obogolar-e:

MATIUS 23:2

”It imiri mbarak pidnak wene enaru nap min Parisi nap min-e amawi Musa wok tidnak iri nggal-et wok indidnak worali-o.

MATIUS 27:62

Nene luk kub-e, Hari Jumat iri na ombol nggwe-ge it tepan omborak nagawan nagawan min Parisi nap min-e lambuksa Pilatus eram ndok worogolat-nen

MATIUS 5:20

Nde, an-nen yak kendeyeg-o: Engga enaru nap min Parisi nap min-nen lud tak nak kwarugwi-t nde, kit-nen-e it-nen kwarugwi na mondok ombol nggwe terak minik nggal lud tak nak kwarigit lak yugupndig-e, Mbal Pem Nagawan-nen tenagaidnak wi-ge nggugup pug-o.

MATIUS 9:11

Nonggolat woragola, Parisi nap-nen eneyarug-e, it-nen Yesus owosirak yak ondogolar-e: ”Nggomo Ondoso Nap iri-ge noluk-nen tol ndok wurugwi nap min meya nak kwarugwi nap min iri na inmin totno nasolat worasu-o?” luk yak indiga-o.

MARAKUS 10:2

Mul ondosoma-ge, Parisi nap erep at eram lobok yogolat, at abut mbaruwokluk it-nen kin wok obogolar-e: ”Ap-nen onkwe keya burag-e op, lak?” luk kin wok obogolikma-ge,

MARAKUS 12:15

Alat nde, Yesus na-ge it inndi nin woragolat-nen kin wok ibiga iri na yenggerak eneyaruk, at-nen it yak ondosolar-e: ”Kir-e noluk-nen an nare pili-o? Kerep tol misik an kayek-nen nuk kil lobok yer-o” luk yak indij-o.

MARAKUS 12:18

Nde, it Saruki nab-e: ”Wat yidnak nab-e men yugwi bug-o” luk yugwi nap na-nen Yesus eram mbirigarik, at kin wok obogolar-e:

LUKAS 10:25

Iri lug-e, imiri mbarak pidnak wene mul ondoso nap misik lobok yarik, Yesus indi nggarosolat-nen yosolar-e: ”Mul Ondoso Nap wa-e. An-e nurug-et woralik nalik momtak elem waneyek-nen no kwarimin-o?” luk yij-o.

LUKAS 11:16

Nde, it erep-nen-e at indi ngarogolar-e: ”Kar-e Mbal Pem Nagawan eram-nen lobok yidnag-o luk yenggerak kiyujwok-nen kwiye worak mende mbi kwari-o” luk yak tiga-o.

LUKAS 20:23

Yak togolikma-ge, Yesus na-ge it-nen at are pogolat-nen yili na yenggerak karug-e, at-nen it yak ondosolar-e:

LUKAS 20:27

”Wat yidnak nab-e unluk yugwi bug-o” luk yugwi nap, Saruki nap ereb-e Yesus eram lobok yogolat-nen

YOANES 8:6

Iri yak tiga iri-ge at imbiri wururak pem, at indi ngarogolat-nen yak tiga-o. Alat nde, Yesus na wandu luk, inggi ndum-nen nggweyak pem mbarosolat woragaij-o.

YIDNAK YIDNAK WENE 4:1

Nde, ir-e ap ereba na wene yak ondogolat worakmu-ge, it tepan omborak min Mbal Pem Nagawan ama yik karok woragwi nap ennggendumu-nen wari mendak pidnak nap min Saruki nap min it endam lobok yiga-o.

YIDNAK YIDNAK WENE 5:17

Iri kwarogola-ge, tepan ombo nagawan min at ene kulugwi nap Saruki nap ereba inmin men yogolar-e, it enlengen ale kwarat luk,

1 KORINTUS 1:22

Yawuri nap-nen perak nde ”Kwiye worak mende mul nender-o” yogolat, nde, Yunani nap-nen-e inndi lid tak elem kore yili-t nde,