MATIUS 11:12 - Nanduk Ngget Tul Pidnak Wene

¹² Ap yi maroso nap Yoanes na lobok yid kuri-nen yawo kuri-ge Mbal Pem Nagawan-nen tenagaidnak wi iri na winde yuwokluk enmawi kondogolar-e, Mbal Pem Nagawan elem nap pela mbo mbo rak inpili-o.

MATIUS 11:12 ပူးပေါင်းရင်းမြစ်များ

MATIUS 11:11

An-nen ndemeret yak kendeyeg-o: Kwami-nen ndet inpidnak nap misig-e Yoanes nggal mbi woragwi bug-o. At iri-ge terak minik mondok kek tak-nen yusu-t nde, obok lak narik woraso nap Mbal Pem Nagawan-nen tenagaidnak wi worasu nap iri perak nde Yoanes nggal-e lag-o. Terak minik nggulok-nen yusu-o.

MATIUS 11:13

Nde, Mbal Pem Nagawan enelomboksa yugwi nap oboksa-nen na, imiri mbarak pidnak wene-nen na abok-nen kwarurak wene nam tak pogolar-e, Yoanes nam agaid kuri ereya-nen urul piga-o.

MATIUS 3:15

Yosoloma-ge, Yesus-nen yak tosolar-e: ”Irit nde, yawo-ge ereba mag-o. Iri nggal kwarogolar-e, Mbal Pem Nagawan indi-n pidnak obok ndak ndak pogolat-nen kwarul-o” luk yak tosoloma-ge, Yoanes na-ge at-nen yidnag-et kwarij-o.

LUKAS 13:24

”Tumende mboronggo iri me nggurak pem-e kenmawi ler-o. An yak kendeyeg-o. Ap kwarat-nen-e ngguwokluk yuwa-t nde, nggurag-e meya ma-o.

LUKAS 16:16

Nde, ap yi maroso nap Yoanes na wok yigit lak worala-net Musa-nen imiri mbarak pidnak wene min Mbal Pem Nagawan ene lomboksa yugwi nap-nen mbaridnak wene min-e kwat tenak woraiga-o. Nde, Yoanes wok yid kur-nen-e Mbal Pem Nagawan-nen tenagaidnak wi wene aid wene na yak ondogola-ge, Mbal Pem Nagawan-nen tenagaidnak wi iri na me nggogolar-e, pela mbo mbo nggwili-o.

YOANES 5:4

Nde, misik tarem misik tarem-e Nagawan Indo-nen idnak aid nap mbuwasolar-e, ereya na-net yi ugup lerak iri na wuruk kemek tak poso-o. Nde, yi wuruk kemek mbosola, nandug-et nggwidnak nap iri na nak at kugi worak woraidnak na-ge ki yoso-o.]

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.