MATIUS 10:42 - Nanduk Ngget Tul Pidnak Wene

⁴² An-nen yak kendeyeg-o: ’Yu-ge Yesus imin nugwi-o’ luk an nimbirik noso nap marik komosa-t nde, yimbe marik arem yi eyak worak kenangga mak tuwa nap iri-ge onggo lag-e lag-o. Onggo-t wanuwa-o.”

MATIUS 10:42 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 17:11

Yak tosoloma, kwe iri na yi wil mborosola-ge, Elia-nen ene nggoksa yak til mborosolar-e: ”Oroti marig-et min-et wok niril lobok yi-o” yak tij-o.

2 NAGAWAN NAGAWAN-NEN KWARIDNAK WENE 4:10

Iri ala karug-e, nit nenma yu me silabaga ondoro marik misik kuri wosa wat turuk, arem-e nene yurak ondoro min engga mbarurak ondoro min koreyak wolmomtak ondoro min tal min kona pulmu, at nde pempa nendam lobok yosolar-e, iri me nene yosolat wolmag-o” luk yak tij-o.

NGGOMO WENE 24:14

inndi nggat nggat elem iri-ge kat kindi amanggim-e konak-nen yusu-o. Kat nde kindi nggat nggat worak woralar-e, o kibi nda yidnak nggal irit abog-e woragun-o.

AID WENE YOSO NAP 11:1

Kat korol-e mbepme nggwe o nin sa ereba na uwi yabidnak nggal yabil mbiri-o. Abog-e ndemeret lesa-t wanugun-o.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MATIUS 18:14

Iri nggal-et kit Kineid aid arem woraso na li marik yu ennggendumu-nen la misiger-o luk tet pul momtak iri-ge ar-e perasu bug-o.”

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

LUKAS 17:2

Nde, ap li marik nggal ndeyak yeba ennggendumu ap misiger-o luk tet meya yuwakluk arem woraga pil nggusu nap iri perak nde, kerep nggulok mbi at urusuwak pem tiyong tak puruk, yi koma arem peleksa ibil nggurak perak ob-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

2 KORINTUS 8:12

Kir-e kenalen min-et pugup ala-ge, Mbal Pem Nagawan-nen kit kininggem woraso mende iri ndak ndak irit wanuwa-o. Nde, enarengge lak kagir-et nde, Mbal Pem Nagawan-nen ”Wok niri-o” luk yoso bug-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.