MATIUS 13:11 - Nanduk Ngget Tul Pidnak Wene

¹¹ Yogolikma-ge, at-nen wene erep nggarosolar-e: ”Kit perak nde Mbal Pem Nagawan-nen tenagaidnak wi kura wene iri kenaru momtak we wok ondoso mende wok kindij-et nde, ir-e wok indigit lag-o.

MATIUS 13:11 ပူးပေါင်းရင်းမြစ်များ

YESAYA 35:8

Iri me-ge tula nggok na wolmar-o. Nde, tula iri unu-ge ”Inmiri Yurak Sa Mburugwi Tula-o”. Meya yugwi nab-e tula iri nggwe-ge mburuwa bug-o. Ap indi lak-nen na tula iri nggwe mburugwi nab-e kabak tak unpuwa bug-o.

MATIUS 13:10

Iri luk, at owosirag-e Yesus eram lobok yigarik, at kin wok obogolar-e: ”Kar-e noluk-nen nden karuk wene bem wene yak ondoso-o?” luk kin wok piga-o.

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

MATIUS 19:11

Yogolikma-ge, Yesus-nen wene erep nggarosolar-e: ”Wene yu-ge ap pidsa-nen wanurak wene-ge lag-o. Are, Mbal Pem Nagawan-nen wene iri kwaruwakluk we wok ondoso mende wok indidnak nap nak-nen kwarurak wene-nen yusu-o.

MATIUS 20:23

Yogolikma-ge, at-nen it yak ondosolar-e: ”Nidmbe arem kenanggo iri-ge ndemeret nunggub-et nde, an ninggi kigit nggwe, kware nggwe kore yurak iri-ge an-nen koreyak unpurag-e meya-o. Are, an Neid-nen: ’At iri aret pimin-o’ luk enperasu nap iri koreyak unpuwa-o” luk yak indij-o.

MARAKUS 10:40

an ninggi kigit nggwe, kware nggwe kore yurak iri-ge an nebem-e lag-o. Iri me kore yurak iri-ge Mbal Pem Nagawan nak-nen koreyak unpuwa-o” luk yak indij-o.

MARAKUS 4:11

Kin wok obogolikma-ge, at-nen it yak ondosolar-e: ”Mbal Pem Nagawan-nen tenagaidnak wi kura wene iri-ge kit yak kindigi na-t nde, it mbepme worali nab-e nden karuk wene bem-et yak undusu-o.

LUKAS 8:10

Yogolikma-ge, at-nen it yak ondosolar-e: ”Mbal Pem Nagawan-nen tenagaidnak wi kura wene-ge kit kenaru yuwakluk we wok ondoso mende-ge wok kindidnak worasu-o. Alat nde, ap ereb-e it enlengen-nen kagolar-et nde, kagit lak yogolat, kologolar-et nde, yebet kagit lak yogolat makluk, nden karuk wene bem mul undusu-o” luk yak indij-o.

YOANES 6:65

Iri yuruk, Yesus-nen yosolar-e: ”Iri bem-nen an Neid-nen indi waruk lobok yigit lak nab-e an neram lobok yurag-e meya-o luk yak kindigi nar-o” luk yij-o.

YOANES 7:17

Nde, ta-nen nde Mbal Pem Nagawan indi-n pidnak kwareyeg-o luk peraidnak nap-nen-e an-nen mul ondoso wene yu-ge Mbal Pem Nagawan eram-nen lobok yidnak wene nde mul undusu, lak? Are, at indi-n pidnak wene nde mul undusu-a? luk aru yuwa-o.

YIDNAK YIDNAK WENE 16:14

Nde, kwami ereba na ennggenggerak nenne kulid kwe misik o siri Tiatira kwe unu-ge Liria irit woragaij-o. Kwe iri-ge kiloga sum onggo wanoso-o. At iri-ge Mbal Pem Nagawan erembel wanoso kwe-o. Nde, Nagawan Indo-nen kwe na indi tu kuwarak posola-ge, Paulus-nen yidnak wene-ge kwara kuluruk, wanij-o.

