MATIUS 11:18 - Nanduk Ngget Tul Pidnak Wene

¹⁸ Nde, Yoanes na lobok yarik, mburu min yi min ninggit lak worasola karuk, it-nen yogolar-e: ’At iri-ge kugi arem nggwidnak nap-nen yusu-o’ luk yiga-o.

MATIUS 11:18 ပူးပေါင်းရင်းမြစ်များ

YEREMIA 15:17

An-e enalen pem ndok wutluk woragolat, wene ngen ndakwi nap inmin-e ndok wutluk, it-nen kwarugwi kwaroso bug-o. Alat nde, an-e kat-nen yidnak yidnak nak kwarosolat me, narik ereba-t nisilepma min woraso-o.

MATIUS 10:25

Iri ala-ge, mul tidnak nap iri na-ge at mul toso nap nggal ndak ndak kwat yidnak ala-ge, ndag-er-o. Nde, ndegel poso nap na irit, at ndugurusu nap nggal ndak ndak kwat yidnak ala-ge, ndag-er-o. Nde, o winde na unu nde ’Mbelsebul-o’ luk yugwi ala-ge, at ama woragwi oboksa na iri nggal-et unnu-ge meya lombok yuwa-o.”

MATIUS 11:17

’Nir-e ndawi ebe yobokluk, ndawi imid yige-t nde, kir-e ebe yigit lag-o. Nir-e yip tobokluk, yip lilan wanige-t nde, kir-e yip tigit lag-o’ luk yugwi iri nggal-nen yili-o.

MATIUS 3:4

At Yoanes na usum-e unta wam usu-nen konidnak, nde, usum ngonok tak poso tani are-ge aboro-nen konidnak, nde, at naso mende-ge sil min tamuk amburu min naso-o.

MATIUS 9:34

Yogolikma-ge, Parisi nap-nen yogolar-e: ”Kugi nagawan-nen amawi wok tidnak pem-nen kugi wirik pusu-o” luk yiga-o.

MARAKUS 3:22

Nde, Yerusalem-nen mbidnak imiri mbarak pidnak wene enaru nap-nen yogolar-e: ”At yu arem-e kugi Mbelsebul nggwidnak me, kugi nagawan amawi bem-nen kugi wirik pusu-o” luk yiga-o.

LUKAS 1:15

Nagawan Indo-nen la na yik kasolar-e, ap nggulok irit ma-o. At iri-ge anggut engen amburu min inndi nden kaso yi erep min mondok nujwa bug-o. At iri ndesa mbosola-net Konak Indi-nen arem kobong yidnak irit wolma-o.

YOANES 10:20

Iri yogolar-e, it erep kwarat-nen yogolar-e: ”At yu-ge kugi arem nggwidnak, indi wawa-nen yusu-o! Kit noluk-nen at-nen yidnak wene kulili-o?” luk yiga-o.

YOANES 7:20

Yak ondosoloma-ge, ap kwarat ereba na-nen at yak togolar-e: ”Kar-e kugi karem nggwidnak-nen yusu-a? Tarak-nen kuruwokluk yogola-nen yusu-o?” luk yiga-o.

YOANES 8:48

Yak ondosoloma-ge, it Yawuri nap-nen Yesus yak togolar-e: ”Nit-nen-e: ’Kar-e Samaria nap, kugi karem nggwidnak nap-nen yusu-o’ luk yak kirige na-ge ndemeret yak kirige-o” luk yiga-o.

YOANES 8:52

Yosoloma-ge, Yawuri nap na-nen at yak togolar-e: ”Kar-e kugi karem nggwidnak-nen yusu-o luk yawo-nen perak nde mondok nenaru yili-o! Abaram min Mbal Pem Nagawan ene lomboksa yugwi nap min na wat yiga-t nde, kat-nen yosolar-e: ’An-nen yidnak yidnag-et kwaroso nab-e wat yigit lak, pem-et woralik nalik ma-o’ luk yigen-o.

YIDNAK YIDNAK WENE 26:24

Nde, Paulus-nen at ondomok elat mbarosolat wene yosoma, Pestus-nen ene paleksa yak tosolar-e: ”Paulus wa-e. Kar-e kindi wawa yusu-o. Kar-e kwarat karu yigen na-nen ndowaga kindi wawa yusu-o” luk yak tidj-o.

1 KORINTUS 9:27

An-nen aid wene-ge nin nap yak indidnag-et nde, an mbo nubuwa naru, an nebe tebesa wolmaklug-e, an na an-net wat korasu-o.