MATIUS 12:50 - Nanduk Ngget Tul Pidnak Wene

⁵⁰ An Neid aid arem woraso na indi-n pidnak nak kwatli nab-e iri-ge nowottak li ap min nowottak li kwami min an niya min-nen yusu-o” luk yij-o.

MATIUS 12:50 ပူးပေါင်းရင်းမြစ်များ

NDAWI ENGGA 22:22

Kat-nen kwaroso-ge an nenggamirak ndindera yak indimin-o. Kat kilirak ndok wiridnak ennggendumu-nen kat kerembel wanosolat woramin-o.

MATIUS 12:49

Iri luk, at inggi ndum at imin nugwi nap enambigit posolat-nen yosolar-e: ”An niya min an nowottak min-e yur-o!

MATIUS 13:1

Iri na tarem-e Yesus na-ge o iri keya buruk mberarik, yi koma eyak pem kore yij-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MATIUS 25:45

Yak togolikma-ge, at-nen wene erep nggarosolar-e: ’An-nen yak kendeyeg-o: It ennggendumu marik komosa meya yu na kwat ibigit lak yigep iri-ge, an-et kwat nibigit lak yigeb-o’ luk yak unduwa-o.

MATIUS 28:10

Alama-ge, Yesus-nen it yak ondosolar-e: ”Kwiye kali-ge meyog-o. Mburugupndig-e, an naggamirak na-ge Nggalilea mberer-o luk yak indil mberer-o. Iri me-nen an niyujwa-o” luk yak indij-o.

MARAKUS 3:35

Mbal Pem Nagawan indi-n pidnak kwarusu nab-e an nowosirak li ap min an nowosirak li kwami min an niya min-nen yili-o” luk yij-o.

LUKAS 8:21

Yak tosoloma-ge, Yesus-nen it pidsa yak ondosolar-e: ”Mbal Pem Nagawan-nen yidnak wene kuluruk, kulidnak iri ndak ndak kwatli nab-e an niya min nowosirak min-nen yili-o” luk yij-o.

YOANES 15:14

Nde, kit-nen nde an-nen kenpem pidnak wene na nak kwarogola-ge, kir-e an nanggamirak-nen yili-o.

YOANES 20:17

Yosoloma-ge, Yesus-nen kwe na yak tosolar-e: ”An Neid eram awo lagit lak me, an tena nubusu meyog-o. Are, an nowosirak endam mburugundik, an-nen yidnak wene yu yak ondosolar-e: ’An min kit min Nineid Mbal Pem Nagawan na eram-et lasu-o’ yij-o luk yak undugun-o” luk yak tij-o.

YOANES 6:29

Yogolikma-ge, Yesus-nen it yak ondosolar-e: ”Mbal Pem Nagawan indi-n kit-nen kwaruwag-o luk perasu-ge yu-o: At-nen wirik nibil lobok yidnak nap an nebem nak kinndi angin tubu yer-o” luk yak indij-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

YIDNAK YIDNAK WENE 17:30

It enaru buk woraiga tarem-e Mbal Pem Nagawan-nen we yik nak eneyaruk keya inpij-et nde, yawo-nen-e yi wi ndi wi worali nap pidsa ’Kondok yer-o’ luk yak undusu-o.

YIDNAK YIDNAK WENE 26:20

Are, nanduk tel korosolar-e, Ndamsik woragwi nap yak unduruk, Yerusalem woragwi nap min Yurea wi oboksa woragwi nap min it enlem nin nap min na yak ondosolar-e: ’Kir-e kondok luk, nden karuk Mbal Pem Nagawan eram lobok yogolar-e, kondok yidnak nap-nen kwarugwi ndak ndag-et kwarogolat wolmer-o’ luk yak indil nigi-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

1 KORINTUS 9:5

Wirik inpidnak nap erep min Nagawan Indo owosirak min Peterus min-nen kwatli nggal, nit na irit nonkwe rak inndi angin tubu yidnak kwe na ninmin waring kudtag-e meya-a?

2 KORINTUS 11:2

Ap misiget nak wanobokluk ebem panggarak kinpigirik me, kir-e imin nene yugwi buk kwe ndugum nggal Kerisut wok kunpuwakluk-nen Mbal Pem Nagawan-nen kit kenpem ala erengen ale yusu nggal, an-nen na kit kenpem ala nerengen ale yusu-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

NGGALATIA 6:15

Iniye ambasap wabidnak na irit, iniye ambasap wabigit lak na irit, iri-ge ebe lak mende-nen yusu-o. Alat nde, nenpage ngget mende kwat yidnak iri perak nde nggulok-nen yusu-o.

KOLOSE 3:11

Iri bem-e, enlem nin nab-o luk, Yawuri nab-o luk na lak, iniye ambasap wabidnag-o luk iniye ambasap wabigit lag-o luk na lak, ap enlem oboksa ennggendumu-nen misik kek tak, misik teberak na lak, ndegel unpugwi-o luk, weserak woragwi-o luk na lag-o. Are, oboksa iri-ge Kerisut-nen yusu-o. Kerisut it oboksa inmin misiget yidnak-nen yusu-o.

1 TIMOTIUS 5:2

kweyap inndi worak inmin-e kiyarak nggal tak unpurag-o. Nde, kweyap ndugum inmin-e kindi mondok mbek tak pem-net kiridtak nggal tak unpurag-o.

IBERANI 5:9

At iri na-ge iminep mbarak obosola-ge, at-nen yidnak yidnak nak wanugwi nap pidsa inmiri yaga wok ondoso woralik nalik momtak elem-e ar-e kwat yij-o.

1 PETERUS 4:2

Iri bem-e, we yawo ya woragolar-e, ki nap-nen ukwe ukwe yugwi langgal luk mbururak pug-o. Are, Mbal Pem Nagawan indi-nen pidnak irit langgal luk mberer-o.

1 YOANES 2:17

O nggweyak yu min nggweyak ma mende ukwe ukwe yugwi mende pidsa min-e lak yusu-o. Alat nde, Mbal Pem Nagawan indi-n pidnak nak kwat tenak wolma nab-e urug-et pem-et woralik nalik wolma-o.

NAM PARA WENE 22:14

It unsum masa ngget tak pili nab-e unluk wolmomtak e iri na engen nonggolat, o siri iri nggogolar-e, kerep pak tumende nggwe nggogolat yurag-e it nak-net yili me, enalen kujwag-o.