MATIUS 12:41 - Nanduk Ngget Tul Pidnak Wene

⁴¹ Niniwe woragwi nab-e Yunus-nen yidnak wene kuluruk, it meya yidnak keya buruk kondok yidnak me, ap pidsa enpem wene mbaruwa tarem-nen-e Niniwe nap-nen yawo worali nap kinmin men yogolar-e, kit kenpem wene mbaruwa-o. Nde, ndemerer-o. Yunus iri-ge nggulog-et nde, ap misig-e mondok terak minik nggulog-e yu me worasu-o.

MATIUS 12:41 ပူးပေါင်းရင်းမြစ်များ

YESAYA 54:17

Alat nde, kat kuruwokluk tup san konuwa oboksa-ge ereba na bem-nen kat kururag-e meya ma-o. Kat kebem wene puwa ereba na-ge wene mbenarugwi sa-nen mbenarugundig-e, ebe lak wene nde kagun-o. An-nen-e ndegel nubugwi nab-e we irit ombol nggwe yugwi elem wok indimin-o” luk Nagawan Indo-nen yij-o.

YUNUS 1:2

Yak tosolar-e: ”Kar-e Niniwe siri nggok iri me mbiri-o. Nde, iri me-nen meya kwat tenak woragwi iri-ge an-e naru-o. Iri ala, kar-e nggomo indil mbiri-o” luk yak tij-o.

YUNUS 3:4

Yunus iri na-ge o siri iri na me nggwarik, misik tarem aptusa mbirid mbirid, misik me wokluk, aid wene yak ondoso tel korosolat-nen yosolar-e: ”Empat pulu tarem nak worarug-e, Niniwe siri yu-ge mondok yigisa lak tak puwa-o!” luk yij-o.

MATIUS 12:39

Yogolikma-ge, Yesus-nen it yak ondosolar-e: ”Yawo worali nap kir-e meya kwarogolat, logud tak kwarogolat kwatli-ge ijar-o! Kir-e iri yugwi-net nde, kwiye worak mende mbi kwari-o luk yak nitli-a? Mondok lag-o. Nde, yenggerak purak mende nin mbi mirik kunpuwa bug-o. Are, Mbal Pem Nagawan ene lomboksa yoso nap Yunus-nen kwarid yenggerak purak mende iri na-t kagub-o.

MATIUS 12:42

O araptak ponok (selatan) nggwe-nen lobok yidnak kwe nagawan iri na-nen-e Salomo indi kwid pidnak wene kuleyek-lug-e, nggweyak erep yoboksa-nen lobok yidnak me, ap pidsa enpem wene mbaruwa tarem-nen-e kwe iri na-nen yawo worali nap kinmin men yuwarig-e, kit kenpem wene mbaruwa-o. Salomo iri-ge nggulog-et nde, terak minik nggulok misig-e yu me worasu-o!”

MATIUS 12:45

kugi iri na mborosolar-e, at iri-ge meya-t nde, at nggal nggal mondok meya kugi tuju iri na at-nen ininggi wil mbutlug-e, ap iri na arem nggugwi-o. Nggogola-ge, ap iri na nanduk woraso iri-ge meya-ge marik nggal-et nde, abok nggwe woraso iri perak nde mondok meya irit kwaroso-o. Nde, yawo worali meya yugwi nap iri na kwat onposolar-e, iri nggal kwat unpuwa-o” luk yij-o.

MATIUS 12:6

An-nen yak kendeyeg-o: Mbal Pem Nagawan uwi iri-ge nggulog-et nde, terak minik nggulok mende misig-e yu me worasu-o.

MATIUS 16:4

’Kagwi buk mende mirik ninpi-o’ luk yugwi nab-e meya kwarugwi nap min mot mot kwarugwi buk nap min iri-net yili-o. Nde, kagwi buk mende nin mbi yak kunduwa bug-o. Are, Yunus-nen idnak kwiye worak mende iri nak mirik kunpu-wa-o” luk yak ondosoluk, it iri me woragola, at na keya unpuruk mbirij-o.

MATIUS 17:17

Yosoloma-ge, Yesus-nen wene erep nggarosolar-e: ”Kit kinndi angin tubu yugwi buk, kinndi nari wari rak nap wa-e! An-e nunggwirik tarem kit kinmin woramin-o? An-e nunggwirik tarem kit kinmin-e momak puruk woramin-o? La iri-ge an neram pil lobok yi-o” luk yij-o.

MATIUS 23:36

An-e ndemeret yak kundusu-o: Iri kwaridnak oboksa-ge yawo worali nap konmbolwak pem wolma-o.”

LUKAS 11:32

Ap pidsa enpem wene mbaruwa tarem-nen-e o Niniwe nap na yawo worali nap kinmin men yogolar-e, kinmbiri paruwa-o. It iri-nen-e Yunus-nen yidnak wene kulurug-e, it meya yidnak keya buruk, kondok yiga-o. Alat nde, yu me-ge Yunus nggal-e lag-o. Are, nggok terak minik misik yawo worasu-o” luk yij-o.

YOANES 3:31

Teram-nen mbuwagaid nab-e kek tak terak minig-er-o. Nde, nggweyak ma-nen lobok yidnak nab-e nggweyak ma nap me, nggweyak ma wene nak yoso-o. Nde, teram-nen mbuwagaid nab-e kek tak terak minig-er-o.

YOANES 4:12

Nit nenlawingga Yakup-nen-e yi emnde mbarak yu wok nindij-o. Nde, at min at ilirak min owam min pidsa-ge yu me-t yi nonggolat woraiga-o. Nde, kar-e Yakup na marik tak puruk, kat kambikpebe nggok yosolat-nen yigen-a?” luk yij-o.

OROMA 2:27

Imiri mbarak pidnak wene engga bem mbaridnak iri-ge kit Yawuri nap-nen winde woragolat, kiniye ambasap wabidnak na woragolar-et nde, imiri mbarak pidnak wene-nen yidnak yidnak iri-ge kit-nen kuruk witli-o. Nde, it iniye ambasap wabigit lag-et nde, imiri mbarak pidnak wene-nen yidnak yidnak irit kwatli me, enlem nin nap-nen-e kit Yawuri nap kenpem wene mbaruwa-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.