MATIUS 10:25 - Nanduk Ngget Tul Pidnak Wene

²⁵ Iri ala-ge, mul tidnak nap iri na-ge at mul toso nap nggal ndak ndak kwat yidnak ala-ge, ndag-er-o. Nde, ndegel poso nap na irit, at ndugurusu nap nggal ndak ndak kwat yidnak ala-ge, ndag-er-o. Nde, o winde na unu nde ’Mbelsebul-o’ luk yugwi ala-ge, at ama woragwi oboksa na iri nggal-et unnu-ge meya lombok yuwa-o.”

MATIUS 10:25 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 1:2

Nde, misik tarem-e at woraso sa Samaria iri na me-nen-e Nagawan Agasia iri na-ge o panggo silabaga iri na me-nen kapsa nggweyakma wosa lobok yosolar-e, mondok ndamera mbosolar-e, angin irit mbud yij-o. Iri kwasa woralar-e, at-nen-e: ”An-e ki yimin, lak? Are, wat yimin-a?” yosoluk, kugwi tu mbal tuwaklug-e, ab-e Pilisin iri me o siri Ekoron woragwi nap unkugwi Mbaal Sebup iri na kin wil mburuwakluk wirik inpij-o.

MATIUS 12:24

Alat nde, Parisi nap-nen wene iri kuluruk yigarig-e, it-nen yogolar-e: ”Kugi wirik puwakluk kugi nagawan Mbelsebul-nen amawi wok tidnak pem-nen kugi wirik pusu-o” luk yiga-o.

MATIUS 12:27

Nde, an nde Mbelsebul amawi bem-nen kugi wirik pusu ala-ge, kit kinlirag-e ta amawi bem-nen kugi wirik pugwi-o? Iri bem, kinlirak nak-nen kit kenpem wene mbaruwar-o.

MATIUS 9:34

Yogolikma-ge, Parisi nap-nen yogolar-e: ”Kugi nagawan-nen amawi wok tidnak pem-nen kugi wirik pusu-o” luk yiga-o.

MARAKUS 10:39

Yak ondosoloma-ge, it-nen yogolar-e: ”Kwarul-er-o” luk yiga-o. Yogolikma-ge, Yesus-nen it yak ondosolar-e: ”Andi bandi kagwi mende yimbe arem kenanggo namin iri-ge kir-e ndemeret nonggolat, nde, andi bandi kamin mende iri na kagolat yugub-et nde,

MARAKUS 3:22

Nde, Yerusalem-nen mbidnak imiri mbarak pidnak wene enaru nap-nen yogolar-e: ”At yu arem-e kugi Mbelsebul nggwidnak me, kugi nagawan amawi bem-nen kugi wirik pusu-o” luk yiga-o.

LUKAS 11:15

Alat nde, ap erep-nen Yesus abut mbarogolat-nen yogolar-e: ”Lag-o. Kugi nagawan Mbelsebul-nen amawi wok tidnak pem-e kugi wirik pusu-o” luk yiga-o.

LUKAS 11:18

Iri nggal-et Sere-nen tenagaidnak wi arem-nen nde Sere nde lambuksa woragit lak, kuri worak woragolat erep-nen erep min wim ngarak woragola-ge, Sere-nen tenagaidnak wi kwasa wolma-ge, lag-o. Irit nde, kit-nen yogolar-e: ’Mbelsebul-nen amawi wok korosola, kugi wirik pusu-o’ luk yak nirigeb-o.

LUKAS 11:19

Nde, Mbelsebul-nen amawi wok niridnak pem kugi wirik pusu ala-ge, kit kinmin nugwi nab-e ta amawi bem-nen kugi wirik pili-o? Kit kinmin nugwi nap-nen kwaridnak pem kit-nen yili na-ge lugud tak yu-gwi kwat yusu-o.

YOANES 10:20

Iri yogolar-e, it erep kwarat-nen yogolar-e: ”At yu-ge kugi arem nggwidnak, indi wawa-nen yusu-o! Kit noluk-nen at-nen yidnak wene kulili-o?” luk yiga-o.

YOANES 7:20

Yak ondosoloma-ge, ap kwarat ereba na-nen at yak togolar-e: ”Kar-e kugi karem nggwidnak-nen yusu-a? Tarak-nen kuruwokluk yogola-nen yusu-o?” luk yiga-o.

YOANES 8:48

Yak ondosoloma-ge, it Yawuri nap-nen Yesus yak togolar-e: ”Nit-nen-e: ’Kar-e Samaria nap, kugi karem nggwidnak nap-nen yusu-o’ luk yak kirige na-ge ndemeret yak kirige-o” luk yiga-o.

YOANES 8:52

Yosoloma-ge, Yawuri nap na-nen at yak togolar-e: ”Kar-e kugi karem nggwidnak-nen yusu-o luk yawo-nen perak nde mondok nenaru yili-o! Abaram min Mbal Pem Nagawan ene lomboksa yugwi nap min na wat yiga-t nde, kat-nen yosolar-e: ’An-nen yidnak yidnag-et kwaroso nab-e wat yigit lak, pem-et woralik nalik ma-o’ luk yigen-o.