MATIUS 13:35 - Nanduk Ngget Tul Pidnak Wene

³⁵ Iri kwarid iri-ge, Mbal Pem Nagawan ene lomboksa yoso nap-nen yosolar-e: ”Nde, an-nen it yak ondosolar-e, nden karuk wene bem nak yak indimin-o. Nggweyak ndak wirid kuri-net enaru buk woragwi wene na yak indi-min-o” luk yid iri na ndak ndak tak posolat-nen kwarij-o.

MATIUS 13:35 ပူးပေါင်းရင်းမြစ်များ

NDAWI ENGGA 49:4

Nden karuk wene-ge an-nen kwara yebet karuk, ”Ebe-ge iri nggal-o” luk para yosolar-e, kecapi poba ene rak posolat-nen yimin-o.

YESAYA 42:9

Nde, an-nen ’Iri nggal kwat ma-o’ luk urul pigi na-ge yawo-ge nam yij-o. An-nen-e wene ngget erep kenaru rak pusu-o. Iri kwat yigit lak ma-net ’Iri nggal kwat ma-o’ luk watsa yak kundusu-o” luk yij-o.

AMOS 3:7

Nagawan Indo Mondok Kek tak iri na-nen-e at-nen kwarurak piridnak iri na-ge at ndegel ubugwi ene lomboksa yugwi nap ereba kirimbi yak indigit lak-nen-e mondok kwaroso bug-o.

MATIUS 13:14

Iri bem-e, Yesaya-nen: ’Iri nggal ma-o’ luk urul pid wene iri-ge it enpem ndak yusu-o. Nde, iri-ge: ’Kir-e kologolat woragub-et nde, yebet kagup pug-o. Kir-e kagolat woragub-et nde, kagit lak yugub-o.

MATIUS 13:3

Woragola-ge, at-nen nden karuk wene bem wene kwarat yak ondosolat-nen yosolar-e: ”Uwi pil kaso nap misig-e uwi pil kil mbirij-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 5:2

Nde, lobok yogola-ge, Yesus-nen wene mul ondosolat-nen wene yu yij-o:

LUKAS 10:14

Ap pidsa enpem wene mbaruwa tarem-nen-e Mbal Pem Nagawan-nen Tirus woragwi min Siron woragwi min unpud kujwa-t nde, kit Korasin woragwi min Mbetsaira woragwi min kunpuj-e kujwa bug-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YIDNAK YIDNAK WENE 15:18

nanduk-net wene yu kwarosolat enaru rak pid nap Nagawan Indo-nen-e irit yij-o.’

1 KORINTUS 2:7

Alat nde, Mbal Pem Nagawan indi tenggerak elem kura bidnak kura elem iri-ge Mbal Pem Nagawan-nen o yu ndak wirigit lak ma-nen nit kek tak nenpeyekluk, lud tak pidnak wene iri na yak kindili-o.

EPESUS 3:5

O nggetnem ereba-ge kura wene iri-ge nggweyak ma nap yak indigit lag-et nde, yawo-n Konak Indi bem-nen-e marak inpidnak wirik inpidnak nap min Mbal Pem Nagawan ene lomboksa yugwi nap min-e nam para mirik inpij-o.

EPESUS 3:9

”Mbal Pem Nagawan-nen kura bidnak wene na ndak ndak tak posolar-e, yu nggal kwaruwa-o” luk an-e ap pidsa mirik unpusu-o. Yi mende ndi mende oboksa ndak worak pidnak Mbal Pem Nagawan na arem-e obi-net wene na kura irit woragaij-o.

IBERANI 1:1

Nandug-e kwarat pem Mbal Pem Nagawan-nen nit nenlawingga yak ondosolar-e, Mbal Pem Nagawan ene lomboksa yugwi nap enpem nggwe-nen yak indij-o. Iri yosolar-e, tu nin tak nan tak pem yak ondosolat woragaij-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 17:8

Ndakngge isilepma worak kaigen iri-ge, nandug-e uruk woragaij-et nde, yawo-ge uruk worasu bug-o. At iri-ge yanem were mbun arem-nen lumarig-e, at lak tak uburak sa mburuwa-o. Nde, nggweyak ma worali nap, o nggweyak yu ndak worak pigit lak ma-net unluk wolmomtak engga arem unnu mbarigit lak nap oboksa-nen-e ndakngge isilepma worak iri karug-e, wi yuwa iri-ge ndakngge isilepma worak iri-ge nanduk uruk woragaij-et nde, yawo-ge uruk worasu bug-o. Nde, tuguruk nam ma iri bem-nen wi yuwa-o.