MATIUS 14:19 - Nanduk Ngget Tul Pidnak Wene

¹⁹ Yurug-e, ap ereba na yak ondosolar-e: ”Tusuwangge bem kore yer-o” luk yak unduruk-nen mburu lima ereya na min keyane mberen ereya min wanuruk yarik, erengen aid arem nggwe lik karok woralat-nen-e Mbal Pem Nagawan wa yak tij-o. Iri luk, mburu ereya na ndek pendeksa at owosirak ininggem pamu-ge, it-nen-e ap ereba na tembesa mak indiga-o.

MATIUS 14:19 ပူးပေါင်းရင်းမြစ်များ

MATIUS 14:18

Yogolikma-ge, Yesus-nen yosolar-e: ”An neram yu me waruk lobok yer-o” luk yij-o.

MARAKUS 6:39

Yogolikma-ge, at-nen ene amawi min yak ondosolar-e: ”Kir-e ap yeba-ge tusuangge bem lena mbo koreyak enper-o” luk yak indij-o.

MARAKUS 6:41

Iri rak unpurug-e, at-nen oroti mburu lima na min keyane mberen na min wanuruk yarig-e, erengen mbal lik karuk, Mbal Pem Nagawan ”Wa-o” yak turuk, oroti mburu ndeksa ligik puruk, at owosirak-nen tembet unduwakluk ininggem pij-o. Iri nggal keyane mberen na irit tembesa it pidsa wok indij-o.

MARAKUS 7:34

Tena burug-e, Yesus na mbal nggwe lik kasolat-nen indisep wirik puruk-nen ap iri na yak tosolar-e: ”Epata” luk yak tij-o. Nde, iri-ge nit nenne bem-e: ”Keyanggo kuwak mag-o” yosolat-nen yij-o.

LUKAS 22:17

Iri yuruk, Yesus-nen yimbe na wanuruk, Mbal Pem Nagawan wa yak turuk-nen yosolar-e: ”Yimbe yu wanuruk, kit temberer-o.

LUKAS 22:19

Iri luk, at-nen mburu wanuruk, Mbal Pem Nagawan wa yak turuk, ndeksa ndeksa puruk, it tembesa wok ondosolat-nen yosolar-e: ”Yu-ge an nebe [kit kenmanggim pidnak-nen yusu-o. Kinndi an nebem mbung mbung tak woragolar-e, yu nggal-et kwarogolat wolmer-o” luk yij-o.

LUKAS 24:30

Nde, it inmin nokluk, kore lug-e, Yesus-nen oroti wanuruk, Mbal Pem Nagawan wa yak turuk, ndeksa ligik puruk, tembesa mak indij-o.

LUKAS 9:14

(Nde, ap nag-e kwarat, limaribu (5,000) nggal iri me woraiga-o.) Nde, Yesus nen at owosirak yak ondosolar-e: ”Ap yu logona mbo koreyak onpogolar-e, ap limapulu nggal nin me kore yogolat, limapulu nggal nin me kore yogolat mag-o” luk yak indij-o.

LUKAS 9:16

Iri lug-e, Yesus na-nen oroti mburu lima na min keyane mberen na min wanurug-e, mbal lik karuk, Mbal Pem Nagawan wa yak turuk, mbara mbara ligik puruk, ap na tembesa wok unduwakluk, at owosirak na wok indij-o.

YOANES 11:41

Iri luk, kerep na lembera wabiga-o. Nde, Yesus na erengen lik karuk-nen yosolar-e: ”Neid wa-e. Kar-e an nene koloso bem ’Neid wiwa-o’ yak kurusu-o.

YOANES 6:23

Nde, e koma ereb-e Tiberias nggwe-nen lobok yarik, Nagawan Indo-nen Mbal Pem Nagawan wa yak turuk, mburu tembet ondosola ningga sa eralu na kondok yil lobok yij-o.

YIDNAK YIDNAK WENE 27:35

Iri yak undurug-e, oroti mburu wanuruk, it pidsa inmbiri bem-et Mbal Pem Nagawan wa yak turuk, ndeksa ninggij-o.

OROMA 14:6

Hari misik nggulok tak pusu nap iri-ge iri kwarusu iri-ge Nagawan Indo kek tak ubusu-o. Nde, nunggwi mende ugun nasu nab-e, ”Mbal Pem Nagawan wa-o” luk nasu me, Nagawan Indo kek tak posolat-nen nasu-o. Nde, ugun naso buk nap-nen-e ”Mbal Pem Nagawan wa-o” luk keya busu me, Nagawan Indo kek tak posolat-nen ninggit lak yusu-o.

1 KORINTUS 10:16

Yimbe arem kenanggo konak mende iri-ge ”Mbal Pem Nagawan wa-o” luk nonggolar-e, nir-e Kerisut eyabi min kondogolat-nen nili-ge lag-a? Nde, mburu ndeksa nonggolar-e, nir-e Kerisut ebe min kondogolat-nen nili-ge lag-a?

1 KORINTUS 10:31

Iri bem-e, mburu nonggolat, yi nonggolat, yi kwatlik ndi kwatlik kwarogolar-e, Mbal Pem Nagawan kek tak purak nak kwarogolat wolmer-o.

1 KORINTUS 11:24

Mbal Pem Nagawan wa yak turuk, ndeksa posolat-nen yosolar-e: ”Mburu yu-ge an nebe kit kenmanggim pidnak-nen yusu-o. Kir-e an yebet yebet tak worabok-nen an-nen kwarusu yu nggal kwarogolat wolmer-o” luk yij-o.

KOLOSE 3:17

Yi kwatlik ndi kwatlik kwarogolat na, yi wene ndi wene yogolat na, Nagawan Indo Yesus unu bem-net iri pidsa kwarogolar-e, at ebem-nen Nineid Mbal Pem Nagawan imin-e ”Wiwa-o” luk yak togolat woragup na-e.