OROMA 11:25

Nowe nowosi wa-e. Kit-nen-e: ”Nir-e ninndi nggat ponok tak-net yili-o” luk peragup naru-nen kit kenaru tobok-nen kura wene misik yak kendeyeg-o. Isarael nap ereb-e inndi amawi irit worakmu, enlem nin nap abu ndegera Mbal Pem Nagawan eram wok yogola-net inndi ndeyak ma-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

1 KORINTUS 13:2

An-nen-e aid wene kwiye worak yoso kwat yosolat, kura wene pidsa naru yosolat, enaru yugwi mende pidsa naru yosolat, an nindi angin tubu yidnak iminep mbarak pem-nen ndobo iri lembera nin me wirik posolat yimin-et nde, ap enabuwa kagwi elem nde ap narem-e lak-nen-e an-e ebe lak mende-nen yusu-o.

1 KORINTUS 15:51

An-nen kura wene yu nam tak paga yak kindimin yu koler-o. Nit pidsa wat mul-e lag-o. Alat nde, nit pidsa nin nggal tak nunpuwa-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 KORINTUS 2:7

Alat nde, Mbal Pem Nagawan indi tenggerak elem kura bidnak kura elem iri-ge Mbal Pem Nagawan-nen o yu ndak wirigit lak ma-nen nit kek tak nenpeyekluk, lud tak pidnak wene iri na yak kindili-o.

1 KORINTUS 4:1

Ap-nen yik neneyagolar-e, Kerisut ndegel ubugwi nab-er-o luk nenperagolat, Mbal Pem Nagawan-nen kura bidnak wene tena woragwi nab-er-o luk nunpurujwag-o.

1 KORINTUS 4:7

Kar-e ta-nen nde kek tak keyasu-o? Kat karengge worasu iri-ge Mbal Pem Nagawan-nen wok kirigit lag-a? Iri bem-e, we wok kiridnag-et nde, kar-e noluk-nen kat-nen wanidnak nggal tak puruk, kondomok kek yusu-o?

EPESUS 1:18

An-e Mbal Pem Nagawan emengen mbarosolar-e, kit kinndi erengen kuwarak puwakluk yoso-o. Iri-ge kuwarak posola-ge, Mbal Pem Nagawan-nen kit wene mbo kinpidnak kinndi mbung mbung tag-e ngge-o luk kenaru tobok-nen na, Mbal Pem Nagawan winde nap enmanggim at arengge mondok kwarat lid lud tak pidnak iri na kenaru tobok-nen na,

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

EPESUS 5:32

Kura wene yu-ge nggulog-et nde, wene iri na-ge Kerisut min lambuk tak inpidnak nap min enpem yidnak-nen yusu-o luk an-e perasu-o.

EPESUS 6:19

Nanongga an nemende tu kuwarak posola, kura bidnak aid wene na-ge an-nen kwiye lag-et nam tak peyek-nen an namanggim na tepan yogolat wolmer-o.

KOLOSE 2:2

Iri yusu iri-ge, it inndi yanggo luk, it na it-nen nabuwa kabuwa woragolar-e, it inndi-n kwara yebet kagola-ge, Mbal Pem Nagawan-nen idnak kura wene enaru makluk iri yusu-o. Nde, kura wene iri-ge Kerisut at-net yusu-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

1 TIMOTIUS 3:9

It iri-ge it-nen yebet kagwi inndi mbek tak pem-net Mbal Pem Nagawan-nen nam tak pidnak inndi angin tubu yugwi wene iri-ge kwara tena wolmomtak nap mag-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.

1 YOANES 2:20

Alat nde, Kerisut-nen Konak Indi-ge kit kenpem kilidnak me, kit pidsa kenaru yili-o.

1 YOANES 2:27

Alat nde, kit perak nde, Kerisut-nen Konak Indi-ge kit kenpem nggilara pil mbuwagaij-o. Nde, Konak Indi-ge kit kenarem woralar-e, yi mende ndi mende pidsa mul kundusu me, ap-nen mul kundurag-e meya-o. Nde, Konak Indi-nen mul kundusu wene-ge enesiget wene-ge lag-o. Ndemeret wene nak mul kundusu-o. Iri bem-e, kit-nen-e Konak Indi-nen yidnak yidnak nak kwarogolat, Kerisut imin kundik irit wolmer-o.