MATIUS 14:14 - Nanduk Ngget Tul Pidnak Wene

¹⁴ Yesus na e koma arem-nen kenangga mbidnggal-e, ap kwarat eneyaruk, at-nen it enabuwa yuruk, indi andi luk, kugi worak nap ereba na-ge ki rak inpij-o.

MATIUS 14:14 ပူးပေါင်းရင်းမြစ်များ

MATIUS 14:15

Iri rak unpuruk, keyama nggwe-ge at owosirag-e at eram wok luk-nen at yak togolar-e: ”O yu me-ge ap lak ma me, o na komo ki yamu me, ap yeba-ge nunggwi mende onggo paga nujwak-nen o siri lombok wirik inpi-o” luk yiga-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MATIUS 9:36

Iri kwarosolat-nen ap kwarat iri na eneyagaidnggal-e, it iri na-ge ndeyak-nen lomba wam ombo lak me, mbilarak woraso lomba wam nggal ala karuk, it enabuwa kwarat kagaij-o.

MARAKUS 6:34

Worakmu-ge, Yesus na-ge e koma arem-nen kenangga mbosolar-e, ap kwarat na yik eneyagaidnggal-e, ir-e lomba wam ombo lak nggal eneyarug-e, it enabuwa kwarat karug-e, wene kwarat mul indij-o.

MARAKUS 9:22

Nde, kugi meya iri na-nen kwarat pem at worak ebeyekluk-nen kwat obosolar-e, kan ma pil nggosolat, yi ma pil nggosolat kwaroso-o. Alat nde, kat-nen yongga nundurak nde ndak ala-ge, nenabuwa karuk, yongga nindi-o” luk yij-o.

LUKAS 19:41

Nde, Yesus na-ge Yerusalem panggosa wok luk, o siri na yik karug-e, o na ubud-nen yip tij-o.

LUKAS 7:13

Wagola-ge, Nagawan Indo Yesus-nen kwe na kasoluk, at abuwa-nen yak tosolar-e: ”Yip tusu meyog-o” luk yak tij-o.

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

IBERANI 4:15

Nde, nit nentepan ombo nggulok iri-ge nit ndeyak yugwi mende iri bem-e at-nen na nunpud kasu-o. Nde, nit ninndi ngaroso mende pik paksa-nen-e at indi na ngarij-et nde, ar-e meya mbi kwarigit lag-o.

IBERANI 5:2

Tepan ombo nggulok at na yi mende ndi mende bem ndeyak yoso me, it enaru buk, mborok tak nak kwarugwi nap inmin-e indi luruk puruk woraso-o.