MATIUS 12:32 - Nanduk Ngget Tul Pidnak Wene

³² Ta-nen nde Ap Ambara imin meya wene yuwa-ge Mbal Pem Nagawan-nen amberam tak puwa-t nde, Konak Indi imin meya wene yuwa-ge, yawo-nen na, abok na abok na-nen na, Mbal Pem Nagawan-nen amberam tak puwa bug-o.”

MATIUS 12:32 ပူးပေါင်းရင်းမြစ်များ

MATIUS 11:19

Nde, Ap Ambara an lobok yosolar-e, mburu min yi min nasola karuk, it-nen yogolar-e: ’Nunggwi mende karum karum naso nap, anggut engen amburu ndonggosa naso nap, pemerinta enmanggim tol ndok wurugwi nap min meya yugwi nap min ennggam iri nde ker-o!’ Mbal Pem Nagawan indi tenggerak iri-ge at-nen kwaroso bem-nen enaru rak poso-o” luk yij-o.

MATIUS 12:31

Iri bem-e, an-nen yak kendeyeg-o: Ap-nen meya yidnak nde, ap-nen meya wene yidnak nde oboksa Mbal Pem Nagawan-nen amberam tak puwa-t nde, Konak Indi imin meya wene yuwa iri perak nde Mbal Pem Nagawan-nen amberam tak puwa bug-o.

MATIUS 12:8

Iri bem-e, we woragwi tarem iri-ge Ap Ambara inggem pidnak-nen yusu-o” luk yak indij-o.

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

MATIUS 13:39

Nde, sirid nap kuri uwi pil kagaid iri na-ge Sere-net yusu-o. Nde, engen mbarurak tarem iri-ge i worok yuwa tarem-er-o. Nde, engen mbarugwi nap na-ge aid nab-er-o.

MATIUS 13:40

Iri ala-ge, kuri na-ge ndok wosa kan pugwi nggal, i worok yuwa tarem-e iri nggal-et kwaruwa-o.

MATIUS 13:55

At yu-ge o woroso nap ambara-t nde, at ija unu-ge Maria-t nde, at owottag-e Yakobus min Yusup min Simon min Yuras min yu-t nde,

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.

MARAKUS 10:30

yawo-nen perak terak mena winde yosolar-e, uwi min owe owot min iridtak min eid ija min ilirak min eyabu min-e winde yuwa-t nde, iri-nen andi bandi min-et wanuwa-o. Nde, abok-nen perak nde unlug-et pem-et wolmomtak elem irit wanuwa-o.

MARAKUS 3:28

Wene yu-ge kenaru wolmer-o. Ap-nen meya kwarugwi pidsa min Mbal Pem Nagawan imin meya wene wirik pugwi pidsa min-e Mbal Pem Nagawan-nen-e amberam tak puwa-t nde,

MARAKUS 3:29

Konak Indi obok puwa nab-e, Konak Indi obok pugwi iri-ge mondok amberam tak puwa buk mende me, Mbal Pem Nagawan-nen-e at meya yidnak iri-ge mondok amberam tak puwa bug-o” luk yak indij-o.

LUKAS 12:10

Ap Ambara an nimin meya wene yuwa nab-e, at meya yidnag-e amberam tak purag-e ob-o. Alat nde, Konak Indi imin meya wene yuwa nab-e, at meya yidnag-e Mbal Pem Nagawan-nen mondok amberam tak puwa bug-o.

LUKAS 16:8

Iri kwarij-o yogola kolosolug-e, eid na-nen tol ndok woroso nap mot mot kwaroso buk iri-nen indi nggat nggat pidnak karuk, erembel wanij-o. Nde, nggweyak ma nap inndi nggat nggar-e ijar-o. Nde, yaya bem worali nap-nen inndi nggat nggar-e lak nggal-nen yusu-o” luk yij-o.

LUKAS 18:30

yawo-nen-e at arengge ondolmasa terak mena lesa wanuwa-t nde, abok-nen-e unlug-et woralik nalik wolmomtak elem wok tuwa-o” luk yij-o.

