MATIUS 14:6 - Nanduk Ngget Tul Pidnak Wene

⁶ Alat nde, at Erores na ndesa mbidnak tarem inik inik, yogolar-e, ap kwarat iri na inmbriri bem Erorias ara na-ge ndawi ndorosolat kot kasolar-e, la kwe na-nen Erores na alen tak posoloma-ge,

MATIUS 14:6 ပူးပေါင်းရင်းမြစ်များ

NDAK WIRIDNAK WENE 40:20

Nde, kenan nene luk, nagawan ndesa mbidnak tarem wok yosola, at eyabu wanugwi nap ap yok nggok ereba na enmanggim yi mende ndi mende sagosolar-e, yi kenang toso nap iri na min oroti worak toso nap iri na min o kubu me-nen wesera at eyabu wanugwi nap ap yok nggok ereba na inmbiri bem waruk endam mburuwakluk, wene wirik pamu,

ESET 2:18

Iri rak uburug-e, Nagawan-nen-e Eset iri na kek tak obosolat ubugo nggok irit sagosolar-e, at eyabu wanugwi nap min ap yok nggok ereba na min yonggo inpij-o. Iri yosolat-nen at-nen tenagidnak wi iri na me wene wirik posolar-e: ”Yawo tarem-e an-nen tenagidnak wi oboksa-nen mondok we irit kenpabok kwarogolat woragolar-e, silobulo-ge mondok kwarat we irit tembesa wok indil lobok yurag-o” luk yij-o.

MATIUS 14:3

Nde, Erores na-nen-e Yoanes na tenaguruk, kere kamasa o kubu me pil nggwij-o. Iri kwarid iri-ge at owot Pilipus na ogwe Erorias na wene lit lit-nen iri kwat ibij-o.

MATIUS 14:7

at-nen la kwe na yak tosolar-e: ”Kat kindi-n peragun mende iri-ge mondok wok kirimin-o” luk owak mbarij-o.

MATIUS 22:24

”Nggomo Ondoso Nap wa-e. Musa-nen yosolar-e: ’Ap misik nde ondolma pigit lak wat yosola-ge, owe wat yid na ondolma puwakluk, owot na-nen at owe ogwe togwe iri na mondok wanurag-o’ luk yij-o.

MARAKUS 6:14

Yesus obog-e wigaril mbiridnak me, Nagawan Erores-nen at obok pidsa kulij-o. Ap erep-nen yogolar-e: ”Yoanes ap yi maroso nap wat yid na uruk yarik-nen kwiye worak mende iri kwarusu-o” luk yiga-o.

MARAKUS 6:17

Nde, Erorias iri-ge Erores owot Pilipus ogwe-t nde, Erores-nen wanosoluk yarig-e, at Erores na-ge kwe iri na wene lit lit Yoanes na tenasa, kere kamasa o kubu me ibil nggwij-o.

MARAKUS 6:19

Iri yoso ala-ge, Erorias na-ge isilepma Yoanes ebem purug-e, Yoanes na wururak peragaij-et nde, Erores na Yoanes wururak indi angin ala, wururag-e meya yij-o.

MARAKUS 8:15

Nde, Yesus-nen it yak ondosolar-e: ”Parisi nap min Erores min-nen idnak oroti lomboroso mende abiyem-o luk, mondok kwil kwalsa wolmer-o” luk yak indij-o.

LUKAS 13:31

Iri na tarem-e Parisi nap erep-nen Yesus eram lobok yigarik, yak togolar-e: ”Erores-nen kat kereyekluk yusu me, kar-e o yu me keya buruk, nin sa mbiri-o” luk yak tiga-o.

LUKAS 23:11

Erores min at-nen idnak san winde min-nen Yesus na nggweyel obogolar-e, pesel obogolat-nen yugwi wene yak togolat woraiga-o. Iri luk, nagawan-nen yurugwi sum yesa wok turuk, tuguruk Pilatus eram wirik ibiga-o.

LUKAS 23:7

Nde, Yesus na-ge Erores-nen tenagaidnak wi-nen lobok yidnak ala, aru luk, Erores na-ge Yerusalem lobok yarik worasola-ge, ”At yu-ge Erores eram waruk mberer-o” luk wirik pij-o.

LUKAS 3:1

Tiberius na nagawan Kaisat men luk worasolat, olengen limabelas pem-e, Pontius Pilatus na-ge Yurea nggweyak pem gubernor woragaij-o. Nde, Erores na-ge Nggalilea nggweyak pem nagawan woralat, at owot Pilipus na-ge o Iturea min o Terakonitis min nagawan woralat yiga-o. Nde, Lisanias na-ge o Abilene iri me nagawan woragaij-o.

LUKAS 3:19

Alat nde, nagawan Erores Nggalilea wi tena woraso na-ge at ambik owot ogwe Erorias iri wanosolat, meya mende erep min-et kwarosolat woraidnak pem-e Yoanes-nen Erores na met ibij-o.

LUKAS 8:3

kwe misig-e Yoana, Erores urugom nap Kusa na ogwe na min; kwe misig-e Susana na min; kwami erep kwarat-nen-e it enarengge bem-nen Yesus owosirak inmin yongga ondogolat woraiga-o.

YIDNAK YIDNAK WENE 12:1

Ereya tarem-net Nagawan Erores-nen-e lambuk tak inpidnak nap ereb-e mondok lel mberel onposo tel kwirij-o.

YIDNAK YIDNAK WENE 4:27

Ndemerer-o. O siri yu me-nen Erores min Pontius Pilatus min-e enlem nin nap min Isarael nap min ndok worogolar-e, kat Ndegel Koboso Len Ibidnak Nap Yesus, kat-nen amburu ebem kilidnak nap imin wim mbaruwokluk ndok wiriga-o.