MATIUS 11:1 - Nanduk Ngget Tul Pidnak Wene

¹ Yesus na-ge at owosirak duabelas iri na wene abu mul ondosuluk yarig-e, o iri me keya buruk mborosolar-e, o siri korok korok ereba na aid wene yosolat, wene mirik onposolat kwaril waring kagaij-o.

MATIUS 11:1 ပူးပေါင်းရင်းမြစ်များ

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MATIUS 7:28

Yesus-nen wene iri na ndegera lak tak posola-ge, ap kwarat iri na-ge at-nen mul ondoso wene na bem wi langgu mbariga-o.

MATIUS 9:35

Iri luk, Yesus na-ge o siri nggulok me wok, o siri marik me wok, oboksa waring kasolar-e, Mbal Pem Nagawan uwi worak ma-nen Mbal Pem Nagawan-nen tenagaidnak wi wene aid wene na yak ondosolat, yi kugi ndi kugi enpem mbidnak nap min andi bandi enpem mbidnak nap min ki rak inpil waring kagaij-o.

MARAKUS 6:12

Yak ondosoloma-ge, it mborogolat-nen ap mul ondogolar-e: ”Kit meya yidnak keya buruk, kondok yer-o” luk yak indil mbiriga-o.

LUKAS 23:5

it enne amawi kwarat lagolar-e: ”At-nen mul ondoso wene bem-net ap inndi lesa wanosolar-e, Nggalilea-nen tel korarik, Yurea wi oboksa waring karuk, yawo-ge yu me-t wok yij-o” luk yiga-o.

LUKAS 8:1

Marig-et nak woraruk, Yesus-e o siri nggok min marik min pidsa aid wene ya yak indilik, Mbal Pem Nagawan-nen tenagaidnak wi wene konak wene na ya yak indilik nosola-ge, at owosirak ap duabelas na at imin-et niga-o.

YOANES 15:10

An-e Neid-nen yak niridnak nak kwarosola, at-nen an nabuwa kaso bem-et worasu nggal, kit-nen nde an-nen yidnak yidnak nak kwarogola-ge, an-nen kenabuwa kaso iri na bem-et woragub-o.

YOANES 15:14

Nde, kit-nen nde an-nen kenpem pidnak wene na nak kwarogola-ge, kir-e an nanggamirak-nen yili-o.

YIDNAK YIDNAK WENE 1:2

at lagit lak ma-nen at-nen yidnak yidnak oboksa mbatluk, Konak Indi bem-nen at-nen lenak unpuruk wirik inpidnak nap na wene yak indij-o.

YIDNAK YIDNAK WENE 10:38

Nde, Mbal Pem Nagawan-nen Yesus Nasaret nap na ebem-e Konak Indi min amawi min kilik pidnak wene-ge kenaru nar-o. Mbal Pem Nagawan-e at imin woralat me, at waring kasolar-e, konak nak kwarosolat, Sere-nen yemen inpidnak nap oboksa ki rak inpil waring kagaij-o.

YIDNAK YIDNAK WENE 10:42

At iri-ge unluk worali nap min wat yidnak nap min enpem wene mbaruwakluk Mbal Pem Nagawan-nen len ibij-o luk, aid wene-ge ap yak indil ner-o yabu iri-ge nenpem pamu-o.

1 TESALONIKA 4:2

Nagawan Indo Yesus unu bem-nen ”Iri nggal kwaru-o” luk mirik kinpige-ge kenaru nar-o.

2 TESALONIKA 3:10

Nir-e kit kinmin woragolat-nen kiri keresa yak kondogolar-e: ”Yabu wanoso buk nab-e nunggwi mende mak turak pug-o” luk yak kindige nar-o.

2 TESALONIKA 3:6

Nennggamirak wa-e. Nennggamirak perari worak nap min nit-nen kit yak kindidnak wene iri na-nen yidnak yidnak kwarugwi buk nap min it endam-nen nuruksa wolmer-o luk, nir-e Nagawan Indo Yesus Kerisut unu bem-et kiri keresa yak kindili-o.

1 TIMOTIUS 6:14

Wene yu-nen yidnak yidnak kwarosolar-e, kindi mbek tak, ambut lak irit worasoma, Nenagawan Indo Yesus Kerisut nam ma tarem wok mag-o.