MATIUS 13:33 - Nanduk Ngget Tul Pidnak Wene

³³ Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge oroti lomboroso mende nggal-nen yusu-o. Kwe misik-nen oroti lomboroso mende waga mbato togolwak kenan kobong tag-et nde, imin puruk, omok worosola-ge, pidsa lomboroso-o” luk yij-o.

MATIUS 13:33 ပူးပေါင်းရင်းမြစ်များ

NDAK WIRIDNAK WENE 18:6

Yogolikma-ge, Abarakam na-ge ndag-et nak uwi lije sum-nen wiridnak iri na arem nggosolat, Sara yak tosolar-e: ”Kar-e oroti mburu konak mbi ndak wosa wanugwi mende bem kenan pem wanuruk, omok wosa keya buruk, oroti kago wosa woragi-o”

OSEA 6:3

Iri bem-e, nir-e mondok ndemeret ndemeret Nagawan Indo nenaru yurak pem nenmawi kunduwog-o. Ndemeret Nagawan Indo nendam lobok yosolar-e, o kil poso nggal, o sumbat woraruk, nggaruksa talme nggok mbosolat nggweyak piri rak poso talme nggal irit nendam lobok yuwa-o” luk yiga-o.

MATIUS 13:24

Yesus-nen nden karuk wene misik it yak ondosolar-e: ”Mbal Pem Nagawan-nen tenagaidnak wi iri-ge ap mbi-nen konak uwi at eyapmu pil kagaid iri nggal-nen yusu-o.

MARAKUS 13:20

Nde, Nagawan Indo-nen iri yurak tarem nde poro rak pigit lak nggal-e, ap misiget tet imiri yelep pug-o. Alat nde, at indi-nen len inpidnak nap enmanggim-e iri yurak tarem-e poro rak pij-o.

LUKAS 13:21

Mbal Pem Nagawan-nen tenagaidnak wi iri-ge oroti lomboroso mende nggal-nen yusu-o. Iri mende-ge kwe mbi-nen mbato sisidnak kenan pem waga imin puruk, omok worosola-ge, pidsa lomboroso-o” luk yij-o.

YOANES 15:2

Nde, e elem an nebem-nen mbiridnak inggi mbi-nen engen pigit lak ala-ge, at-nen-e yendera mbo boso-o. Nde, an nebem-nen mbiridnak inggi-nen engen pidnak ala-ge, engen erep kwarat puwakluk, at-nen-e angga erep lera keya buruk kona keya boso-o.

NGGALATIA 5:9

Oroti lomboroso mende mariget nak pidnag-et nde, oroti kwarak pidnak iri-ge kwarat lomboroso-o.

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

PILIPI 1:9

An-nen kenmanggim tepan yoso-ge yu nggal kwarobokluk-nen yoso-o: Kit-nen ap enabuwa kagwi min kenaru yugwi min yebet kagwi mende pidsa min iri-ge irit tit, irit tit kwarat mag-o luk yoso-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

WENE MBENARUGWI NAP-NEN KWARIDNAK WENE 6:19

Yosoloma, Nggireyon na mberarig-e, kambing mendaso misik saguruk, nggandum mbato yigirik mabe nggal angin-e sepulu kilo wanuruk, oroti lomboroso mende pigit lak kona woragurug-e, iri rak purug-e, uno iri na-ge mul sum misik arem yarak puruk, nde, amburu-ge togolwak arem puruk, saguruk lobok yosolar-e, Nagawan Indo-nen idnak aid nap at yik karok e terepentin indipma worasu iri na eram saga pil lobok yij-o.

1 SEMUEL 1:24

Nde, Semuel na kamo pok tak purug-e, ija-nen waruk Nagawan Indo, ama o Silo pil mbirij-o. Nde, iri tarem-e Semuel-e mondok marik komosa bem-et pil mbirij-o. Iri tarem-e Ana-nen-e sapi kusi olengen kenan woraidnak iri min nggandum mbato yigirik angin sepulu kilo min wam aboro-nen konidnak yimbe anggut engen amburu kobongsa kenanggo misik min-et waruk mbirij-o.