MATIUS 12:35 - Nanduk Ngget Tul Pidnak Wene

³⁵ Konak nap-nen-e at arem-e konak nak kobong tak worasola me, konak wene nak wirik poso-o. Nde, meya yoso nap-nen-e at arem-e meya mende nak kobong tak me, meya wene nak wirik poso-o.

MATIUS 12:35 ပူးပေါင်းရင်းမြစ်များ

NGGOMO WENE 15:23

Yurak tarem-et wene yogola-ge, ab-e enalin enalen yugwi-o.

NGGOMO WENE 15:28

Konak nap-nen-e indi-nen yebet karuk, wene-ge wirik poso-o. Meya yoso nap-nen-e imbiri lamut wene nak wirik poso-o.

NGGOMO WENE 15:4

Wene konak wirik pugwi iri-nen-e ebem lud enalen tak poso-o. Inndi kalak purak wene wirik pugwi iri-nen-e enmawi lak tak poso-o.

MATIUS 12:34

Waro-nen wigarak kit yu-ge wa-e. Kir-e meya nak kwarugwi-nen-e nggesa-nen konak wene yugub-o? Enne wirik pogolar-e, inndi arem woraso iri na-t wirik pugwi-o.

MATIUS 13:52

Yogolikma-ge, at-nen it yak ondosolar-e: ”Iri ala-ge, engga aru nab-et nde, Mbal Pem Nagawan-nen tenagaidnak wi wene wanoso nap kwat yosolar-e, o winde-nen at-nen ndok worak poso sa iri arem-nen at arengge ngget mende nde obi mende nde wirik poso iri nggal-nen yusu-o” luk yij-o.

MATIUS 7:17

Iri nggal-et e konak-net engen-e konak poso-o. Nde, e meya-nen na engen meya-t poso-o.

LUKAS 6:45

Ap enarem worasu iri na wirik pusu me, konak nap-nen-e at arem-e konak nak kobong tak worasola me, konak wene nag-et wirik poso-o. Nde, meya yoso nap-nen-e at arem-e meya mende nak kobong tak me, meya wene nak wirik poso-o” luk yij-o.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

KOLOSE 4:6

Kit-nen wene yogolar-e, ap-nen kologolar-e, wene konag-et kuluruk, indingen tak purak wene nak yogolat wolmer-o. Ap-nen kin wok konpogola, onggo yurak na mondok kenaru wolmomtag-o.