MATIUS 13:24 - Nanduk Ngget Tul Pidnak Wene

²⁴ Yesus-nen nden karuk wene misik it yak ondosolar-e: ”Mbal Pem Nagawan-nen tenagaidnak wi iri-ge ap mbi-nen konak uwi at eyapmu pil kagaid iri nggal-nen yusu-o.

MATIUS 13:24 ပူးပေါင်းရင်းမြစ်များ

YESAYA 28:10

At-nen nit mul nondosolar-e ’Mondok yu-o. Iri-o’ yosolat, ’Mondok yu nggal kwarurag-o. Iri nggal kwarurag-o’ yak nondosolat, ’Siyak eralu yu nggal purag-o. Iri nggal purag-o’ luk nit mul nundurag-e ndag-er-a?” luk yili-o.

YESAYA 28:13

Kit iri kwarigep iri bem-nen Nagawan Indo-nen mul kondosolar-e: ”Mondok yu-o. Iri-o” yosolat, ”Mondok yu nggal kwarurag-o. Iri nggal kwarurag-o” yak kondosolat, ”Siyak eralu yu nggal purag-o. Iri nggal purag-o” luk mirik kunpusu-o. Iri-nen ndowaga kit nak-nen mborogolar-e, wosa mbogolar-e, mep tak konposolat, sabu arem ngonok yogolat, kamat kunpuruk mborogolat ma-o.

MATIUS 13:19

Ap misig-e Mbal Pem Nagawan-nen tenagaidnak wi wene iri kulidnag-et nde, indi-nen yebet kasu buk ala-ge, Sere na lobok luk, at arem pil kaidnak uwi iri na mengga waruk mburusu iri-ge uwi tulabiyem mbidnak iri nggal-nen yusu-o.

MATIUS 13:25

Alat nde, kubu nggwe ap pidsa nene yogola-ge, ap iri imin sirid nap misik lobok yosolar-e, mbato enggenggerak ereba na kuri uwi pil karuk, mbirij-o.

MATIUS 13:31

Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge sawi uwi nggal-nen yusu-o. Nde ap misik-nen sawi uwi iri-ge at eyapmu yagaidj-o.

MATIUS 13:33

Yesus-nen nden karuk wene misik yak ondosolar-e: ”Mbal Pem Nagawan-nen tenagaidnak wi iri-ge oroti lomboroso mende nggal-nen yusu-o. Kwe misik-nen oroti lomboroso mende waga mbato togolwak kenan kobong tag-et nde, imin puruk, omok worosola-ge, pidsa lomboroso-o” luk yij-o.

MATIUS 13:37

Yak togolikma-ge, Yesus-nen wene erep nggarosolar-e: ”Ndemeret mbato uwi yagaid nap iri-ge Ap Ambara-net yusu-o.

MATIUS 13:47

”Iri nggal-et Mbal Pem Nagawan-nen tenagaidnak wi iri-ge keyane wanugwi sum misik yi koma arem mberak pogola, keyane nin tak nan tak yat yoso sum iri nggal-nen yusu-o.

MATIUS 18:23

Iri bem-e, Mbal Pem Nagawan-nen tenagaidnak wi iri-ge yu nggal-nen yusu-o: Nagawan misig-e at ndegel pugwi nap-nen at arengge namat waniga ereba na uwi yagurak peragaij-o.

MATIUS 20:1

”Mbal Pem Nagawan-nen tenagaidnak wi iri-ge anggut yabu winde-nen-e eyabu wanuwakluk ap onkore kubu kabu mbirid iri nggal-nen yusu-o.

MATIUS 21:33

Yesus-nen yosolar-e: ”Nden karuk wene misik yu koler-o. Nggweyak winde nap misig-e eyabu anggut yabu woragaij-o. Worala-ge, leget waga kambuk tak puruk, engen amburu mbulurak ondoro nggweyak yaluruk, yik karok wolmomtak o lije teram misik wirij-o. Wutlug-e, it-nen parugu woraidnak pem engen erep wanuwakluk, ap yak unduruk, at iri na-ge o nin sa mbirij-o.

MATIUS 22:2

”Mbal Pem Nagawan-nen tenagaidnak wi-ge yu nggal-nen yusu-o: Nagawan misig-e at ambara na kwe wanosola-ge, nunggwi mende nggulok sagaij-o.

MATIUS 25:1

”Iri tarem-e Mbal Pem Nagawan-nen tenagaidnak wi-ge yu nggal-et ma-o. Kwami ndugum sepulu iri-ge it ental wanogoluk, it wok unpurak nap imin lid pid yuwokluk mbiriga-o.

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

LUKAS 13:18

Yesus-nen yosolar-e: ”Mbal Pem Nagawan-nen tenagaidnak wi-ge ngge nggal-o? No mende min ndak wirimin-o?

LUKAS 13:20

Yesus-nen tuguruk yosolar-e: ”Mbal Pem Nagawan-nen tenagaidnak wi-ge no mende min ndak wirimin-o?

KOLOSE 1:5

Kit kenmanggim aid arem lid lud tak pidnak mende iri bem kinndi mbung mbung tak worasu-o. Nde, iri wene-ge kir-e nanduk-net ndemeret wene aid wene iri na bem-nen kuligeb-o.

1 PETERUS 1:23

Mbal Pem Nagawan-nen yidnak wene, urug-et woralik nalik woraso wene iri-nen-e mberen pem ndet konposolar-e, ki nap-nen ndet unpugwi nggal ndet kinpigit lag-o. Are, Nineid pem-et woralik nalik woraso-nen ndet kinpij-o.