MATIUS 11:5 - Nanduk Ngget Tul Pidnak Wene

⁵ Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 11:5 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 5:14

Iri yak togola karug-e, Naman iri na Yi Yareren arem mberarik, yi ma yubuk luk men luk kwarosolar-e, Elisa-nen yak tid iri na ndak ndag-et tuju bem-et kwarij-o. Iri kwarosoma-ge, ud yeba na-ge oboksa lak yosolat, aboro-ge li marik enaboro nggal konak irit kwat yij-o.

2 NAGAWAN NAGAWAN-NEN KWARIDNAK WENE 5:7

Isarael nagawan iri na-nen engga iri na wonatlug-e, indi wendet yosolat, usum ndela keya bosolat-nen yosolar-e: ”Mondok meya-o! Noluk-nen Siria nagawan iri-ge an-nen ap yu ki rak purak yak nirij-o? An-e Mbal Pem Nagawan nggal unluk tak posolat, lak tak onposolat kwaroso iri na nggal namawi worak ala-nen yij-a? Siria nagawan iri-ge an nimin yurak tu kore yosolat-nen yid kagi-o” luk yij-o.

NDAWI ENGGA 146:8

Enlengen ngguru woragwi nab-e enlengen kuwara keya bosola, kona yik kagwi rak onposolat, wosa mbidnak nab-e at-nen mendak onposolat, mot mot woragwi nab-e enabuwa kasolat kwaroso-nen yusu-o.

NDAWI ENGGA 22:26

Enarengge lak nab-e kwarat nonggolat inmbit ma-o. Nagawan Indo eram lobok yuwa nap-nen-e at erembel wanuwa-o. Kir-e yamuksa pem irit woralik nalik irit wolmer-o!

MBIRIGA WENE 4:11

Yosoloma, Nagawan Indo-nen onggo yak tosolar-e: ”Ap enemnde-ge ta-nen ndak woramu-o? Ta-nen eneyanggo lak tak posolat, enne lak tak posolat kwaroso-o? Ta-nen enlengen kuwarak posolat, enlengen ngguru rak posolat yoso-o? Iri-ge Nagawan Indo an-net kwaroso-o.

YESAYA 43:8

Mbal Pem Nagawan-nen yosolar-e: ”An nilirag-e enlengen worag-et nde, enlengen ngguru min eneyanggo worag-et nde, eneyanggoru lak min-e ndak yu me wirik inpil lobok yer-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

MATIUS 10:8

Kugi enpem mbidnak nap na ki rak onpogolat, wat yidnak nap na unluk tak pogolat, ndigiril laso mbijap enpem mbidnak nap na ambut tak onpogolat, ap enarem nggwidnak kugi na wirik pogolat mer-o. Kit na onggo lak wanigepndik me, onggo lag-et kwat enper-o.

MATIUS 11:4

Yogolikma-ge, Yesus-nen wene erep nggarosolar-e: ”Kit kunuwok lem mburugupndik, kit keneyanggo-nen kulili wene min kenlengen-nen kali wene min at Yoanes yak til mberer-o.

MATIUS 12:13

Yak ondosolug-e, at-nen ap yu na yak tosolar-e: ”Kat kinggi mbung tak pi-o” luk yak tosoloma-ge, at nen inggi mbung tak pidnggal-e, op luk, at inggi ponok nggwe iri na nggal agaij-o.

MATIUS 21:14

Nde, Mbal Pem Nagawan ama iri me-nen-e enlengen ngguru nap nde, unuwok kambung puk tak woragwi nde, at eram lobok yogola-ge, at-nen-e ki rak inpij-o.

MATIUS 5:3

”Mbal Pem Nagawan imbiri bem inndi tebeluk worali nab-e, Mbal Pem Nagawan-nen tenagaidnak wi iri winde-nen yili me, enalen kali-o.

MATIUS 9:30

it enlengen-e kuwak yij-o. Iri ala-ge, Yesus-nen at ene amawi min yak ondosolar-e: ”Wene yu-ge mondok ap yak undurak puk na-e!” luk yak indij-et nde,

MARAKUS 7:37

Wigarogola, wene iri kulidnak nab-e wi yiga-o. Nde, it-nen yogolar-e: ”At-nen kwarusu yu ija-t kwarusu-o. Eneyanggo lak woragwi na kulugwi rak onposolat, it enna lak yidnak nap na wene yugwi rak onposolat yusu-o” luk wi yiga-o.

MARAKUS 9:25

Yosoloma-ge, Yesus-nen ap kwarat ereba na at eram ndok worogola karug-e, at-nen kugi meya na wirik posolat-nen yak tosolar-e: ”Kugi meya kat-nen ndowaga, ap enne lak tak posolat, ap eneyanggo lak tak poso kugi meya wa-e. Nene amawi min yak kurusu-o. Kugi kar-e la yu arem tuguruk nggurag-e mondok lik lak sa-o. Mondok mbiri-o” luk yak tij-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

YOANES 10:25

Yak togolikma-ge, Yesus-nen it yak ondosolar-e: ”An-e pi-net yak kondosolat woragi-t nde, kit kinndi angin tubu yigit lak yigeb-o. An neid unu bem kwaril nusu mende-ge an yenggerak neyabokluk mul kundusu-t nde,

YOANES 10:38

Alat nde, an-nen-e at-nen nebem pidnak mende kwarusu ala-ge, kinndi-ge an nebem angin tubu yili bug-et nde, an-nen kwaroso mende bem nak kinndi angin tubu yer-o. Iri bem, kinndi angin tubu yugup ala-ge, an Neij-e an narem woralat, nde, an-nen na Neid arem woralat yili-o luk kwara kenaru yugub-o” luk yak indij-o.

YOANES 2:23

Nde, O Anggul Pandok Mbiridnak tarem iri na yebet kagolat Yesus na Yerusalem worasola-ge, Yesus-nen kwiye worak mende kwarosola karug-e, ap kwarat-nen at ebem inndi angin tubu yiga-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YOANES 5:36

Alat nde, Yoanes na an nebem kinggirid wene-ge marik nggal-nen yusu-o. Nde, an nebem kunggurusu wene nggulog-e yur-o: An Neid-nen an-nen kwaruwakluk nebem pidnak iri-ge an-nen kwaril waring kasu yu-nen-e an nebem konggorosolar-e: ’At Eid-nen wirik ibil lobok yij-o’ luk an nebem kunggurusu iri bem-nen yenggerak neyali-o.

YOANES 9:7

Ndarak puruk, Yesus-nen at yak tosolar-e: ”Siloam ugup arem kerare maril mbiri-o” luk yak tij-o. (Siloam iri-ge nit nenne bem-e Wirik Pidnag-o yogolar-o.) Yak tosoloma-ge, ap na mberarik, at erare yi masa keya buruk, erengen kuwak yamu lobok yij-o.

YIDNAK YIDNAK WENE 2:22

Kit Isarael nap wa-e. Wene yu koler-o. Nasaret nap na-ge Mbal Pem Nagawan-nen at mirik konposolar-e, kwiye worak mende min wi yurak mende min yenggerak purak mende min-e Mbal Pem Nagawan-e Yesus arem woralat-nen kit kennggendumu-nen irit kwarosolat woragaid na-ge kir-e kenaru irir-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.