MATIUS 10:37 - Nanduk Ngget Tul Pidnak Wene

³⁷ Ta-nen nde eid ija enabuwa nggulok tak posolat, an nabuwa marik tak pusu nab-e an nap kwat momtag-e meya-o. Nde, ta-nen nde at ambara nde ara nde nak enabuwa nggulok tak posolat, an nabuwa marik tak pusu nab-e an nap kwat momtag-e meya-o.

MATIUS 10:37 ပူးပေါင်းရင်းမြစ်များ

NDAK WIRIDNAK WENE 21:11

Yak tij-et nde, Abarakam iri-ge Ismael iri na at ambara-t nde, wirik purak indi angin yij-o.

MATIUS 22:37

Yosoloma-ge, Yesus-nen wene erep nggarosolar-e: ” ’Nagawan Indo kit Kenmbal Pem Nagawan abuwa kagolar-e, kinndi oboksa min kenpe oboksa min kinndi nggat nggat oboksa min-net at abuwa kudtag-o.’

MATIUS 22:8

Iri rak puruk, at-nen at ndegel pugwi nap yak ondosolar-e: ’Kwe wanogola nunggwi mende nggulok saga lid lud tak worasu-t nde, it yonggo inpidnak nap iri na-nen norak perak meya agaij-o.

LUKAS 14:26

”Ta-nen nde an neram lobok yosolar-e, at eid ija min ogwe la min owe owosi min at ondomok indi min isili rak pigit lak-nen-e an nimbirik noso nap momtag-e meya-o.

LUKAS 20:35

wat yidnag-et nde tuguruk unluk tak purak ndak nap na-ge Mbal Pem Nagawan-nen o nin lena wok indidnak sa iri me woragolar-e, kwe wok kerak mburag-e lag-o.

LUKAS 21:36

Nde, abok kenpem mbuma mende inggem-nen mengga mbururak amawi wok kondosolat, Ap Ambara an nimbiri bem mendak wolmomtak nap tak konposolat makluk, kir-e kunluk woragolat, tepan kundugu kundugu yogolat wolmer-o” luk yij-o.

YOANES 5:23

Nde, an Neid-nen amawi an ninggem pid iri-ge ap pidsa-nen Neid kek tak pili nggal, Ambara an na kek tak nubuwakluk-nen ninggem pij-o. Ambara an kek tak nibili buk nab-et wirik nibil lobok yidnak nap an Neid na kek tak pili bug-o.

TUGURUK YIDNAK WENE 33:9

Nde, it ineid iniya min onowe onowot min nen yidnag-e marik tak puruk, kat-nen yidnak yidnag-et tugup lak kwariga-o. Kat-nen enpem pidnag-e ndak ndag-et kwarogolat, kat-nen urul yak indidnag-e iri na-t kwarogolat woraiga-o.

NAM PARA WENE 3:4

Alat nde, kit Sarandis woragwi nap kennggendumu ap ereb-e it unsum kik tak pul naru kwara yik karok woragwi na woralir-o. Nde, it iri-ge mondok enpam ala karuk, unsum loro yirik an nimin nuwa-o.

1 SEMUEL 2:29

Iri yidnag-et nde, noluk-nen kar-e an nelem nap-nen an namanggim wam wosa pidnak ereba na yik karug-e, kebem-e lasu bug-o? Noluk-nen Eli kar-e an kek tak nuburak iri na keya buruk, kambararak nde kek tak onposolat, an nilirak-nen namanggim wosa pidnak ereba na oboksa-ge an-e abok tak nuburuk, uno konak ereba na-ge it enmanggim nak wanuwakluk kar-e larok nak yusu-o?