MATIUS 15:9 - Nanduk Ngget Tul Pidnak Wene

⁹ It-nen mirik unpugwi wene owak iri-ge ki nap-nen yidnak wene nak mirik inpili me, it-nen an nerembel wanili-t nde, ebe lak mende-nen yusu-o’ ” luk yij-o.

MATIUS 15:9 ပူးပေါင်းရင်းမြစ်များ

NDAWI ENGGA 73:13

Wewesa an-e nindi kik lumu ma naru yik karok worasu kagi-a! No manggim-nen meya nebem ma naru inggi mbal tenak worasu-o?

MBIRIGA WENE 20:7

An-e Kenmbal Pem Nagawan, Nagawan Indo me, kir-e an nunu-ge we ereba-t yurak pug-o. Ta-nen nde an nunu we kasa ereba-t yuwa nab-e enpem angin worak pimin-o.

MALEAKI 3:14

Iri-ge kit-nen yogolar-e: ’Nir-e wewesa Mbal Pem Nagawan ndegel ibili-o. No manggim-nen nir-e Nagawan Indo Mondok Amawi worak iri na-nen yidnak yidnak kwat tenak woragolat, nit-nen meya yidnak keya buruk kondok yogolat kwat tenak wolmomtag-o?

MATIUS 15:10

Iri luk, Yesus-nen ap kwarat iri-ge at eram lobok yuwakluk wene mbo unpuruk, lobok yikma, it yak ondosolar-e: ”Wene yu kuluruk, kwara kinndi yebet ker-o.

MARAKUS 7:7

It-nen mul undugwi iri-ge ki nap-nen kwarugwi mende-t nde, an-nen yidnak nggal tak puruk mul indili me, An nerembel wanili iri-ge ebe lak mende nde kwat yusu-o.’

1 KORINTUS 15:2

Kit-nen nde aid wene na puksa tena woragola-ge, an-nen yak kindigi aid wene iri-net kinmiri yuwa-o. Nde, aid wene na bem kwara kinndi angin tubu yigit lak ala-ge, ebe kwat ma bug-o.

TUGURUK YIDNAK WENE 12:32

An-nen yak kindigi wene yeba-ge mariger-o luk siyak keya bogolat, are, siyak nambena pogolat mondok kwarurak pug-o.

1 TIMOTIUS 1:4

”Tisiya wene min ineid onmbo nderak lolo pok tak pugwi buk wene iri-ge keya ber-o” luk yak indi-o. Iri wene yogolar-e, suwal suwal ndi wurugwi elem-nen yusu me, ninndi angin tubu yidnak pem Mbal Pem Nagawan-nen ninmiri yoso elem iri na kabak tak pusu-o.

TITUS 1:14

Ir-e Yawuri nap-nen yugwi tisiya wene min ndemeret wene keya bidnak nap-nen yugwi wene min keya buwakluk, nggomo indi-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

YAKOBUS 2:20

Kar-e wid indi worak-nen yusu-o! Inndi angin tubu yogolar-et nde, ininggi-nen kwarugwi mende kwarigit lak iri-ge ebe lak mende-nen yusu-o luk mirik kuburak kindingen-a?

NAM PARA WENE 22:18

Yoanes an-nen-e engga yu arem kwat momtak urul pidnak wene yeba kulili nap pidsa kenaru rak pusu-o: Ap-nen nde kwat momtak urul pidnak wene yu wene ki eralu nambena puwa nab-e andi bandi mende engga yu arem mbarak worasu iri-ge Mbal Pem Nagawan-nen ap iri na ebem posolar-e, erep min-et nambena ebem puwa-o.

1 SEMUEL 25:21

Nde, lobok yosolat-nen Ndaut-nen yebet kasolar-e: ”An-e wewesa ap iri arengge ereba yik karok karu me yeba worala-ge, mariget tet nendam-nen na lak yigit lak yu-t nde, yawo-ge nit-nen konak kwat ibige onggo-ge meya nde kwat nubusu-a?