MATIUS 13:52 - Nanduk Ngget Tul Pidnak Wene

⁵² Yogolikma-ge, at-nen it yak ondosolar-e: ”Iri ala-ge, engga aru nab-et nde, Mbal Pem Nagawan-nen tenagaidnak wi wene wanoso nap kwat yosolar-e, o winde-nen at-nen ndok worak poso sa iri arem-nen at arengge ngget mende nde obi mende nde wirik poso iri nggal-nen yusu-o” luk yij-o.

MATIUS 13:52 ပူးပေါင်းရင်းမြစ်များ

ESERA 7:10

Nde, Esera-nen-e Nagawan Indo-nen ”Irit kwarurag-o” yidnak wene min it-nen kwat tenak woragwi wene min oboksa iri na at-nen kwarosolat, ereba na Isarael nap mul ondosolat kwarurak pem-e Nagawan Indo-nen idnak imiri mbarak pidnak engga iri na-ge mondok kwara-t mbenarosolat woraso-o.

ESERA 7:21

Nde, yawo-ge nagawan an-nen tenagidnak wi o Eperat mo mboso (barat) nggwe ngguberenot woraidnak sa-nen tol tena worali nap kenpem wene yu pusu-o: Kek tak aid arem iri me woraso Mbal Pem Nagawan iri na-nen idnak imiri mbarak pidnak wene mondok kwarat aru nap tepan ombo Esera-nen nde nggi yidnak mende-ge mondok ndag-et nak yu nggal wok turag-o.

ESERA 7:6

Nde, Esera iri-ge imiri mbarak pidnak wene ereba na sekola yidnak me, Isarael nap Enmbal Pem Nagawan-nen idnak imiri mbarak pidnak wene Musa wok tid iri na-ge mondok kwara aru nab-o. Nde, Esera iri na-ge Nagawan Indo Embal Pem Nagawan-nen imbiringgat tak posola-ge, Nagawan Aratatasta-nen-e at-nen nggi yidnak mende oboksa wog-et tij-o. Nde, Nagawan Aratatasta-nen nagawan menluk o tena woralat olengen tuju bem tak poso tarem-e Esera iri na-ge Mbabel-nen Yerusalem mborosolar-e, Isarael nab-e tepan omborak min Lewi nap min Nagawan Indo erembel wanogolat Mbal Pem Nagawan ama-nen ndawi yugwi nap min Mbal Pem Nagawan uwi tumende pak tak woragwi nap min yabu wanugwi nap min irit inmin mbirij-o.

NGGOMO WENE 15:7

Indi worak nap-nen wirik pusu wene-ge konak tena wolmomtak wene nak mburusu-o. Alat nde, ap wid-nen yebet kaso iri-ge iri nggal-e mondok lag-o.

MATIUS 12:35

Konak nap-nen-e at arem-e konak nak kobong tak worasola me, konak wene nak wirik poso-o. Nde, meya yoso nap-nen-e at arem-e meya mende nak kobong tak me, meya wene nak wirik poso-o.

MATIUS 13:51

Yuruk, Yesus-nen it kin wok onposolar-e: ”Wene yu oboksa-ge kir-e yenggerak pili, lak?” luk kin wok onposoloma-ge, it-nen-e: ”Ye, yenggerak pili-o” luk yiga-o.

MATIUS 13:53

Iri luk, Yesus-nen nden karuk wene yu na woroksa yak ondosoluk yarik, o iri me keya buruk,

MATIUS 23:34

Iri bem-e, kwara koler-o. An-nen-e Mbal Pem Nagawan ene lomboksa yugwi nap nde, inndi nggat nggat worak nap nde, mul kundurak nap nde kendam inpil lobok yimin-et nde, kit-nen kwat onpogolar-e, ereb-e ondogolat, ereb-e e lang pang tak pem panggarak onpogolat, ereb-e kit tepan yugwi ma-nen lel mberel onpogolat, langgal unpuruk o siri misik me-nen o siri nin me mborogolat kwat unpugub-o.

MATIUS 28:19

Iri bem-e, kit mburugupndig-e, ap enlem oboksa-ge an nowosirak tak unpuruk, yi mat onpogolar-e, Eid unu bem, Ambara unu bem, Konak Indi unu bem yi mat unpuruk,

LUKAS 11:49

Iri bem-e, Mbal Pem Nagawan Indi Kwid Pidnak-nen yosolar-e: ’Mbal Pem Nagawan ene lomboksa yugwi nap min wirik inpidnak nap min it endamwirik inpil lobok yimin-o. Nde, it-nen-e ereb-e ondogolat, ereb-e lel mberel onpogolat ma-o’ luk yij-o.

YOANES 13:34

An-nen-e imiri mbarak pidnak wene ngget yu wok kundusu-o: Nabuwa kabuwa nak kagolat wolmer-o. An-nen kit kenabuwa kaso nggal kit-nen na nabuwa kabuwa irit kagolat wolmer-o.

2 KORINTUS 6:10

Ninndi puru pera yili-t nde, nir-e pempa nenalin nenalen yili-o. Ninsilobulo na lak nab-et nde, nir-e ap kwarat insilobulo worak tak inpili-o. Nit nenarengge lag-et nde, nir-e yi mende ndi mende oboksa winde-nen yili-o.

EPESUS 3:4

Nde, iri bem kit-nen engga na wonarogolar-e, Kerisut ebem yidnak kura wene an-nen yebet kagi-ge kenaru ma-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

KOLOSE 1:7

Aid wene iri-ge nit nennggam abuwa worak, nit nenmanggim Kerisut eyabu-ge mot mot nak wanoso nap Epaparas-nen mirik kinpid nar-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

1 TIMOTIUS 3:6

At iri-ge at ambikpebe kek yosola, Sere ebem ween mbarid nggal, at ebem wene mbaruwa naru, nggeret aid wene wanidnak nab-e mendak purak pug-o.

TITUS 1:9

At iri na-ge at mul tidnak ndemeret wene na puksa tena worasolar-e, ndemeret wene na bem-et ap kwara nggomo ondosolat, at imin eyak wurugwi nap-nen lugud tak yugwi wene na nam tak posolat ma-o.