MATIUS 10:19 - Nanduk Ngget Tul Pidnak Wene

¹⁹ Alat nde, kit kenpem wene mbaruwakluk wok kunpuruk mborogola-ge, kir-e: ’An-e no wene nde yimin-o?’ luk kinndi kabak yurak pug-o. Nde, wene yurak tarem wok yosola-ge, kit-nen yurak wene iri-ge kenemndam tak puwa-o.

MATIUS 10:19 ပူးပေါင်းရင်းမြစ်များ

MBIRIGA WENE 4:12

An-nen yongga korosola, wene yosolat, kat-nen yurak wene-ge an-nen mirik kibimin-o. Yawo-ge kar-e mbururak nag-o” luk yak tij-o.

MBIRIGA WENE 4:15

Nde, mondok at-nen yurak wene-ge kat-nen emndam tak posola, at nen yuwa-o. Nde, an-nen-e kit kenmberek yongga kondosolat, kit-nen yurak kwarurag-e an-nen mirik kinpimin-o.

YEREMIA 1:7

Alat nde, Nagawan Indo-nen onggo yak norosolar-e: ”Kat-nen yosolar-e: ’An-e li awo mendaso’ luk yusu-ge meyog-o. An-nen nde ap endam wirik kobosola-ge, mondok mburugun-er-o. Nde, an-nen ’Mondok yak undurag-o’ luk kebem pimin-e mondok oboksa yag-et undurag-o.

YEREMIA 1:9

Iri lug-e, Nagawan Indo inggi mberak parik, nemnde tena buruk-nen yosolar-e: ”Kwara kuluruk, an-nen yusu wene yu ap inmbiri bem yi-o.

MATIUS 10:18

An nebem ala, kit kenpem wene mbarogolar-e, pemerinta wari nde, nagawan nagawan nde ininggem kunpuwama, nanongga kir-e an nowene it min enlem nin nap min yak undugub-o.

MATIUS 6:25

Iri bem-e, an yak kendeyeg-o: Kit kunluk wolmomtak pem nunggwi mende min yi min kenpe yururak sum min yebet karuk, kunmud kudtak pug-o. Kit kunluk wolmomtak iri-ge nunggwi mende nggal-e lag-o. Nggulok-nen yusu-o. Nde, kenpe iri-ge yurugwi sum nggal-e lag-o. Ija lombok-nen yusu-o.

MATIUS 6:31

Iri bem-e, kit-nen yogolar-e: ’Nunggwi mende nde no nul-o? Yi-ge no nul-o? Nunsum no yurul-o?’ luk kunmud kudtak pug-o.

MATIUS 6:34

Iri bem-e, kup-nen kwarurak iri na kunmud kudtak pug-o. Kup-nen kunmud kudtak na ariget worasu-o. Yawo nggal amanggim kunmud kagolar-e, yawo nggal amanggim nak kudtag-o.”

LUKAS 12:11

Nde, kit kenpem wene mbaruwakluk, pemerinta nap min nagawan nagawan min endam tepan yugwi ma kinpil mborogola-ge, kir-e ’Nene-nen kuri worosolar-e, no nde yimin-o?’ luk kinndi kabak yurak pug-o.

LUKAS 12:12

Iri kwat kunpuwa tarem ereya na-net kit-nen yurak wene-ge Konak Indi-nen kenmendam tak puwa-o” luk yij-o.

YIDNAK YIDNAK WENE 6:10

Alat nde, Konak Indi-nen indi pindong tak wene Sepanus emendam tak posola me, it-nen at imin wene onggo yurak meya agaidj-o.

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.