MATIUS 10:41 - Nanduk Ngget Tul Pidnak Wene

⁴¹ Nde, Mbal Pem Nagawan ene lomboksa yoso nap na wok obosolar-e: ’Yu-ge Mbal Pem Nagawan ene lomboksa yoso nap-nen yusu-o’ luk wok ubuwa nab-e Mbal Pem Nagawan ene lomboksa yugwi nap-nen wanugwi onggo iri ndak ndak wanuwa-o. Nde, lud tak nak kwaroso nap wok obosolar-e: ’Yuge lud tak nak kwaroso nap-nen yusu-o’ luk wok ubuwa nap iri-ge lud tak nak kwarugwi nap-nen onggo wanugwi iri ndak ndak wanuwa-o.

MATIUS 10:41 ပူးပေါင်းရင်းမြစ်များ

NDAK WIRIDNAK WENE 20:7

Alat nde, yawo-ge kwe iri-ge tuguruk un eram pil mbururag-o. Nde, kwe iri un-e an nene lomboksa yoso nap-nen yusu-o. At-nen-e kat wat yugun naru kamanggim tepan yuwa-o. Nde, kat-nen nde kwe iri nde un eram pil mbirigit lak yugun nggwe-ge kat min kat kuwokma woragwi min oboksa wat yugub-o” luk yak tij-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

MATIUS 25:44

Yak ondosoloma-ge, it-nen wene na erep nggarogolar-e: ’Nagawan Indo wa-e. Nir-e mepme-nen kat nere worala nde, yi nere worala nde, ap sal worala nde, kusum lak worala nde, kugi worak worala nde, o kubu me worala keyaruk, yongga kirigit lak yige-o?’ luk yak tuwa-o.

MATIUS 25:45

Yak togolikma-ge, at-nen wene erep nggarosolar-e: ’An-nen yak kendeyeg-o: It ennggendumu marik komosa meya yu na kwat ibigit lak yigep iri-ge, an-et kwat nibigit lak yigeb-o’ luk yak unduwa-o.

MATIUS 6:1

”Ap-nen yik kiniyujwakluk, kit-nen konak nak kwarugwi mende iri na ap inmbiri bem-et kwarurak pug-o. Iri nggal kwarogola-ge kit Kineid aid arem woraso-nen-e onggo wok kunduwa bug-o.

MATIUS 6:18

Ap-nen-e kit mburu ninggit lak, we woraidnak iri yenggerak kunpuwa naru, iri kwarurag-o. Alat nde, Kineid kura ma woraso iri nak-nen yenggerak kunpuwa-o. Nde, kura ma-nen kwaridnak mende kaso Kineid na-nen keneyaruk, onggo wok kunduwa-o.”

MATIUS 6:4

Kit-nen yi mende ndi mende wok ondogolar-e, mondok kurasa wok undurag-o. Iri kwarugup pem-e, kura ma-nen kwarugwi kaso Kineid-nen keneyaruk onggo wok kunduwa-o.”

MATIUS 6:6

Alat nde, kit-nen tepan yuwoklug-e, kenma nggogolar-e, tu lerak puruk, kura ma woraso Kineid na emengen mbarurag-o. Nde, kura ma-nen kwaridnak kaso Kineid iri-nen keneyaruk onggo wok kunduwa-o.

MATIUS 7:8

Nde, nggi yuwa nab-e wanuwar-o. Nde, kore yuwa nab-e kujwar-o. Nde, tu lel lel kujwa nab-e tu kuwarak ubuwa-o.

YIDNAK YIDNAK WENE 16:15

Wanosoluk, kwe na min at ama woragwi nap pidsa min yi marak onpogolikma-ge, kwe na-nen nit nenmengen mbarosolar-e: ”Kit-nen nde an lombot nuburuk, an-e ndemeret Nagawan Indo ebem nindi angin tubu yidnak ala neyarug-e, an nama mburulndik, iri me totno wolmog-o” luk kiri keresa yak nondosolat woragaij-o.

OROMA 16:23

An ama worasu nap, lambuk tak inpidnak nap na tepan yuwokluk ama ndok wurugwi nap Nggaius-nen-e ”Wiwa-o” luk yak kundusu-o. O yu me uwang ndok woroso nap Eratus min nonowot Kwaratus min-nen-e ”Wiwa-o” luk yak kindili-o.

1 KORINTUS 9:17

An nindi-nen yabu wanosolat nggal-e, ”Onggo wok nerer-o” yeleb-o. Alat nde, an yabu wanusu yu-ge an nindi-nen wanusu-ge lag-o. An nebem-et pidnak ala-nen wanusu-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

2 YOANES 1:8

Iri bem-e kit-nen yabu wanugup na onggo lak we irit wabugup naru, onggo ndak ndak wanobokluk, kwara wolmer-o.