MATIUS 12:30 - Nanduk Ngget Tul Pidnak Wene

³⁰ Nde, an nambigit nggwe yigit lak nab-e an nimin sirid nap-nen yusu-o. Nde, an nimin ndok worak inpigit lak nab-e, ndibi ndi rak unpusu-o.

MATIUS 12:30 ပူးပေါင်းရင်းမြစ်များ

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

OSEA 1:11

Nde, enlem Yewura min enlem Isarael min-e tuguruk misiget tak unpuwa-o. It-nen-e ennggendumu nagawan misiget nak mendak puruk, ir-e enmawi yogolat, it unuwi nggweyak pem-e tuguruk kona yamuksa irit wolma-o. Nde, ndemeret hari Yisiriel iri-ge mondok nggok irit yebet kagwi kwat ma-o!

MATIUS 12:29

Nde, ap amawi worak na kamarak pigit lak-nen-e, nggerak puruk-nen at ama ngguruk at arengge inggem munggurag-o? At kamat uburuk-nen perak nde at arengge inggem munggurag-o.

MATIUS 6:24

”Ap misik-nen-e eidtak mberentak ndegel unpugwi bug-o. Nde, iri kwarogolar-e, eid misik iri na isili rak posolat, misik iri na abuwa kujwa nde ma-o. Are, misik iri na kwara ndegel obosolat, nde, misik na kwara ndegel ibigit lak yosolat ma-o. Iri nggal, kit-nen na Mbal Pem Nagawan min nggweyak ma mende mberen ndugururag-e meyar-o.

MARAKUS 9:40

Nit ninmin wim mbarusu buk nab-e, nit nap-nen yusu-o.

LUKAS 11:23

Nde, an nimin yusu buk nab-e ndemeret an nimin wim nap-nen yusu-o. Nde, an yongga nitli buk nab-e ndemeret an neyabu na nari wari rak pili-o” luk yij-o.

LUKAS 9:50

Yosoloma-ge, Yesus-nen Yoanes min at owosirak erep min yak ondosolar-e: ”At imin-e ’Iri kwarusu meyog-o’ luk yak turak pug-o. Kit kinmin wene eyak witli buk nab-e kit kennggam-nen yili-o” luk yij-o.

YOANES 11:52

Nde, Yesus elem nap Yawuri nap enarig-et nak ondolma wat momtak pem-e lag-o. Are, Mbal Pem Nagawan ilirak yi wi ndi wi ndi rak inpidnak na ndok wosa misiget tak unpurak pem wat yij-o.)

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.

YOSUA 5:13

Nde, misik tarem-e Yosua-ge Yeriko koroga mbi me ereba worasolat-nen mimo yik kagaidnggal-e ap misik kabo lesa inggem tenaga irit at eram mendak irit kagaij-o. Karuk, Yosua-nen ap iri na eram panggosa lasolat-nen kin wok obosolar-e: ”Kar-e nit nap, lak? Are, wim nab-a?” luk yak tij-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.