MATIUS 14:27 - Nanduk Ngget Tul Pidnak Wene

²⁷ Mbogolikma-ge, ereya na-net Yesus-nen it yak ondosolar-e: ”Kinndi tugup lak wolmer-o! An-net yusu-o. Kwiye kali-ge meyog-o” luk yak indij-o.

MATIUS 14:27 ပူးပေါင်းရင်းမြစ်များ

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 41:4

Ereba oboksa-ge ta-nen kwat oboso-o? Pem kwarugwi murugwi yeba-ge ta-nen ’Kwarurag-o’ yidnak pem kwarugwi-o? Nagawan Indo an-e o yu ndak wirigit lak ma nanduk-net woraso-o. Nde, worok tak puwa tarem na woramin-er-o.

MATIUS 14:28

Yak ondosoloma-ge, at Peterus-nen wene erep nggarosolar-e: ”Nagawan Indo wa-e. Ndemeret kar-et nde ala-ge, ’Yi ombolwak pem an neram lobok yi-o’ luk yak niri-o” luk yij-o.

MATIUS 17:7

Alama-ge, Yesus na it endam lobok yosolat, tena onposolat-nen yak ondosolar-e: ”Men mer-o. Kwiye kali-ge meyog-o” luk yak indij-o.

MATIUS 28:10

Alama-ge, Yesus-nen it yak ondosolar-e: ”Kwiye kali-ge meyog-o. Mburugupndig-e, an naggamirak na-ge Nggalilea mberer-o luk yak indil mberer-o. Iri me-nen an niyujwa-o” luk yak indij-o.

MATIUS 28:5

Alat nde, aid nap iri-nen kwami na yak ondosolar-e: ”Kir-e kwiye kali-ge meyog-o. Kir-e e lang pang tak pem panggarak ibiga nap Yesus irit ogore yili iri-ge an-e naru-o.

MATIUS 9:2

Wok yosoloma-ge, ap erep-nen-e kambung puk tak woraso nap mbi nene yoso ondoro mbinggirik worasola, ondoro min kud turuk Yesus eram ibil lobok yiga-o. Ibil lobok yogolikma-ge, Yesus-nen it ap iri na inndi angin tubu yidnak na kasoluk-nen kambung puk tak woraso nap iri yak tosolar-e: ”Nambara wa-e. Kwiye kasu meyog-o. Kat meya yidnak iri-ge namberam tak pigi-o” luk yak tij-o.

MARAKUS 6:50

It pidsa-nen at kagolug-e, yendet wendet mbiga-t nde, Yesus-nen ndag-et nak it yak ondosolar-e: ”Kondok yer-o. An-nen yusu-o. Kwiye kali-ge meyog-o” luk yak indij-o.

LUKAS 1:13

Alat nde, aid nap iri-nen Sakaria yak tosolar-e: ”Sakaria wa-e. Kwiye kasu meyog-o. Kat-nen tepan yigen-e Mbal Pem Nagawan-nen kolamu me, kat kogwe Elisabet na-ge li ap mbi ndaguwa-o. Nde, la na unu-ge Yoanes irit yarugun-o.

LUKAS 1:30

Yebet kasoma-ge, aid nap-nen kwe na yak tosolar-e: ”Maria wa-e. Mbal Pem Nagawan indi alen kat kebem pidnak me, kwiye kasu-ge meyog-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

LUKAS 2:10

Yogolikma-ge, aid nap iri-nen it yak ondosolar-e: ”Kwiye kali-ge meyog-o! Yi nap ndi nap oboksa enalen tak purak konak wene irit yak kindil lobok yigi-o.

LUKAS 5:10

Nde, Simon imin keyane wanugwi nap, Sebendeus ilirak Yakobus min Yoanes min-nen na wir-o luk yiga-o. Iri ala-ge, Yesus-nen Simon na yak tosolar-e: ”Kwiye kasu-ge meyog-o. Yawo-net keyane wanoso nggal ap wanoso nap kwat yugun-o” luk yak tij-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YOANES 6:20

Kwiye yogola karuk, Yesus-nen it yak ondosolar-e: ”Kwiye kali-ge meyog-o. Yu-ge an-net yusu-o” luk yak indij-o.

YIDNAK YIDNAK WENE 23:11

Iri rak puruk, kubu nggwe iri-ge Nagawan Indo-ge at eralu mendak-nen yosolar-e: ”Kindi tugup lak wolmin-o. An-nen yidnak wene Yerusalem yu-nen kinggirigen nggal-et iri nggal-et Oroma-nen na kunggurugun-o” luk yij-o.