MATIUS 10:36 - Nanduk Ngget Tul Pidnak Wene

³⁶ It inmin sirid nab-e it ondomok enma woragwi nap iri-net sirid nap ma-o.

MATIUS 10:36 ပူးပေါင်းရင်းမြစ်များ

NDAK WIRIDNAK WENE 3:15

Kat min kwe iri min-e kuri worak woragolat, at-nen wigarak min kat-nen wigarak min-e pempa wim mbarak woragolat, at-nen wigarak-nen kat kanggulwak tugud tak posola-ge, kat-nen-e it unuwok nggut yilik pugun-o” yak tij-o.

2 SEMUEL 16:11

Iri luk, Ndaut-nen tuguruk Abisai min at eyabu wanugwi nap oboksa min yak ondosolar-e: ”An nondomok niyema-nen pigi yu-nen perak an nururak yusu-o. Iri bem-e kir-e Mbenyamin nap yu-nen kwarusu iri karuk noluk-nen kinndi pok yili-o? Nagawan Indo-net an neresa ’Imbiri lamut tak ibi-o’ yamu-nen imbiri lamut tak nubusu-o. Iri bem-e imbiri lamut tak nubuwag-o. Kit-nen at imin-e yi kwatlik ndi kwatlik kwarurak pug-o.

YEREMIA 20:10

An-nen kolosolar-e, ap-nen nin me nan me yagap yagap wene bem yogolar-e: ”Kwiye nak ijak wosa labuk yusu-o! Iri ala-ge at owene-ge amawi worak nap iri nak yak til mburuwog-o!” luk yili-o. An nanggamirak nimin kundik woragwi nab-e an wosa mbuwa-o luk yik neyarok worali-o. It-nen yogolar-e: ”Erep-nen-e at iri-ge ombol pem lagolar-e, at-nen kwat nonposo ereba na kemnggo pogolar-e, at nde urugwe nggwe rak pul nde ma-o” luk yili-o.

MIKA 7:6

Yawo ya worali-ge enpe misiger-et nde, sirid mbarep parep worali-o. Iri yogolar-e, ambara-nen-e eid posorosolat, ara-nen-e ija imin sirid mbarosolat, enmbararak onkwe-nen-e ununtak iniya min yuk puk mbogolat kwarogolat worali-o.

MATIUS 10:21

Onowe onowot-net nde, onowe onowot na unduwakluk inminep wisirik pogolat, ineidtak-net nde, inlirak unduwakluk inminep wisirik pogolat, inlirak-net nde ineid iniyarak insilepma enpem puruk, ineid iniyarak unduwakluk inminep wisirik pogolat ma-o.

YOANES 13:8

Iri yosoloma-ge, Peterus-nen at yak tosolar-e: ”Kat-nen an nuwok marurag-e mondok lik laksa-o!” luk yosoloma-ge, Yesus-nen at yak tosolar-e: ”An-nen kat mat kibigit lak ala-ge, kar-e an nimin kundig-e lag-o” luk yak tij-o.

1 SEMUEL 17:28

Ndaut owe manggiya Eliap iri na-nen Ndaut-nen san ombo ereba na inmin wene yusu ereba kulurug-e, isilepma Ndaut obosolat-nen yak tosolar-e: ”Kar-e no wil lobok yigen-o? Nde, kolomba parugu woraso sa ereba na-ge nduguruwakluk ta ebem pigen-o? Kar-e kwiye lag-et lubung nak kasu yu-ge! Kar-e wim nggwili yu niniyil nak lobok yigen iri nar-o!” luk met ibij-o.