MATIUS 10:16 - Nanduk Ngget Tul Pidnak Wene

¹⁶ ”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

MATIUS 10:16 ပူးပေါင်းရင်းမြစ်များ

NDAK WIRIDNAK WENE 3:1

Nagawan Indo Mbal Pem Nagawan-nen ndak worak pidnak towe mena sil waro ereba na enggendumu-nen mondok indi nggat nggat kwiye worag-e waro irit woragij-o. Nde, waro na-nen kwe na kin wok posolar-e: ”Nde, Mbal Pem Nagawan-nen-e yapmu yu me worasu e yeba engen mbi-ge ’Norak pug-o’ luk yak kindid, lak?” luk kin wok ibij-o.

NDAK WIRIDNAK WENE 3:13

Yosoloma-ge, Nagawan Indo Mbal Pem Nagawan-nen kwe iri na kin wanosolat-nen yosolar-e: ”Kar-e noluk-nen iri kwarigen-o?” yak tosoloma-ge, Awa-nen yosolar-e: ”An-e waro-nen nemberam lasola-nen ninggirig-o” yij-o.

NEMIA 4:13

Iri yogola-ge, an-nen-e yalawi min wuru min san min tembesa ap erep wok undurug-e, it onowe onowot-nen pak ombol nggwe yabu wanili sa awo nggeret konurak sa ereba na me pak tak inpil lobok yigi-o.

OSEA 7:11

Isarael nab-e towe merepati num kum tak-nen loboklik mbitlik tenak worasu ereba na nggal loboklik mbitlik kwat tenak worali-o. It nap-nen-e nanduk nandug-e yongga unduwakluk Mesira nggi yak indiga-o. Nde, imbirig-e, Asiut nap endam mbiriga-o!

MATIUS 24:25

Kwara kinndi yebet ker-o. Awo kwarigit lak ma-net yak kindigi nar-o.

MATIUS 24:45

”Iri ala-ge, mot mot kwaroso indi kwid pidnak ndegel poso nab-e ta-o? At eid iri-nen-e at ama woragwi ndegel ubugwi nap ereb-e at iri na inggem onposolar-e, norak tarem ndak ndak yosola mak unduwakluk at ebem-et poso nap iri-nen yusu-o.

MATIUS 25:2

Mborogolar-e, it lima-ge inndi lak woraiga-o. Nde, it lima-ge inndi nggat ponok tak woraiga-o.

MATIUS 25:4

Alat nde, it inndi nggat ponok tak kwami na-ge ental owak wanurug-et nde, yi kanduk mbi ondomok tak inidmbe arem kenangguruk mbiriga-o.

MATIUS 25:9

Yiga-t nde, in inndi nggat ponok tak kwami ereba-nen wene erep nggarogolar-e: ’Mondok lag-o. Yi kandug-e kit min nit min nenmanggim-e ndag-e lag-o. Kir-e mburugupndik, kondomok kenmanggim onggo pil mberer-o’ luk yiga-o.

LUKAS 10:3

Kir-e mberer-o. Ndakngge enggenggerak lomba wam marik wirik pugwi nggal wirik kunpusu-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

YIDNAK YIDNAK WENE 20:29

Nde, an-e naru-o. An mburumu nimbirig-e, isilepma worak ndakngge-nen kit kennggendumu ngguwasolar-e, lomba wam ndok worak iri mondok keya buwa-ge lag-o.

1 KORINTUS 14:20

Nanggamirak wa-e. Kit-nen yebet kagwi-ge li marik-nen yebet kagwi nggal yebet kudtak pug-o. Meya kwarugwi bem-e li marik nggal kwat yer-o. Alat nde, kit-nen yebet kagwi bem-e kinndi amburu mbarak wolmer-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 11:14

Iri kwatli iri bem-e wi yurak pug-o. Sere-nen na eyaya worak aid nap nggal kwat yoso-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

2 KORINTUS 8:20

Inndi lubug-et Mbal Pem Nagawan amanggim pidnak silobulo kwarat yu tena woragolar-e, ap-nen nit nonpok puwa naru, nir-e mondok kwara tena worali-o.

PILIPI 2:15

Irit kwarugup ala-ge, kir-e meya mbi kwarugwi na lak, kinndi mot mor-et woragolar-e, lugud tak kwarugwi nap min nden penden kwarugwi nap min ennggenggerak-nen kir-e Mbal Pem Nagawan ilirak meya na yugwi buk nap irit woragub-o. It ennggenggerak-nen-e kir-e wonaru nggal, nggweyak ma yu me yaya rak pogolar-e,

KOLOSE 1:9

Iri bem-e kit konpok kulige kuri-nen yawo kuri-ge nir-e pempa kit kenmanggim tepan-e kundugu yili-o. Kit kenmanggim Mbal Pem Nagawan emengen mbarogolar-e: ”Kat kindi-n pidnak parosa enaru makluk, inndi tenggerak elem oboksa min ndemeret yebet kagwi elem min wok indi-o” luk emengen mbatli-o.

KOLOSE 4:5

It inndi angin tubu yigit lak nap inmin-e kinndi-n yebet karuk-net kwarurag-o. Kit kinmin woragola tarem iri-ge nanongga-nen yusu-o.

1 TESALONIKA 2:10

Kit-nen na irit, Mbal Pem Nagawan-nen na irit, wene yu-ge ndemeret wene-o luk kunggurugub-o. Nir-e kit kinndi angin tubu yidnak nap kwat konpogolar-e, marak nak, lud tak nak, siyak lugud tak pigit lak irit kwat kinpige nar-o.

1 TESALONIKA 5:22

Nde, meya kwarugwi elem oboksa konmbol wok ter-o.