MATIUS 13:21 - Nanduk Ngget Tul Pidnak Wene

²¹ Alat nde, ap iri na enarem-e emengen kundigit lak me, we mariget nak op woragwi-o. Nde, aid wene iri na bem ala angin pangin mende enpem mbosolat lel mberel onpogola-ge, ereya na-net wene keya bugwi-o.

MATIUS 13:21 ပူးပေါင်းရင်းမြစ်များ

AYUP 19:28

Kit-nen yogolar-e: ’Nir-e nggerak puruk andi bandi rak pul-o?’ Kir-e erem kwaruwokluk tu kore yili-o.

OSEA 6:4

Alat nde, Nagawan Indo-nen yosolar-e: ”Kit Isarael nap min Yewura nap min wa-e. Kit-nen an nabuwa kagwi-ge kuplila o age min lilangen min ndag-et nak lak yusu iri na nggal me, an-e kit kinmin-e ngge nggal kwarimin-o?

MATIUS 10:22

An nunu bem ap oboksa-nen insili rak kunpuwa-t nde, momak puruk irit worasoma, woroksiyem wok ma nab-e imiri yuwa-o.

MATIUS 11:6

Nde, an nebem ala indi mberen yugwi buk nab-e enalen kujwag-o” luk yak indij-o.

MATIUS 13:20

Nde, kerep pem nggweyak mariget nak me mbidnak uwi iri nggal ap-nen aid wene na kulurug-e, ereya na-net enalen min-et wanili-o.

MATIUS 13:57

Iri yogolar-e, it-nen at insili rak piga-o. Alat nde, Yesus-nen it yak ondosolar-e: ”Mbal Pem Nagawan ene lomboksa yoso nab-e yi wi ndi wi-nen kek tak pugwi-t nde, at ambik ama-nen na, at ambik ama woragwi nap-nen na, at kek tak ubugwi bug-o” luk yij-o.

MATIUS 13:6

mo pil wasolar-e, terabet yij-o. Nde, iri yid iri-ge emengen kwara mbigit lak me, terabet luk umbuk yij-o.

MATIUS 24:13

Alat nde, ta-nen nde irit momak puruk worasoma, woroksiyem wok yuwa nab-e imiri yuwa-o.

MATIUS 26:31

Mborogolar-e, Yesus-nen it yak ondosolar-e: ”Mbal Pem Nagawan engga mbarak pem-nen yosolar-e: ’Lomba wam yik karok woraso nap wurumu-ge, at olomba-ge ndibi ndi ma-o’ luk yidnak me, yawo kubu yu-ge kit pidsa-ge an keya nuburuk mburugub-o.

MATIUS 26:33

Yosoloma-ge, Peterus-nen at yak tosolar-e: ”It erep oboksa-nen keya kubuwa-t nde, an-e mondok keya kibimin pug-o” luk yij-o.

MARAKUS 4:17

it inndi arem-e emengen mbigit lak me, marig-et nak tugup lak worarug-e, aid wene wanidnak iri na bem anggun worak mende enpem mbosolat, lel mberel onpogola-ge, ir-e ndag-et nak aid wene keya bili irir-o.

LUKAS 8:13

Nde, kerep mborok ma mbid uwi iri na nggal-e aid wene kulurug-e, enalen min-et wanurug-et nde, wene-ge it enarem kwara uwi yak yigit lak me, marig-et nggal inndi angin tubu yidnak me, abok nggwe it inndi ngaroso mende enpem mbosola-ge, keya bili nap iri nggal-nen yusu-o.

YOANES 6:26

Yak togolikma-ge, Yesus-nen it yak ondosolar-e: ”An-e ndemeret yak kundusu-o. Kir-e an-nen kwiye worak mende kwaroso ereba na ebe yenggerak puruk-nen nogore yili-ge lag-o. Are, mburu kinmbitsa ninggep iri na bem nak nogore yili-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

NGGALATIA 6:12

”Kit kiniye ambasap waber-o” luk watsa yak kindili nap-nen kwarugwi mende bem ija bija yuwokluk-net iri nggal yili-o. Iri nggal kwatli iri-ge Kerisut-nen idnak e lang pang tak pem ala, it lel mberel unpuwa naru-nen kwatli-o.

NGGALATIA 6:15

Iniye ambasap wabidnak na irit, iniye ambasap wabigit lak na irit, iri-ge ebe lak mende-nen yusu-o. Alat nde, nenpage ngget mende kwat yidnak iri perak nde nggulok-nen yusu-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

2 TIMOTIUS 1:15

O Asia woragwi nap pidsa an keya nuburuk ndi yogolar-e, ap Pigelus min Eremogenes min na irit keya nuburuk mbiriga wene kar-e karu nar-o.

2 TIMOTIUS 4:10

Nde, Ndemas na-ge nggweyak ma mende indingen tak puruk, an yumbuk neyaruk, Tesalonika mbirij-o. Kereskes na-ge Nggalatia mborosolat, Titus na-ge Ndalmatia mborosolat yiga-o.

YAKOBUS 3:2

Kit pidsa-ge pempa lugud tak nak kwarugwi-o. Ta-nen nde ene yoso bem meya kwaroso buk nab-e iminep mbarak-nen yusu-o. At iri-ge at ebe oboksa tena woraso-o.

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.