MATIUS 15:19 - Nanduk Ngget Tul Pidnak Wene

¹⁹ Nde, meya yebet kagwi elem ap enarem-nen mborosolar-e, ap wurugwi min ap onkwe yebugwi min kwami terak yenpugwi min yariya wanugwi min enesiget wene ap enpem pugwi min ap onpok pugwi min mburusu-o.

MATIUS 15:19 ပူးပေါင်းရင်းမြစ်များ

NDAK WIRIDNAK WENE 6:5

Woragola-ge, Nagawan Indo-nen-e ap ereba-ge it inndi-ge meya kwarurak nak kobong tak, it-nen na yi meya ndi meya nak kwat tenak woragola, eneyasolat woragij-o.

NDAK WIRIDNAK WENE 8:21

Kan pamu-ge emben konak iri na-nen Nagawan Indo indi alen tak posola karuk, Nagawan Indo indi-nen perasolar-e: ”An-e abog-e it-nen kwatli iri-nen ndowaga-ge nggweyak ma yu-ge mondok imbiri lamut tak pimin pug-er-o. Nde, it nggweyak ma nap yu-ge marikmu-net inndi-ge meya nak yebet kagwi iri-ge an-e naru-t me, yawo urugup worak oboksa lak tak pigi yu nggal-e abog-e mondok kwarimin pug-o.

NDAWI ENGGA 119:113

An-e kat-nen idnak imiri mbarak pidnak wene-ge mondok nindi kundik irit worasu-o. Nde, ap mondok kat-nen yidnak yidnak kwarugwi buk nab-e nisili rak unpusu-o.

NGGOMO WENE 22:15

Li marig-e we wid-nen kwarugwi ereba na-t kwat tenak woragwi-t nde, it enpage iri nden kujwakluk, nggambu bem wurugwi-o.

NGGOMO WENE 24:9

Ap wid-nen kwarurak yebet kaso iri-ge meya elem-nen yusu-o. Nde, ap-nen pempa ap erep insili rak onpogolat woragwi iri-ge ap-nen indingen kagwi bug-o.

NGGOMO WENE 6:14

Nde, it inndi arem-e meya kwarurak nak kobong tak worasolat, ap enpem yuk puk mbugwi mende ap ennggendumu nin me nan me uwi yagil nili-o.

YESAYA 55:7

Meya kwaroso nab-e at-nen meya kwaroso iri-ge mondok keya buwag-o. At indi-nen yebet kaso tula iri-ge nden kaga nin tak puwag-o. Nde, tuguruk Nagawan Indo-nen ubud kujwaklug-e, tuguruk nden karuk, Nenmbal Pem Nagawan eram mburuwag-o. Nagawan Indo iri-ge unpud kaso elem pem ap meya yidnag-e amberam tak poso-o.

WONARIDNAK WENE 22:29

Yosoloma, Mbileyam-nen erep nggarosolar-e: ”Kar-e an-e kerengenma nggal tak nuburuk yu nggal kwat nubusu yu-nen kirigi-o. An nde yalawi ninggem nggal-nen-e mondok ndemeret ketleb-o” luk yak tij-o.

MATIUS 15:20

Nde, iri mende kwarugwi iri-net ap kopkap tobok tak onposo-o. Alat nde, ininggi marigit lak-nen nunggwi mende nili iri-nen ap kopkap tobok tak onposo bug-o” luk yij-o.

MATIUS 5:28

Alat nde, an-nen yak kendeyeg-o: Ap-nen-e kwe mbi yik karuk, indi-net kwe na ukwe eberasola-ge, at indi-nen kwe na yebusu-o.

MATIUS 9:4

Nde, Yesus-e it inndi-n peraidnak iri na aru luk-nen it yak ondosolar-e: ”Kir-e noluk-nen meya iri nggal iri yebet kali-o?

YIDNAK YIDNAK WENE 8:22

Iri bem-e, kat meya kwarigen yu keya buruk kondok yosolat, kat kindi-nen peraidnak yu-ge amberam tak puwakluk, Nagawan Indo emengen mbari-o.

OROMA 7:18

Ki nap-nen kwarugwi mende-ge an narem worasu me, konak kwarurak elem-e an narem worasu bug-o luk an-e naru yusu-o. Nde, konak nak kwareyeg-o luk, narem perasola-t nde, kwarurag-e meya yusu-o.