MATIUS 15:10 - Nanduk Ngget Tul Pidnak Wene

¹⁰ Iri luk, Yesus-nen ap kwarat iri-ge at eram lobok yuwakluk wene mbo unpuruk, lobok yikma, it yak ondosolar-e: ”Wene yu kuluruk, kwara kinndi yebet ker-o.

MATIUS 15:10 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 22:28

Yosoloma, Mika-nen yosolar-e: ”Nagawan kat nde tugurug-et kurug-et lobok yosolar-e, at yu na-ge wene-ge Nagawan Indo-nen emndam tak pidnak wene-ge lag-o luk yebet niyudtag-o! Kit yu me ndok wirigep yu-ge mondok kenaru wolmer-o!” luk yak indij-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YESAYA 6:9

Iri lug-e, at-nen at ilirak enmanggim wene wosa bidnak wene yu warug-e an wirik nobosolat-nen nebem posolar-e: ”Kir-e kulugub-et nde, kwara yebet kagup pug-o. Kir-e yebet kagub-et nde, kwat ma iri-ge kenaru yugup pug-o” luk yij-o.

MATIUS 13:19

Ap misig-e Mbal Pem Nagawan-nen tenagaidnak wi wene iri kulidnag-et nde, indi-nen yebet kasu buk ala-ge, Sere na lobok luk, at arem pil kaidnak uwi iri na mengga waruk mburusu iri-ge uwi tulabiyem mbidnak iri nggal-nen yusu-o.

MATIUS 15:11

Ap enemnde nggwe nggoso mende iri-nen ap kopkap tobok tak onposo bug-o. Are, ap enemnde nggwe-nen wirik pugwi wene iri-net ap kopkap tobok tak onposo-o” luk yak indij-o.

MATIUS 15:9

It-nen mirik unpugwi wene owak iri-ge ki nap-nen yidnak wene nak mirik inpili me, it-nen an nerembel wanili-t nde, ebe lak mende-nen yusu-o’ ” luk yij-o.

MATIUS 24:15

”(Engga yu wonarusu nab-e no yosolat-nen yij-o luk kwara yebet kudtag-o.) Nde, kit-nen yik kagolar-e, Mbal Pem Nagawan ene lomboksa yoso nap Ndaniel-nen: ’Iri nggal ma-o’ luk yidnak na ndak ndak tak posolar-e, lak tak onposo mondok meya mende iri-ge o marak ma iri me mendak worala yik kagupndig-e,

LUKAS 24:45

Yak unduruk, Mbal Pem Nagawan engga bem-nen mbaridnak iri na ebe-ge iri yosolat-nen yamu-o, luk yebet kujwaklug-e, Yesus-nen it inndi tu kuwarak posolat-nen

EPESUS 1:17

”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

KOLOSE 1:9

Iri bem-e kit konpok kulige kuri-nen yawo kuri-ge nir-e pempa kit kenmanggim tepan-e kundugu yili-o. Kit kenmanggim Mbal Pem Nagawan emengen mbarogolar-e: ”Kat kindi-n pidnak parosa enaru makluk, inndi tenggerak elem oboksa min ndemeret yebet kagwi elem min wok indi-o” luk emengen mbatli-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.