MATIUS 10:6 - Nanduk Ngget Tul Pidnak Wene

⁶ Are, lak yidnak lomba wam, enlem Isarael nap endam mberer-o.

MATIUS 10:6 ပူးပေါင်းရင်းမြစ်များ

YESAYA 53:6

Nit oboksa lomba wam kabak yidnak nggal woragolat, tu-ge nindi-n pidnak ndomok mburugwi-o. Alat nde, Nagawan Indo-nen-e nit-nen meya kwarugwi-ge oboksa at ebem yatku bamu-o.

YESKIEL 34:16

Nolomba pul yuwa-ge kore yosolat, nde, kabak yuwa-ge waruk lobok yosolat, e elem wiridnak ala-ge, kamarak posolat, ud ala-ge, obat wok tosolat kwarimin-o. Alat nde, omok worak nggok min amawi worak min-e an-nen lak tak pimin-o. Iri kwarimin iri-ge an-e lomba wam yik karok woraso nap konak nak kwaroso me, konag-et kwarosolat-nen kwarimin-o.

YESKIEL 34:4

Nde, lomba ndeyak ereba na-ge kir-e kwara ndigitli bug-o. Lomba ud worak ereba na-ge obat mak tili bug-o. Nde, ud ebem ereba na-ge kir-e nggitlik pili bug-o. Kabaksa pul yidnak lomba-ge kir-e kore yaga tuguruk waruk lobok yili bug-o. Are, ebem lud nde mondok lomba ereba na-ge lel mberel inpili-o.

YESKIEL 34:6

Iri yosolar-e, nolomba ereba na-ge ndobo kek tak pem ereba na-nen ndobo ndobo ereba na nggwe nggilarak mbu nusu-o. Nggilarak mbu nogolar-e, yi wi ndi wi oboksa it inmbiri nak woragola-ge, ap misiger-o luk mbi-nen inndi yebet kagolat, onkore yogolat kwatli bug-o’ luk yak kundusu-o.

YESKIEL 34:8

’Mbal Pem Nagawan nuruk nak woraso an nowag-o. Wene yu-ge kwara yebet ker-o! An nolomba ereba-ge yik eneyarok woragwi nap lak me, isilepma worak ndakngge-nen teberarik, ninggij-o. Kit an-nen idnak lomba wam yik karok woragwi nab-e lomba ereba-ge kwara ndigitli bug-o. Iri yogolar-e, kir-e lomba ereba amanggim-e nggok tak pigit lak, kit kondomok kenmanggim nggok tak pili-o.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MATIUS 18:11

Iri bem-e, Ap Ambara na-ge pul yidnak nap inmiri yekluk lobok yij-o.]”

LUKAS 24:47

Nde, wene iri na Kerisut unu bem tomborogolar-e, Yerusalem-nen tel kutluk, yi nap ndi nap enlem oboksa yak ondogolar-e: ’Kondok yer-o. Kondok yogola-ge, Mbal Pem Nagawan-nen kit meya yidnak amberam tak puwa-o’ luk mondok yak undurag-o.

YIDNAK YIDNAK WENE 13:46

Alat nde, Paulus min Mbaranabas min-nen kwiye lag-et yogolar-e: ”Mbal Pem Nagawan-nen yidnak wene-ge mondok nandug-et kir-et yak kundurag-o. Alat nde, wene iri-ge kit-nen keya bogolat, kit-nen-e ’Unlug-et woralik nalik momtak wene iri-ge nit-nen wanurak meya-o’ luk yogola me, nir-e keya kunpuruk, enlem nin nap endam mbitli-o.

YIDNAK YIDNAK WENE 18:6

Yak ondosola-ge, it-nen-e at imin sirid mbarogolat, at obok pogolat ala karug-e, at-nen at usum pem mabe pil kasolat-nen it yak ondosolar-e: ”Kit keneyabi-ge kondomok kenpem-o! An meya-ge lag-o. Yawo kuri-net an-e enlem nin nap endam mbirimin-o” luk yak indij-o.

YIDNAK YIDNAK WENE 26:20

Are, nanduk tel korosolar-e, Ndamsik woragwi nap yak unduruk, Yerusalem woragwi nap min Yurea wi oboksa woragwi nap min it enlem nin nap min na yak ondosolar-e: ’Kir-e kondok luk, nden karuk Mbal Pem Nagawan eram lobok yogolar-e, kondok yidnak nap-nen kwarugwi ndak ndag-et kwarogolat wolmer-o’ luk yak indil nigi-o.

YIDNAK YIDNAK WENE 3:26

Nde, kit kenmanggim-et nanduk nandug-et Mbal Pem Nagawan-nen at Ndegel Oboso Nap mendak puruk, kit kinmbiringgat tak konposolar-e, kit komondomok meya yogolat woraidnak keya buruk, nden yaga kinpil lobok yekluk, wirik pij-o” luk yij-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.