MATIUS 10:40 - Nanduk Ngget Tul Pidnak Wene

⁴⁰ ”Ta-nen nde kit wok kunpusu nab-e an-et wok nubusu-o. Nde, an wok nubusu nab-e an wirik nibil lobok yid nap na-t wok ubusu-o.

MATIUS 10:40 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:4

Nde, kwe Isebel-nen Mbal Pem Nagawan ene lomboksa yugwi nap ereba na ondosola-ge, Obaja-nen yongga ondosolar-e, ap enpe seratus (100) irit kerep yanggoma kura onposolar-e, enpe lima pulu-ge (50) nin me, enpe lima pulu-ge (50) nin me kura unpuruk, nunggwi mende min yi min mak ondosolat woragij-o.)

MATIUS 18:5

Nde, an nunu bem ala la marik yu nggal wok ibili nab-e, an-et wok nibili-o.”

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

MATIUS 25:45

Yak togolikma-ge, at-nen wene erep nggarosolar-e: ’An-nen yak kendeyeg-o: It ennggendumu marik komosa meya yu na kwat ibigit lak yigep iri-ge, an-et kwat nibigit lak yigeb-o’ luk yak unduwa-o.

MARAKUS 9:37

”Ta-nen nde la marik yu nggal yu an nunu bem wok obosolar-e, iri-ge an-et wok nubusu-o. Nde, ta-nen nde an wok nobosolat ala-ge, an nak wok nubusu-ge lag-o. Are, an wirik nibil lobok yid nap Mbal Pem Nagawan iri na-t wok ubusu-o” luk yak indij-o.

LUKAS 10:16

Yuruk, at-nen at owosirak yak ondosolar-e: ”Nde, ta-nen nde kit kenne kologola-ge, an nene-t kulili-o. Nde, ta-nen nde keya konpogola-ge, an-et keya nibili-o. Nde, ta-nen nde an keya nobogola-ge, an wirik nibil lobok yid nap iri na-t keya ibili-o” luk yak indij-o.

LUKAS 9:48

it yak ondosolar-e: ”An nunu bem la marik yu wanuwa nab-e an irit wok nubusu-o. Nde, an wok nubusu nab-e an wirik nibil lobok yidnak nap irit wanusu-o. Kit kennggenggerak marik worasu nap iri-ge nggulok-nen yusu-o” luk yij-o.

YOANES 13:20

An-e ndemeret yak kundusu-o. Ap-nen-e an-nen wirik ibidnak nap wok ubusu iri-ge an-net wok nubusu-o. Nde, an wok nubusu iri-ge an wirik nibil lobok yidnak nap iri na-t wok ubusu-o” luk yak indij-o.

YOANES 20:21

Yogolikma-ge, Yesus-nen tuguruk it yak ondosolar-e: ”Nowosirag-o. Kinndi yek tag-et wolmer-o. Neid-nen an wirik nibil lobok yid nggal-et, an-nen na kit wirik kunpusu-o” luk yij-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

NGGALATIA 4:14

Alat nde, an nebe andi kaso iri-ge kit kinndi ngarurak mende nggal agaij-et nde, kit-nen-e kinsili rak nobogolat, kinmbit-nen wirik nobogolat yigir-e lag-o. Are, Mbal Pem Nagawan-nen idnak aid nap nggal wok nobogolat, Kerisut Yesus wok ibidnak nggal wok nibigeb-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

2 YOANES 1:9

Kerisut-nen mul indidnak wene iri na puksa tena woragit lak, are, Kerisut-nen mul indidnak keya buruk mburuwa nab-e Mbal Pem Nagawan imin kundik worasu bug-o. Alat nde, Kerisut-nen mul indidnak wene iri na puksa tena worasu nab-e Eid min Ambara min inmin kundik worasu-o.