MATIUS 11:7 - Nanduk Ngget Tul Pidnak Wene

⁷ Nde, Yoanes imin nugwi nap iri na mborogola ereya na-net Yesus-nen ap kwarat iri na Yoanes owene yak ondosolar-e: ”Kir-e no kujwokluk-nen karu me mbirigeb-o? Obube-nen yorowa urugup eregap tak pusu ereba na kujwokluk mbirigep, lak?

MATIUS 11:7 ပူးပေါင်းရင်းမြစ်များ

NDAK WIRIDNAK WENE 49:4

Kar-e yi nggal pilak nak yosolar-e, kar-e an-nen imin nene yoso ndegel noboso kwe iri na imin nene yigendik, keid nene yoso ondoro na-ge emben to rak pigen me, kar-e ebe lak mende kwat yigen-o.

MATIUS 11:8

Are, no mende nde kujwokluk mbirigeb-o? Usum konik konak yiridnak nap nde kil mbirigep, lak? Nde unsum konak yurugwi nab-e nagawan woragwi sa nak woragwi-o.

MATIUS 12:20

Yorowa ta yidnak nginok tak iri na at-nen-e pok tak puwa bug-o. Tal nigi nigi kule nak nggok yosola, at-nen-e mondoksa nigirik puwa bug-o. Irit worasoma, lud tak nak yugwi iri na ombol nggwe rak puwa-o.

MATIUS 21:25

Yoanes na-ge ap yi marosolat woragaid iri-ge ta-nen yidnak pem-o? Mbal Pem Nagawan-nen yidnak pem, lak? Are, ki nap-nen yidnak pem-a?” luk kin wok inpij-o. Kin wok onposoloma, it na it-net wene mbal kerak mbogolar-e: ”Nit-nen nde: ’Mbal Pem Nagawan-nen yidnak pem-o’ luk yogola-ge, at-nen-e: ’irit nde, kir-e noluk-nen at ebem kinndi angin tubu yigit lak yigeb-o?’ luk yak nunduwa-o.

MATIUS 3:5

Nde, at eram ndok worogolar-e, Yerusalem woragwi nap min Yurea nggweyak pem woragwi nap oboksa min Yorodan eyak ele bem yu bem woragwi nap oboksa min at eram panggonogolat,

LUKAS 8:18

Iri bem-e, kit-nen kulidnak wene-ge kwara-t yebet kudtag-o. Enarengge worak nab-e terak mena kwarat wok unduwa-o. Alat nde, enarengge marig-et worak nab-e it endam woraso marig-et ereya na wanuwa-o” luk yij-o.

YOANES 1:38

Imbirik mborogola, Yesus na nden kaga yik eneyasolat-nen kin wok onposolar-e: ”Li yu-ge wa-e. Kir-e no kore yil lobok yili-o?” luk yosoloma-ge, it-nen yogolar-e: ”Rabi wa-e. Kar-e ngge me woraso-o?” luk yiga-o. (Nde, Rabi iri-ge Mul Ondoso Nab-o yogolar-o).

YOANES 5:35

Yoanes na-ge tal pago eyaya worak nggal woragaij-o. Pago worala-ge, luru kir-e at eyaya bem kenalen min-et woraigeb-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

YAKOBUS 1:6

Alat nde, nggi yosolar-e, indi mberen min nggi yurak pug-o. Are, wanimin-o luk indi angin tubu luk-net nggi yurag-o. Nde, indi mberen min-nen nggi yusu nab-e obube puk kil lobok yosolat, yi koma yi nggweyerep nggwayerep lobok yosolat, waruk ponok lel ponok lel waring kasu iri nggal-nen yusu-o.