LUKAS 23:34

Panggarak pikma, Yesus-nen tepan yosolar-e: ”Neid wa-e. Ir-e enaru buk-nen kwatli me, it-nen meya yili yu-ge kat-nen kembaram tak pi-o” luk yij-o. Nde, it-nen at usum tembesa wanuwoklug-e, engga mbara ligik puruk, enpem mbidnak nap-nen waniga-o.

LUKAS 7:34

Nde, Ap Ambara an lobok yosolar-e, mburu min yi min nasola-ge, kit-nen yogolar-e: ’Suguru kondosolat, anggut engen amburu ndonggosa nasolat, pemerinta enmanggim tol ndok wurugwi nap min meya yugwi nap min ananggam kwat yosolat yusu yu ker-o!’ luk yak nirigeb-o.

YOANES 7:12

Yogolikma-ge, ap kwarat ereba na-nen Yesus obok tapsa yak kerak mbogolar-e, it erep-nen yogolar-e: ”At iri-ge konak nab-o” yogolat, nde, it erep-nen yogolar-e: ”Lag-o. At iri-ge ap inndi kabak tak poso-nen yusu-o” luk yiga-o.

YOANES 7:39

(Yesus-nen wene iri yid iri-ge at ebem inndi angin tubu yidnak nap-nen Konak Indi wanurak pem-nen yij-o. Nde, Yesus na awo kek tak ibigit lak worala me, Konak Indi na awo ap enpem mbuwagit lak ma-nen yij-o.)

YOANES 7:52

Yak ondosoloma-ge, it-nen at yak togolar-e: ”Nde, kar-e Nggalilea nap-nen yusu-a? Kar-e Mbal Pem Nagawan engga kwara mbenari-o. Mbenarosoma-ge, Mbal Pem Nagawan ene lomboksa yoso nap mbi Nggalilea-nen lobok yuwa-o yidnak mbi kagun pug-o” luk yak tiga-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

EPESUS 1:21

Kerisut na iri me kek tak ibidnak worasu-ge, pemerinta nagawan min amawi worak nagawan min enmawi yugwi nagawan min nagawan-nen tenagaidnak wi min unnu worak nagawan nagawan min yawo worali na irit, abok wolma nap na irit, it oboksa-ge teberak woragola, terak minik ombol pem kek tak woraso-ge Kerisut irir-o.

1 TIMOTIUS 1:13

Nanduk woralar-e, an-e at obok posolat, lel mberel obosolat, nisilepma-nen meya rak obosolat yigi-t nde, iri tarem-e an at ebem nindi angin tubu yigit lak, naru buk worasolat-nen kwarigirik me, Mbal Pem Nagawan-nen an nubud kagaij-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

1 TIMOTIUS 4:8

Ap enpe amawi makluk onowak mulugwi iri-ge ob-et nde, iri-ge te nggal-nen yusu-o. Nde, inndi-ge Mbal Pem Nagawan abage nggal makluk onowak mulugwi iri-ge mondok nggok lombok-nen yusu-o. Iri arem-e yawo nunluk worali min abok nunluk wulmul min worasu-nen yusu-o.

1 TIMOTIUS 6:17

Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.

2 TIMOTIUS 4:10

Nde, Ndemas na-ge nggweyak ma mende indingen tak puruk, an yumbuk neyaruk, Tesalonika mbirij-o. Kereskes na-ge Nggalatia mborosolat, Titus na-ge Ndalmatia mborosolat yiga-o.

TITUS 2:12

We wok ondoso elem-nen mul nondosolar-e: ”Mbal Pem Nagawan isili rak pidnak kwarugwi min nggweyak ma mende ukwe ukwe yugwi min iri na mbo buruk, nggweyak ma yu me woragolar-e, kondomok kinndi towarak woragolat, mot mor-et kwarogolat, Mbal Pem Nagawan indi aye worak wolmer-o” luk mul nundusu-o.

YAKOBUS 1:27

Mbal Pem Nagawan erengen pem at erembel wanugwi ndemeret iminep mbarak, marak nak wolmomtag-e yu-o: li mul min kweyap togwe min anggun panggun woragola-ge, yongga ondogolat; iri-nen na nggweyak ma yu-nen meya rak unpuwa naru, it na it-nen kwil kwalsa wolmomtag-o.