MATIUS 10:30 - Nanduk Ngget Tul Pidnak Wene

³⁰ Nde, kir-e kenanggulusu oboksa wonarak worasu-o.

MATIUS 10:30 ပူးပေါင်းရင်းမြစ်များ

2 SEMUEL 14:11

Yosoloma, kwe iri na-nen yosolar-e: ”Ap-nen nambara misik-nen nambara misik wirid iri na bem wene nggok yosolat nambara misik yu min-et wuruwa naru, nab-o. Kat-nen Nagawan Indo Kembal Pem Nagawan eram tepan yurag-o” luk yak tij-o. Yosoloma, Ndaut-nen yosolar-e: ”Mondok Nagawan Indo Uruk nak Woraso owag-o. Kat kambara iri-ge mondok we marig-et ter-o luk sil kujwa bug-o” luk yak tij-o.

1 NAGAWAN NAGAWAN-NEN KWARIDNAK WENE 1:52

Yogolikma, Salomo-nen onggo yosolar-e: ”At-nen nde konag-et worala-ge, marig-et tet angin worak ebem pimin pug-o. Alat nde, at-nen nde meya kwarosola-ge, iri-ge mondok wururag-er-o” luk yij-o.

LUKAS 12:7

Kit kenanggulsu-t nde, pidsa wonarak worasu-o. Iri bem-e, kunmud kali meyog-o. Kir-e towe wamsa nggal-e lag-o. Kir-e nggok-net yili-o” luk yij-o.

LUKAS 21:18

Alat nde, kit kenanggulsu misiget ter-o luk pul ma-ge mondok lag-o.

YIDNAK YIDNAK WENE 27:34

Iri bem-e, naptag-o. Kunluk worabok-nen nunggwi mende mer-o. Kit ya kennggendumu-nen ap misik anggulsu misiger-o luk tet lak ma bug-o” luk yak indij-o.

1 SEMUEL 14:45

Alat nde Isarael nap oboksa-nen Saul yak togolar-e: ”Yonatan-et wururag-e mondok ndag-a? Yawo-ge at-net ombol nggwe rak ninpid yu-t nde, mondok lag-o. Nagawan Indo Uruk nak Woraso owag-o. Yonatan yu-ge anggulsu misiger-o luk tet mondok punurak pug-o. Nagawan Indo-nen yongga worosola at-net yawo ge ombol nggwe rak ninpid yur-o” luk yiga-o. Nde, Yonatan iri na-ge mondok watleb-et nde, Isarael nap oboksa-nen imiri yiga-o.