MATIUS 11:21 - Nanduk Ngget Tul Pidnak Wene

²¹ ”O Korasin woragwi min Mbetsaira woragwi min wa-e. Kenpem mbuma mende bem kenabuwa-o! Kit kendam woralat-nen kwiye worak mende kwarigi iri na-ge o Tirus min Siron min endam-nen kwatlep nggal-e, o iri me nap-nen-e obi-net it meya yidnak keya buruk kondok yogolar-e, sum meya yorogolat, mabe enanggul pem ndarogolat yeleb-o.

MATIUS 11:21 ပူးပေါင်းရင်းမြစ်များ

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

YOEL 3:4

Tirus woragwi min Sindon woragwi min Pilisin nggweyak pem woragwi oboksa min wa-e. An-e kit kinmin-e erem-e lag-o. Kir-e kenmep nggo an kwat nubugub-a? Iri ala-ge ob-o. An-nen na ndag-et nak kit-nen kwarugup iri onggo-ge kwar-et kinpimin-o.

AMOS 1:9

Nagawan Indo-nen yosolar-e: ”Tirus woragwi nab-e pempa meya nak kwat tenak worali-o. Iri bem-e mondok an-nen ndemeret angin worak enpem pimin-o. It-nen-e ap enlem misik oboksa mbo unpugwi sa mbo onpogolar-e, kegera Erom nap ininggem piga-o. Iri kwarogolar-e, kundik wolmomtag-o luk urul piga wene iri na-ge kwid tiga-o.

MATIUS 11:22

Iri ala-ge, an-nen yak kendeyeg-o: Ap pidsa enpem wene mbaruwa tarem-nen-e Tirus nap min Siron nap min enpem wene te-t mbaruwa-t nde, kit kenpem-e angin worag-et mbaruwa-o.

MATIUS 15:21

Iri luk, Yesus na-ge o iri me-nen o Tirus min Siron min nggwe mbirij-o.

MATIUS 18:7

Nggweyak ma yu me-nen ap meya makluk enarem woraga pil nggoso mende nin tak nan tak worasu me, enabuwa-o. Iri mende-ge mondok wolma-t nde, enarem woraga pil ngguwa nab-e abuwa-o.

MATIUS 26:24

Ap Ambara na wat yosolar-e, Mbal Pem Nagawan engga mbarak pem-nen ’Iri nggal kwasa wat ma-o’ luk yidnak na ndak ndak irit wat ma-t nde, Ap Ambara wesel ubuwa nap iri-ge abuwa-o! Ap iri-ge ndakit lak yelep nggal-e mondok konag-o!” luk yij-o.

MARAKUS 3:8

Yerusalem-nen na, Irumea-nen na, yi Yorodan eyak ele bem-nen na, Tirus min Siron min-nen na, at kwiye worak kwarusu na obok kulurug-e, ap kwarat-nen at eram ndok wiriga-o.

MARAKUS 6:45

Ereya na-net ar-e ap kwarat iri na wirik onpsolat-net at-nen ene amawi min-et at owosirak na yak ondosolar-e: ”Kir-e e koma arem nggogoluk, eyak ele bem nanduk o Mbetsaira ndil ler-o” luk yak indij-o.

MARAKUS 7:24

Misik tarem Yesus na o iri na-nen mberarik, o Tirus koroga wok yij-o. Wok yuruk, ap-nen kujwa naru, o mbi me mbik mbok nggwij-et nde, at obok kurak yurag-e meya agaij-o.

MARAKUS 7:31

Iri lug-e, Yesus na Tirus-nen lobok yosolar-e, Siron nggwe-nen O Siri Sepulu na wot kil kil Nggalilea Koma eyak pem wok yij-o.

MARAKUS 8:22

Nde, ir-e Mbetsaira wok yiga-o. Wok yogolikma-ge, ap-nen-e ap erengen ngguru mbi Yesus eram pil lobok yurug-e, Yesus-nen ap erengen ngguru iri na tena buwakluk, at emengen mbariga-o.

LUKAS 4:26

Mbal Pem Nagawan-nen-e Elia na-ge it togwe ereba ennggendumu misiget ter-o luk eram wirik pigit lag-o. Are, Siron nggweyak pem o Sarapat woraso kwe togwe eram nde wirik pij-o.

LUKAS 6:17

Yesus na at owosirak inmin luk ndobo bem-nen mbigarig-e, at imin nugwi nap kwarat inmin-e mbirikmu iri me mendak woraiga-o. Ap mondok kwarat ndok worogolar-e, Yurea-nen na, Yerusalem-nen na yi koma eyak pem o siri Tirus min Siron min-nen na lobok yiga-o.

LUKAS 9:10

Wirik inpidnak nap na-ge tuguruk Yesus eram wok yigarig-e, kwaril waring kaidnak wene na kiringgiga-o. Iri lug-e, Yesus na it inmin luk, enarik nak o siri Mbetsaira mbiriga-o.

YOANES 1:44

Nde, Pilipus na-ge Andereas min Peterus min enma Mbetsaira nab-er-o.

YOANES 12:21

It-nen-e o Nggalilea o siri Mbetsaira nap Pilipus na eram lobok yigarik-nen at yak togolar-e: ”La yu-ge wa-e. Nir-e Yesus kujwokluk lobok yige-o” luk yak tiga-o.

YIDNAK YIDNAK WENE 12:20

Nde, Erores mondok isilepma-ge Tirus nap min Siron nap min enpem puruk woragaij-o. Iri bem-e it Tirus min Siron min-e nagawan iri ama-nen mburu onggo bugwi me, it iri-nen-e: ”At eram-et mburuwog-o” luk eram mbiriga-o. Mbirigarig-e, nagawan nene yoso ondoro konoso nap unu-ge Mbelatus na yak togolar-e: ”Nir-e Erores imin lambuk yuwok-nen yongga nindi-o” luk indi yanggonogolat, it enambigit yij-o.

YIDNAK YIDNAK WENE 27:3

Nene luk kub-e Siron wok yige-o. Nde, Yulius-nen Paulus na yak tosolar-e: ”Nab-o. Kat kanggamirak-nen yongga kuruwakluk, endam mbiri-o” luk yak tij-o.

YURAS 1:11

It iri-ge Kain-nen mbiridnak tu na nggwe mbiriga-o. Iri-nen Mbileam-nen onggo waneyekluk enesiget wene yid nggal, it-nen na iri nggal kwariga-o. Iri-nen Kora-nen Mbal Pem Nagawan-nen yidnak wene kuruk tidnak pem at lak tak ibid nggal, it-nen na Mbal Pem Nagawan ene kuruk togola, lak tak inpid nap iri-ge enabuwa-o!

NAM PARA WENE 11:3

Nde, an nene yugwi nap mberen unsum-e tabun puruk woragolat-nen yurugwi sum yutluk, Mbal Pem Nagawan-nen yidnak wene ap yak ondogolar-e, seribu dua ratus enam pulu (1,260) tarem wolma-o” luk yak nirij-o.

NAM PARA WENE 6:12

Iri luk, an-nen yik karok worasoma-ge, Lomba Wam Marik iri-nen lop nok tak pugwi mende imbirik (yang keenam) iri pinggirij-o. Ponggorosola-ge, o lele mondok kwiye worak yosolat, molengen na miri tup luk, kolpo woraga labuk yidnak nggal yosolat, waneya na mimi luk, mep tam yosolat,