MATIUS 10:1 - Nanduk Ngget Tul Pidnak Wene

¹ Misik tarem Yesus na-ge at owosirak duabelas iri na wene mbo unpuruk, at-nen amawi wok ondosolar-e, kugi wirik purak amawi min, yi kugi ndi kugi enpem mbidnak nap nde, andi bandi kaidnak nap nde, ki rak unpurak amawi irit wok indij-o.

MATIUS 10:1 ပူးပေါင်းရင်းမြစ်များ

MATIUS 19:28

Yosoloma-ge, Yesus-nen it yak ondosolar-e: ”An yak kendeyeg: O ngget ndak worak puwa iri me-nen-e Ap Ambara na-ge at-nen idnak nagawan ebem koreyak woraso sa abinal worak na bem kore yuwarig-e, an nimin nili nap kir-e nagawan-nen kore yugwi ondoro duabelas na ebem kore luk, Isarael nap enlem duabelas iri na enpem wene mbarugub-o.

MATIUS 26:20

Iri rak purug-e, o ki yosoloma-ge, Yesus min at owosirak duabelas na inmin-e nokluk kore yiga-o.

MATIUS 26:47

Yesus na wene yosolat worasoma-ge, at owosirak duabelas inmin waring kaso nap Yuras na-ge tepan omborak nagawan nagawan min Yawuri nap ogore yidnak nap min-nen inpil lobok yidnak ap kwarat ereba-ge Yuras imin lobok yogolar-e, posid tege wanugwi, nggwambu wanugwi lobok yiga-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

MATIUS 9:35

Iri luk, Yesus na-ge o siri nggulok me wok, o siri marik me wok, oboksa waring kasolar-e, Mbal Pem Nagawan uwi worak ma-nen Mbal Pem Nagawan-nen tenagaidnak wi wene aid wene na yak ondosolat, yi kugi ndi kugi enpem mbidnak nap min andi bandi enpem mbidnak nap min ki rak inpil waring kagaij-o.

MATIUS 9:38

Iri bem-e, ogore yidnak iri winde nap iri na emengen mbarogolar-e: ’Ogore yidnak iri ndagil mburuwakluk, ndagurak nap wirik inpi-o’ luk at emengen mbarer-o” luk yak indij-o.

LUKAS 10:19

Wene yu yebet ker-o. Nde, kir-e waro min kigaru min-et nde, kunuwok yemen kagolat, kit kunuwim nap enmawi lak tak pogola, it-nen andi bandi rak kinpigit lak momtak amawi-ge wok kundukmu-o.

LUKAS 21:15

An-nen wene mot mot yobokluk kinndi nggat nggat lem wok kundumu me, kit kunuwim nap ap misiget ter-o luk-nen wene yugup na tarogolat, wene eyak wururag-e meya ma-o.

LUKAS 24:49

Nde, an Neid-nen urul pidnak na-ge an-nen kendam pil lobok yimin-o. Alat nde, Mbal Pem Nagawan-nen idnak amawi-ge kin kenpem mbumakluk, o siri yu me-t towarak wolmer-o” luk yak indij-o.

LUKAS 6:13

Iri luk, o nda yosoloma-ge, at imin nugwi nap yonggo unpuruk, it ennggendumu-nen ap duabelas na len inpij-o. Len unpuruk, it unnu yarosolar-e: ”Wirik unpurak nab-o” luk yij-o.

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 3:27

Yogolikma-ge, Yoanes-nen yosolar-e: ”Mbal Pem Nagawan-nen ap mbi kwat ibigit lak-nen at ondomok amawi bem-nen nak kwarurag-e meya-o.

YOANES 3:35

Eid nen-e at Ambara abuwa karug-e, yi kwarurak ndi kwarurak pidsa Ambara inggem nak pamu-o.

YOANES 6:70

Yak tosoloma-ge, Yesus-nen it yak ondosolar-e: ”Kit ap duabelas yu an-net len kinpigi-t nde, kit kennggendumu ap misig-e sere nde worasu-o!” luk yak indij-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 19:15

Alat nde, kugi na-nen it yak ondosolar-e: ”Yesus iri-ge an-e naru-o. Paulus iri na naru-t nde, kir-e tarak-nen yili-o?” luk yij-o.

NAM PARA WENE 12:1

Iri luk, mbal pem-nen kwiye worak mende nggulok misik nam agaij-o. Iri-ge kwe misik molengen-e usum nggal yirik, waneya bem mendak worasolat, nagawan-nen yurugwi topi wonaru duabelas-nen konidnak iri anggul pem pago irit nam agaij-o.