MATIUS 1:21 - Nanduk Ngget Tul Pidnak Wene

²¹ La kwe iri-nen-e li ap mbi ndaguwa-o. At elem nap-nen meya yogolat woraidnak iri na inmiri yaga wok unduwa me, unu-ge Yesus-o luk yarugun-o” luk yij-o.

MATIUS 1:21 ပူးပေါင်းရင်းမြစ်များ

NDAK WIRIDNAK WENE 17:19

Alat nde, Mbal Pem Nagawan-nen yosolar-e: ”Lag-o. Kat kogwe Sara iri-net li ap mbi ndaguwama, kat-nen-e unu-ge Isak yarugun-o. Nde, an-e la iri min at-nen wigarak min inmin urul yak kirigi na-ge mondok pem irit kwat tenak woramin-o. Nde, urul yak kirigi iri-ge pem irit wolma-o.

NDAK WIRIDNAK WENE 17:21

Alat nde, an-nen urul yak kirigi na-ge kambara Isak iri imin-et kwarimin-o. Nde, yanem nggal-et olengen abok yu bem-e kat kambara Isak iri-ge Sara-nen ndaguwa-o” yak tij-o.

NDAK WIRIDNAK WENE 18:10

it ereya na ennggendumu ap misik-nen yosolar-e: ”Nde, an-e waneya sembilan woraruk, tuguruk lobok yimin-o. Nde, iri tarem-e kogwe Sara la li ap mbi ndaguwa-o” yak tij-o. Nde, it wene iri yogola-ge, Sara na-ge it ap sal iri onmbol nggwe o lije sum uwi iri na tumende bem woralar-e, kulij-o.

YEREMIA 23:6

Nde, at-nen o tena worala-ge, Yewura nab-e inmiri yosolat, nde, Isarael nab-e kona yamuksa wolma-o. Nagawan iri na imin yogolar-e: ’Nagawan Indo iri-ge nit Ninmiri Yoso Nap-nen yusu-o’ luk yuwa-o” luk yij-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

SAKARIA 9:9

Sion woragwi nap wa-e. Kenalin kenalen mber-o! Yerusalem woragwi nap wa-e. Kenalen-nen kinni kenne mber-o! Yik ker-o! Kit-nen idnak nagawan-e ombol nggwe luk lobok yusu-o! At iri-ge mot mot nak kwaroso nagawan inmiri yoso elem waruk lobok yusu-o. Alat nde, ar-e indi teberak pem-et wok yosolar-e, kelerai awo mendaso mbi ebem koreluk lobok yusu-o.

MATIUS 1:25

imin nene yigit lag-et worasoma, li ap iri na ndagosola-ge, Yusup-nen-e at unu-ge Yesus-o luk yarij-o.

LUKAS 1:13

Alat nde, aid nap iri-nen Sakaria yak tosolar-e: ”Sakaria wa-e. Kwiye kasu meyog-o. Kat-nen tepan yigen-e Mbal Pem Nagawan-nen kolamu me, kat kogwe Elisabet na-ge li ap mbi ndaguwa-o. Nde, la na unu-ge Yoanes irit yarugun-o.

LUKAS 1:31

Kar-e kabila luk, li ap mbi ndakun-o. Nde, unu-ge Yesus irit yarugun-o.

LUKAS 2:11

Yawo kubu-ge kit kinmiri yurak nap, Nagawan Indo Kerisut iri-ge Ndaud ama-nen ndet yij-o.

LUKAS 2:21

Yesus na nderak tuju nene luk, delapan pem-e la na iye ambasap mbarurak tarem ndak ala-ge, at unu-ge Yesus-o luk yariga-o. At unu yariga iri-ge at ija arem awo worala unu aid nap-nen yarid iri na-t yariga-o.

YOANES 1:29

Nene luk kub-e Yesus na Yoanes eram lobok yosola, Yoanes na-ge at yik karuk-nen yosolar-e: ”Mbal Pem Nagawan olomba wam marik ap pidsa meya yidnak lak tak poso nap iri nde ker-o.

YOANES 4:42

it-nen kwe na yak togolar-e: ”Yawo ninndi angin tubu yili yu-ge kat-nen yidnak pem nak-nen yili-ge lag-o. Are, nit na nondomok-net at-nen yidnak wene kuluruk, at yu-ge ndemeret ki nap pidsa Inmiri Yoso Nap-nen yusu-o luk nenaru yili-o” luk yak tiga-o.

YIDNAK YIDNAK WENE 13:23

Nde, Mbal Pem Nagawan-nen ’Irit yimin-o’ luk urul pidnak ndak ndak tak posolar-e, Ndaud lolo-nen nderak Yesus iri-ge Mbal Pem Nagawan-nen Isarael nap Inmiri Yoso Nap tak pij-o.

YIDNAK YIDNAK WENE 3:26

Nde, kit kenmanggim-et nanduk nandug-et Mbal Pem Nagawan-nen at Ndegel Oboso Nap mendak puruk, kit kinmbiringgat tak konposolar-e, kit komondomok meya yogolat woraidnak keya buruk, nden yaga kinpil lobok yekluk, wirik pij-o” luk yij-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

YIDNAK YIDNAK WENE 5:31

Nde, it Isarael nap na-ge kondok luk, it meya yogolat woraidnak amberam tak paga wok endeyekluk, Mbal Pem Nagawan-nen-e at inggi kigit nggwe-nen Yesus na-ge Nagawan min Inmiri Yoso Nap min tak pij-o.

TITUS 2:14

Yesus iri-ge yi meya ndi meya kwarugwi inggem-nen ninmiri yekluk, at ondomok amanggim marak nunpuruk, at elem nap tak nenpeyekluk, ”Konak mende nak kwaruwog-o” yugwi nap tak nenpeyekluk, at-net at ambikpebe iminep nit nenmanggim wesel koragaij-o.

IBERANI 7:25

Iri bem-e ap Yesus ebem-nen Mbal Pem Nagawan eram lobok yili nab-e pem-et woralik nalik makluk, at-nen-e it inmiri yaga wok undurag-e ndak-nen yusu-o. Iri yusu iri-ge ar-e urug-et pem-et woralik nalik woraso me, it enmanggim-e Mbal Pem Nagawan emengen mbaroso-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

1 YOANES 3:5

Nde, Kerisut lobok yid iri-ge ap-nen meya yidnak korak peyekluk lobok yij-o luk kenaru nar-o. Nde, ar-e mondok meya mbi kwaroso bug-o.

NAM PARA WENE 7:14

Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.

WENE MBENARUGWI NAP-NEN KWARIDNAK WENE 13:3

Alat nde misik tarem-e Nagawan Indo-nen idnak aid nap misik nam luk-nen kwe iri na yak tosolar-e: ”Nde, kar-e la lak woraso-t nde, yanem-et kabila luk, liap misik ndakun-o.

1 SEMUEL 1:20

Ana iri na-ge abila lug-e, liap misik ndagij-o. Ndaguruk unu yarosolar-e: ”La yu-ge an-nen Nagawan Indo ebem nggi yigi-o” yosolar-e, unu-ge Semuel irit yarij-o.