MATIUS 13:3 - Nanduk Ngget Tul Pidnak Wene

³ Woragola-ge, at-nen nden karuk wene bem wene kwarat yak ondosolat-nen yosolar-e: ”Uwi pil kaso nap misig-e uwi pil kil mbirij-o.

MATIUS 13:3 ပူးပေါင်းရင်းမြစ်များ

NDAWI ENGGA 49:4

Nden karuk wene-ge an-nen kwara yebet karuk, ”Ebe-ge iri nggal-o” luk para yosolar-e, kecapi poba ene rak posolat-nen yimin-o.

MIKA 2:4

Kit-nen lak tak kunpuwa iri na-ge ap-nen wene ijambo rak puwa-o. Iri yogolat-nen yip lilan ndawi ngarogolar-e: ’Nagawan Indo-nen-e nit nunuwi yu-ge mengga nit yemndak nunpuruk worali nap wok indij-o. Nir-e mondok yigisa abapno rak ninpidnak worali-o’ luk yuwa-o” luk yij-o.

ABAKUK 2:6

Alat nde, it-nen urugwe nggwe rak inpidnak ereba na-nen pesel onpogolat, nden karuk wene bem yak ondogolar-e: ”Kir-e nit nap enarengge mengga wanidnak ereba na bem silobulo winde yili-o. Iri bem-e kir-e mondok kinmbiri lamut mer-o! Kir-e yi mende ndi mende ombo yuwakluk, kenarengge wok indidnak ereba na ’Ndag-et uwi yager-o’ luk kiri kere yili iri-ge mepme tarem-nen keya bugub-o?” luk yuwa-o.

MATIUS 13:4

Nde, uwi na pil kasola-ge, uwi ereb-e tulabiyem mbamu-ge, towe na lobok yarig-e, woroksa ninggij-o.

MATIUS 13:53

Iri luk, Yesus-nen nden karuk wene yu na woroksa yak ondosoluk yarik, o iri me keya buruk,

MATIUS 22:1

Iri luk, Yesus na-ge nden karuk wene bem tuguruk it yak ondosolar-e:

MATIUS 24:32

”E ara-nen kwaroso yu kenaru mer-o: At ambarok puluruk, angga lebarosola-ge, o kibi yurak tarem-e panggo yij-o luk kenaru yili-o.

MARAKUS 12:1

Iri luk, Yesus-nen nden karuk wene bem it tepan omborak nagawan nagawan min imiri mbarak pidnak wene enaru nap min Yawuri nap nagawan nagawan min yak ondosolar-e: ”Ap misik-nen-e anggut engen uwi yaguruk, leget wanuruk, engen amburu mbulurak ondoro nggweyak yaluruk, yik karok wolmomtak o lije teram mbi wirij-o. Iri rak puruk, ap erep-nen parugu woraidnak pem engen mbi wanuwakluk yak undurug-e, at iri-ge o nin sa mbirij-o.

MARAKUS 12:12

Yosoloma-ge, Yawuri nap ap yok nggok ereba-nen-e: ”Nden karuk wene yid yu-ge nir-et yak nindij-o” luk Yesus tenaguwokluk yiga-t nde, ap kwarat ereba na enaye-nen at keya buruk, mbiriga-o.

MARAKUS 3:23

Yogolikma-ge, Yesus-nen ap kwarat wene mbo unpuruk, nden karuk wene bem yak ondosolar-e: ”Sere-nen-e nggerak puruk Sere wirik poso-o?

MARAKUS 4:13

Iri luk, Yesus-nen it kin wok onposolar-e: ”Kir-e nden karuk wene yuge kwara yebet kagit lak ala-ge, nggesa-nen nden karuk wene ereb-e kenaru yugub-o?

MARAKUS 4:33

It-nen yebet kudtak ndak ndak, Yesus-nen nden karuk wene yu nggal pem aid wene yak ondosolat woragaij-o.

LUKAS 12:41

Iri yosola-ge, Peterus-nen yosolar-e: ”Nagawan Indo wa-e. Nden karuk wene yigen yu-ge nit mirik ninpigen, lak? Are, ap oboksa nde mirik inpigen-a?” luk yij-o.

LUKAS 8:10

Yogolikma-ge, at-nen it yak ondosolar-e: ”Mbal Pem Nagawan-nen tenagaidnak wi kura wene-ge kit kenaru yuwakluk we wok ondoso mende-ge wok kindidnak worasu-o. Alat nde, ap ereb-e it enlengen-nen kagolar-et nde, kagit lak yogolat, kologolar-et nde, yebet kagit lak yogolat makluk, nden karuk wene bem mul undusu-o” luk yak indij-o.

YOANES 16:25

Yuruk, ”Wene yak kundusu yeba-ge nden karuk wene bem yak kundusu-t nde, nden karuk wene bem keya buruk, an Neid owene-ge nam-et nak yak kundurak tarem wok ma-o.