MATIUS 12:34 - Nanduk Ngget Tul Pidnak Wene

³⁴ Waro-nen wigarak kit yu-ge wa-e. Kir-e meya nak kwarugwi-nen-e nggesa-nen konak wene yugub-o? Enne wirik pogolar-e, inndi arem woraso iri na-t wirik pugwi-o.

MATIUS 12:34 ပူးပေါင်းရင်းမြစ်များ

YESAYA 32:6

Ap wid-nen-e indi lak wene nak wirik posolat, meya kwarurak nag-et yebet kaso-o. Nde, ap-nen kwaroso min at-nen yoso min ereba-ge Mbal Pem Nagawan nggweyel uburak mende nag-et yoso-o. Ar-e ap nere woragola na mak ondoso buk, ap yi nere woragola na yi mak ondoso buk-nen yusu-o.

MATIUS 12:35

Konak nap-nen-e at arem-e konak nak kobong tak worasola me, konak wene nak wirik poso-o. Nde, meya yoso nap-nen-e at arem-e meya mende nak kobong tak me, meya wene nak wirik poso-o.

MATIUS 15:18

Alat nde, ap inndi arem woraso wene ap enemnde nggwe-nen mburusu wene iri-nen ap kopkap tobok tak onposo-o.

MATIUS 23:33

Kit waro-nen wigarak waro yu-ge wa-e. ’Kan mare arem nggugub-o’ luk kenpem mbarak pidnak wene inggem-nen nggesa mengga mburugub-o?

MATIUS 3:7

Nde, Yoanes-nen it yikeneyagaidnggal-e, Parisinap nde, Saruki nap nde kwarat at-nen yi ma unpuwakluk at eram lobok yogola, at-nen yak ondosolar-e: ”Kit waro-nen wigarak wa-e. Mbal Pem Nagawan isilepma abok kenpem mbosola, inggem-nen mengga mbururag-e ta-nen yak kindij-o?

LUKAS 3:7

Yoanes-nen yi ma unpuwaklug-e, ap kwarat at eram ndok worogola-ge, Yoanes-nen it yak ondosolar-e: ”Meya yugwi nap kit yu-ge wa-e. Mbal Pem Nagawan isilepma-nen lak tak kunpurak na inggem-nen ta-nen mbela mburugub-o luk yak kindij-o?

LUKAS 6:45

Ap enarem worasu iri na wirik pusu me, konak nap-nen-e at arem-e konak nak kobong tak worasola me, konak wene nag-et wirik poso-o. Nde, meya yoso nap-nen-e at arem-e meya mende nak kobong tak me, meya wene nak wirik poso-o” luk yij-o.

YOANES 8:44

Kir-e Sere ilirak-nen yili me, kineid indi-n pidnak nak kwaruwokluk yili-o. Nanduk-net ar-e ap woroso-nen yusu-o. Ndemeret wene-ge at arem mondok lak me, lud tak nak kwarugwi mende at arem-e woraso bug-o. At-nen enesiget wene yosolar-e, at-nen kwaroso mende irit kwarusu-o. Enesiget wene yoso, nde, enesiget wene pidsa elem-e at-net yusu-o.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.

EPESUS 5:4

Iri nggal-et, kit-nen meya wene nde ebe lak wene lom nde keyari wene nde yurak pug-o. Iri yugwi wene-ge kit-nen yurag-e meya-net yusu-o. Alat nde, kit-nen-e Mbal Pem Nagawan nak wa yak togolat wolmomtag-o.

YAKOBUS 3:2

Kit pidsa-ge pempa lugud tak nak kwarugwi-o. Ta-nen nde ene yoso bem meya kwaroso buk nab-e iminep mbarak-nen yusu-o. At iri-ge at ebe oboksa tena woraso-o.

1 YOANES 3:10

Yu-ge Mbal Pem Nagawan ilirak-nen yili-o luk yenggerak pogolat, yu-ge Sere ilirak-nen yili-o luk yenggerak pogolat yurag-e yu bem-nen yenggerak purag-o. Ta-nen nde lud tak nak kwarigit lak, anggamirak enabuwa kaso buk ala-ge, iri-ge Mbal Pem Nagawan ambara-ge lag-o luk yenggerak purag-o.

1 SEMUEL 24:13

Nanduk-nen wene ijambo yogolar e: ’Meya kwarugwi iri-ge meya kwarugwi nap nak-nen kwarugwi-o’ luk yugwi iri-ge kar-e karu-o. Iri bem-e nagawan kat kimin-e an-e mariget tet andi bandi rak kibimin pug-o.