MATIUS 12:15 - Nanduk Ngget Tul Pidnak Wene

¹⁵ At wururak wene iri na aru luk, Yesus na-ge iri me-nen mborosola-ge, ap kwarat-nen at langgaluk mborogola karuk, at-nen-e kugi worak nap pidsa ki rak unpuruk-nen yak ondosolar-e:

MATIUS 12:15 ပူးပေါင်းရင်းမြစ်များ

MATIUS 10:23

Nde, o siri misik me-nen lel mberel konpogola-ge, o iri me keya buruk, o siri nin me mberer-o. An-nen yak kendeyeg-o: Kir-e Isarael nap unuwi siri oboksa awo iniyil nigit lak ma, Ap Ambara na lobok yuwa-o.

MATIUS 19:2

Mborosola-ge, ap mondok kwarat at imbirik nogola-ge, ereba me-n at-nen-e it ki rak onposolat woragaij-o.

MARAKUS 6:56

Nde, Yesus na ya wok nosolar-e, o siri marik nggwe-nen na, o siri nggulok nggwe-nen na, Yesus mbiridnak sa-ge kugi worak nab-e waga onggo pugwi sa unpuruk, ”Kusum erep nak tenaguwag-o” luk at emengen kiri keresa mbariga-o. Yak togola-ge, usum erep tenaidnak nap pidsa-ge ki yogolat woraiga-o.

LUKAS 5:22

Nde, Yesus na it-nen yebet kaiga wene iri na aru luk-nen yak ondosolar-e: ”Noluk-nen kinndi arem iri nggal yebet kali-o?

LUKAS 6:12

Iri na tarem-e Yesus na tepan yekluk ndobo bem lagarig-e, kubu nggwe Mbal Pem Nagawan emengen mbal tenak iri-net o nda yij-o.

LUKAS 9:11

Mborogola-ge, it mbiriga onpok enaru lug-e, ap kwarat na at imbirik mbiriga-o. Mborogola, Yesus-nen imin tak unpurug-e, Mbal Pem Nagawan-nen tenagaidnak wi wene yak ondosolat, ap kugi worak it ennggendumu ki rak onposolat kwarij-o.

YOANES 11:54

Iri bem-e Yesus na Yawuri nap ennggendumu-ge nam-et waring kagit lak yij-o. Nde, Yurea na keya buruk, karu me koroga o siri misik unu-ge Eparaim iri me mberarik, at owosirak inmin woragaij-o.

YOANES 7:1

Iri rak purug-e, Yurea-nen Yawuri nap-nen at wururak peragola karuk, Yesus-e Yurea nggwe waring kudtag-e imbit-nen Nggalilea nggweyak pem waring kasolat woragaij-o.

YOANES 9:4

An nibil lobok yidnak nap-nen kwaroso mende-ge o lengge worala-net kwarogolat wolmog-o. O ndamuk ma-o. Nde, o kubu yosola-ge, ap misiger-o luk tet yabu wanurag-e meya-o.

NGGALATIA 6:9

Iri bem-e, nir-e konak nak kwarurak na-ge perari yurak pug-o. Nir-e nenperari lag-et kwarogolat wulmulndig-e, mbarurak tarem wok yosola-ge, engen na mbarul-er-o.

1 PETERUS 2:21

Mbal Pem Nagawan-nen wene mbo kinpid iri-ge, kondogola, andi bandi kabokluk-nen wene mbo kinpij-o. Nde, Kerisut na kit kenmanggim-et andi bandi kagaid iri-ge at-nen kwarid iri karuk, at ijok pem mborobok-nen kwarid irir-o.