MATIUS 11:26 - Nanduk Ngget Tul Pidnak Wene

²⁶ Ye, Neid wa-e. Iri-ge kat kindi-n pidnak ndak ndag-et kwarij-o.

MATIUS 11:26 ပူးပေါင်းရင်းမြစ်များ

YESAYA 46:10

Abok-nen kwat momtak wene-ge nanduk-net yak kundukmu-o. Abok-nen kwat momtak wene-ge abuwokma nanduk-net urul pukmu-o. Iri yosolat-nen an-nen yosolar-e: ’An-nen irit kwarimin-o luk mbarigi wene-ge mondok kwar-et ma-o. Nde, an nindi-n pidnag-e mondok kwarimin-er-o’ luk yigi-o.

LUKAS 10:21

Iri tarem na-net Konak Indi at ebem mbosola-ge, Yesus na alen kasolat-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Iri mende pidsa-ge enaru nap min inndi nggat nggat worak nap min enambigir-e lumurak posolat, it enaru buk nap enambigir-e nam tak pigen iri bem-e wa yak kurusu-o. Eyo, Neid wa-e. Kat kindi-n peraidnak ndak ndag-et kwarij-o.

LUKAS 22:42

”Neid wa-e. Kat-nen nde ndak ala-ge, andi bandi mende nebem mbuwa mende yu lak tak pi-o. Alat nde, an nindi-nen pidnak kwat momtak iri-ge meya-o. Are, kat kindi-nen pidnak nak irit kwat mag-o” luk tepan yij-o.

LUKAS 23:34

Panggarak pikma, Yesus-nen tepan yosolar-e: ”Neid wa-e. Ir-e enaru buk-nen kwatli me, it-nen meya yili yu-ge kat-nen kembaram tak pi-o” luk yij-o. Nde, it-nen at usum tembesa wanuwoklug-e, engga mbara ligik puruk, enpem mbidnak nap-nen waniga-o.

YOANES 11:41

Iri luk, kerep na lembera wabiga-o. Nde, Yesus na erengen lik karuk-nen yosolar-e: ”Neid wa-e. Kar-e an nene koloso bem ’Neid wiwa-o’ yak kurusu-o.

YOANES 12:27

Yuruk, Yesus-nen yosolar-e: ”Yawo-ge an nindi andi kwarat yidnak me, no wene nde yimin-o? ’Neid wa-e. Iri kwat nuburak tarem-e an nebem wok ma naru, nimiri yi-o’ luk yimin, lak? Lag-o. Iri kwat nuburak pem-et lobok yigi-o.

YOANES 12:28

Neid wa-e! Kat kunu nak kek tak pi-o!” luk yij-o. Yosoloma-ge, mbal pem-nen wene pil mbuwasolar-e: ”An nunu kek tak pigi irir-o. Nde, tuguruk-nen na kek tag-et pimin-o” luk yij-o.

OROMA 9:18

Iri ala-ge, Mbal Pem Nagawan indi-n peraidnak pem-net ap unpud kasolat, at indi-n peraidnak pem-net ap inndi amawi rak posolat yoso-o.

EPESUS 1:11

Nde, Kerisut iri na ebem-net nir-e at arengge winde rak ninpid iri-ge nanduk-net at indi-nen ”Irit mag-o” luk len ninpidnak pem yi mende ndi mende kwarosolar-e, at indi-nen ”Irit timin-o” peraruk kwaroso iri na bem-nen len ninpij-o.

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

EPESUS 3:11

Mbal Pem Nagawan-nen iri kwarid iri-ge, at indi-n pidnak woralik nalik iri-ge nit Nenagawan Indo Kerisut Yesus ebem-nen kwarak pij-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.