MATIUS 13:39 - Nanduk Ngget Tul Pidnak Wene

³⁹ Nde, sirid nap kuri uwi pil kagaid iri na-ge Sere-net yusu-o. Nde, engen mbarurak tarem iri-ge i worok yuwa tarem-er-o. Nde, engen mbarugwi nap na-ge aid nab-er-o.

MATIUS 13:39 ပူးပေါင်းရင်းမြစ်များ

NDANIEL 7:10

Nde, at koreyak woraso ondoro iri me-nen-e kanduk misik yi nggal urusu kundugu mborosola kagi-o. Nde, ap kwarat (ribuan)-nen-e at ndegel obogola eneyagi-o. Ap mondok kwarat (jutaan)-nen-e at eram mendak woragola eneyagi-o. Woragolar-e, ap enpem wene mbarugwi tel korogolar-e, engga ereba na-ge pinggiril lobok yiga-o.

YOEL 3:13

It ereba-ge mondok meya nak kwarugwi-nen yili-o. Ir-e nggandum mbato yapmu ogore yidnak ereba na nggal lel pasa mbarak enper-o. Anggut engen amburu mbulugwi sa amburu mbologola, amburu kobong luk nggilara mbusu ereba na nggal makluk it ereba-ge kunuwok-nen enal lebarer-o.

MATIUS 12:32

Ta-nen nde Ap Ambara imin meya wene yuwa-ge Mbal Pem Nagawan-nen amberam tak puwa-t nde, Konak Indi imin meya wene yuwa-ge, yawo-nen na, abok na abok na-nen na, Mbal Pem Nagawan-nen amberam tak puwa bug-o.”

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

MATIUS 13:25

Alat nde, kubu nggwe ap pidsa nene yogola-ge, ap iri imin sirid nap misik lobok yosolar-e, mbato enggenggerak ereba na kuri uwi pil karuk, mbirij-o.

MATIUS 13:28

Yogolikma-ge, at-nen wene erep nggarosolar-e ’Lag-o. An nimin sirid nap misik-nen yu kwarij-o’ luk yij-o. Yosoloma-ge, at ndegel ubugwi nap-nen at kin wok pogolar-e: ’Kuri iri konak pil mbururag-e op, lak?’ luk yiga-o.

MATIUS 13:40

Iri ala-ge, kuri na-ge ndok wosa kan pugwi nggal, i worok yuwa tarem-e iri nggal-et kwaruwa-o.

MATIUS 13:49

Nde, i worok yuwa tarem-e iri nggal aid nap lobok yogolar-e, lud tak nak kwarugwi nap ennggenggerak-nen meya kwarugwi nap na lenak unpuruk,

MATIUS 24:3

Yesus na-ge Saitun ndobo bem koreyak worasoma-ge, at owosirak ereba na enarikmu-nen wene yuwokluk, at eram lobok luk-nen at kin wok obogolar-e: ”Kat yigen iri na-ge mepme tarem-nen kwat ma-o? Nde, no mende karuk-nen kat lobok yurak min i worok yurak tarem min-e panggo yusu-o luk yenggerak pul-o? Yak nindi-o” luk yiga-o.

MATIUS 25:31

”Ap Ambara na at unu kek tak pem lobok yosolar-e, aid nap oboksa na at imin lobok yogola-ge, at-nen-e nagawan koreyak woraso sa abinal worak iri na me kore yuwa-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

1 KORINTUS 10:11

It enpem mbidnak mende pidsa iri-ge nit na ”Iri nggal kwat nunpuwa-o” luk nit ninndi wanuwakluk-nen wene engga bem mbarak pid irir-o. Worok tak purak tarem nit worali nenmanggim.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

IBERANI 1:2

Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.

IBERANI 9:26

Kwarat pem wirik peyekluk-nen nggwidnggal-e, nggweyak yu ndak worak pid kuri-nen kwarat pem yane wat tenak woraleb-o. Alat nde, i worok tak purak tarem panggo yidnak worali yu tarem-nen Kerisut-e misik pem nak nam yid iri-ge at-net at iminep wesel koraruk, meya yogolat woraidnak iri-ge mondok lak tak peyekluk-nen nam yij-o.

1 PETERUS 5:8

Kit kunuwim nap Sere na-nen-e: ”No nap lebena mbo namin-o?” luk singa ndakngge nggal ene yolo ngolo waring kasu me, kir-e lid lud tak puruk, kwil kwalsa wolmer-o.

YURAS 1:14

Aram-nen wigak yil yil ap tap tuju bem tak posolat-nen ndet yidnak nap Enok iri-nen it kwat unpurak urul posolar-e: ”Yu nde ker-o! Nagawan Indo-nen idnak marak aid nap kere mondok wonarurak puk (beribu ribu) na inmin luk lobok yosolar-e,

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 13:14

At iri na-ge ndakngge isilepma worak nanduk na-nen wok tid amawi bem-et at imbiri bem-et kwiye worak mende kwarat kwarosolar-e, nggweyak ma woragwi nap oboksa onmbol pem lagaij-o. Nde, at ene amawi bem watsa nggweyak ma woragwi nap oboksa yak ondosolar-e: ”Yalawi bem wiridnag-et nde, urug-et worasu ndakngge isilepma worak iri na erembel wanuwoklug-e, at nggal ndak worak puruk, erembel waner-o” luk yak indij-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.