MATIUS 10:38 - Nanduk Ngget Tul Pidnak Wene

³⁸ Nde, at-nen idnak e lang pang tak pidnak iri na pijanuruk an nijok pem waring kasu buk nab-e an nap kwat momtag-e meya-o.

MATIUS 10:38 ပူးပေါင်းရင်းမြစ်များ

MATIUS 16:24

Iri luk, Yesus-nen at owosirak yak ondosolar-e: ”Ta-nen nde an nimin nurak indingen ala-ge, at na at ambikpebe abuwa lak tak puruk, at-nen idnak e lang pang tak iri na kud turuk, an nimin nuwag-o.

MATIUS 27:32

It na mborogolar-e, o Kirene nap unu-ge Simon na imin lid pid yurug-e, at iri-nen-e Yesus-nen idnak e lang pang tak iri na amanggim waruk mburuwakluk lembesa yak tiga-o.

MARAKUS 10:21

Yosola-ge, Yesus-nen ap iri na yik karuk, abuwa kasoluk-nen yak tosolar-e: ”Kat-nen kwarurak mende-ge misiget nak keya bigen-o. Kat mburugundik kisilobulo pidsa onggo wanuruk, tol iri-ge insilobulo lak nap tembesa wok unduruk, lobok yosolar-e, an nimin ni-o. Iri yugundik pem-e, aid arem-nen silobulo kwarat wanugun-o” luk yak tij-o.

MARAKUS 8:34

Yak turug-e, ap kwarat min at owosirak inmin wene mbo unpuruk-nen it na yak ondosolar-e: ”Ap-nen nimbirik nurak ala-ge, at-net at ambikpebe isili rak puruk, e lang pang tak ebem pidnak na pijanuruk, an nimbirik nuwag-o.

LUKAS 14:27

At-nen idnak e lang pang tak pidnak iri pijanuruk, at nimbirik nuwa buk nab-e an nimbirik noso nap momtag-e meya-o.

YOANES 19:17

Nde, Yesus na mborosolar-e, at-nen idnak e lang pang tak na kud turuk, Enanggulwak Pugwarak Sa mbirij-o. (Iberani wene bem-e ndobo iri unu-ge Nggolnggota-o.)