MATIUS 11:3 - Nanduk Ngget Tul Pidnak Wene

³ Kin wok obogolar-e: ”Abok lobok yuwa-o yili na-ge kar-et, lak? Are, nin mbi yik karok wulmul-a, ngge-o?” luk kin wok ibiga-o.

MATIUS 11:3 ပူးပေါင်းရင်းမြစ်များ

NDAK WIRIDNAK WENE 12:3

Nde, ap-nen nde kat kimbiringgat tak kobogola-ge, an-nen na imbiringgat tag-et inpimin-o. Kat nde imbiri lamut tak kobogola-ge, an-nen na imbiri lamut tag-et inpimin-o. Kat kebem-nen nggweyak ma worali nap enlem oboksa imbiringgat tak inpimin-o” luk yak tij-o.

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

NDAK WIRIDNAK WENE 49:10

Yewura-ge nagawan-nen tena woragwi wangun tena wolma-o. At-nen wigarak-nen o tena woralar-e, pem-et woralik nalik irit wolma-o. Worala-ge, yi ap ndi ap oboksa-nen-e ar-e ombol nggwe yidnak pem tol eram pogolat, at indipma nak tebe rak wolma-o.

NDAWI ENGGA 118:26

Nagawan Indo unu bem lobok yusu iri-ge imbiringgat ebem puwag-o. Nit-nen-e Nagawan Indo ama-nen imbiringgat tak kunpul-o.

YESAYA 7:14

Yawo-ge Nagawan Indo ondomok-nen kit-nen yenggerak purak mirik Konposolar-e: kwe ndugum abila misik-nen liap misik ndaguruk, unu-ge Imanuel yaruwa-o.

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MALEAKI 3:1

Nagawan Indo Mondok Amawi worak iri na-nen onggo yosolar-e: ”An-nen-e an nurula lid lud tak puwakluk, an-nen ap mbi pil lobok yimin-o. Iri yosolar-e, Nagawan Indo kit-nen nogore yili an-e mimo nama-t lobok yimin-o. An-nen pil lobok yimin nap kit-nen kinndi ebem worali iri na lobok yosolar-e, an-nen urul pidnak wene-ge oboksa-nen kuluwakluk yuwa-o” luk yij-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

WONARIDNAK WENE 24:17

An-e ar-e kagi-t nde, yanem-er-e lag-o. Yik kagi-t nde, erepma-nen yik kagi-o. Isarael nap ennggendumu-nen nagawan wonaru abinal worak nggul mbi nam ma-o. Nam yosolar-o, Moap nap yok nggok ndamera keya onposolat, ap Set-nen wigarak yigisa keya onposolat,

MATIUS 11:10

Mbal Pem Nagawan Engga mbarak pem-nen Yoanes na imin yosolar-e: ’Yu nde ki-o. Mbal Pem Nagawan nap iri na-ge kat kabuwok nanduk wirik ubumu-ge, at-nen-e kat kurula mondok ya kubuwa-o’ luk yij-o.

MATIUS 11:4

Yogolikma-ge, Yesus-nen wene erep nggarosolar-e: ”Kit kunuwok lem mburugupndik, kit keneyanggo-nen kulili wene min kenlengen-nen kali wene min at Yoanes yak til mberer-o.

MATIUS 21:5

”Sion ara yak ter-o: Yu nde ki-o. Kat Nagawan na-ge keram lobok yusu-o. At iri-ge indi yanggonak me, kelerai wam ombolwak pem kore luk lobok yusu-o. Angin worak mende waruk noso kelerai wam amarik na ombolwak pem kore luk lobok yusu-o.”

MATIUS 21:9

Iri luk, at mborosola imin anggul mbitli nap min abok mbitli nap min-nen enne ngguloksa-t yogolar-e: ”Ndaud Ambara nak kek tag-o! Nagawan Indo unu bem lobok yusu nap yu-ge imbiringgat worak-nen yusu-o! At woraso sa mondok teram iri me-nen na at nak kek tag-o!” luk yiga-o.

MARAKUS 11:9

Iri lug-e, it nanduk mbitli nap min inmbirik lobok yili map min-nen ene ngguloksa-t yogolar-e: ”Mbal Pem Nagawan erembel wanuwog-o! Nagawan Indo unu bem lobok yusu nap yu kek tak puwog-o!

LUKAS 19:38

”Nagawan Indo unu bem lobok yusu nagawan yu-ge imbiringgat tak puwag-o! Aid arem-nen yamuksa woragolat, Mbal Pem Nagawan unu kek tak wolmag-o!” luk yil mbiriga-o.

YOANES 11:27

Yak tosoloma-ge, kwe na-nen at yak tosolar-e: ”Eyo, Nagawan Indo wa-e. Kar-e ’Abok-nen lobok yuwa-o’ yugwi nap Mesias, Mbal Pem Nagawan Ambara-nen yusu-o luk nindi angin tubu yusu-o” luk yij-o.

YOANES 12:13

Kulurug-e, it-nen-e mbari ngga yendera wanuruk, at abuwok mbirigarig-e, enne nggoksa-t yogolar-e: ”Mbal Pem Nagawan wa-o! Nagawan Indo unu bem lobok yusu nap yu-ge imbiringgat-nen yusu-o! Isarael nap nagawan yu-ge imbiringgat-nen yusu-o!” luk yiga-o.

YOANES 16:14

At iri na-nen an nunu kek tak posolar-e, an-nen yidnak wene nak kamboksa kit yak kondosolat wolma-o.

YOANES 4:21

Yosoloma-ge, Yesus-nen kwe na yak tosolar-e: ”Kwe yu-ge wa-e. An-nen yusu wene yu-ge karu wolmin-o. Abog-e Nineid erembel wanogolar-e, ndobo yu bem-nen na irit, Yerusalem-nen na irit, at erembel wanuwa bug-o.

YOANES 6:14

Nde, Yesus-nen kwiye worak mende nggulok iri kwarosola kaiga nap-nen yogolar-e: ” ’Mbal Pem Nagawan ene lomboksa yoso nap misik nggweyak ma yu me lobok yuwa-o’ yugwi na-ge ndemeret yu-t lobok yamu kaige-o!” luk yiga-o.

YOANES 7:31

Alat nde, ap ereba na ennggendumu ap kwarat-nen at ebem inndi angin tubu yogolat-nen yogolar-e: ”At yu-nen kwiye worak mende kwarat kwarusu yu-ge, Mesias abok lobok yuwarig-e, kwiye worak mende terag-e no mende nde kwaruwa-o?” luk yiga-o.

IBERANI 10:37

Mbal Pem Nagawan engga mbarak pem-nen yosolar-e: ”We mariget nak worarug-e, Lobok yuwa-o yidnak nab-e lobog-et yuwa-o. Wolma-ge lag-o.