MATIUS 1:20 - Nanduk Ngget Tul Pidnak Wene

²⁰ Wene iri na ngge kwarimin? luk indi konosoma-ge, Nagawan Indo-nen idnak aid nap misig-e nabi nggwe at eram nam luk-nen yosolar-e: ”Ndaud ambara Yusup wa-e. Maria iri-ge kat-nen wanurak kwiye kasu-ge meyog-o. Abila iri-ge Konak Indi-nen arem tak pamu-o.

MATIUS 1:20 ပူးပေါင်းရင်းမြစ်များ

NDAK WIRIDNAK WENE 31:11

Nde, Mbal Pem Nagawan nde aid nap abage nggal kwatluk an nabi bem wene yak norosolar-e: ’Yakup wa-e’ yosola-ge, an-nen na ’No!’ yigi-o.

NDAK WIRIDNAK WENE 46:3

Mbal Pem Nagawan-nen yosolar-e: ”An-e Mbal Pem Nagawan, kat keid-nen kek tak noboso Mbal Pem Nagawan-nen yusu-o. Kar-e Mesira mbururak kwiye yurak pug-o. An-nen-e kat-nen wigarag-e o iri me-nen-e ap elem nggok misik kwarak pimin-o.

1 NAGAWAN NAGAWAN-NEN KWARIDNAK WENE 17:13

Yosoloma-ge, Elia-nen yosolar-e: ”Kar-e kumud kasu-ge meyog-o. Kat-nen-e nggandum mbato yigirik ereya-ge amburu marig-et ereya bem oroti kambara min norak konurag-o. Alat nde, konigit lak ma nandug-er-e nggandum mbato yigirik ereya min amburu ereya min marig-et waga an namanggim oroti marik misik kwasa woraga an wok niril lobok yi-o.

1 NAGAWAN NAGAWAN-NEN KWARIDNAK WENE 3:5

Mberarik pem kubu iri na-ge Nagawan Indo-nen nabi bem at eram nam luk-nen yak tosolar-e: ”Salomo wa-e. Kat-nen kindi perasu-ge an nebem nggi yi-o. Iri yosola-ge, an-e wog-et kirimin-o” yak tij-o.

NDAWI ENGGA 119:125

An-e ndegel koboso nap-nen yusu-o. ”Iri kwarurag-o” luk nebem pidnak wene-ge yebet kayek-nen kat-nen nindi tenggerak pi-o.

YESAYA 7:13

Iri yosoloma, Mbal Pem Nagawan ene lomboksa yoso nap Yesaya-nen yosolar-e: ”Iri ala-ge, Nagawan Ndaut-nen wigarak wa-e. Kwara koler-o! Kir-e ki nap-nen mamak puruk woragwi iri na inndi ngatli-ge te rak puruk, Nembal Pem Nagawan-nen mamak puruk woraso iri na min-et indi ngatli-a?

YESAYA 7:2

Nde, Yewura nagawan iri na-nen kulidnggal-e, ”Siria nap san ombo-ge Isarael nap inmin lambuk yil ngguwagolat, Isarael nap enma worali-o” yogola kulurug-e, nagawan iri na min at-nen tenagidnak wi woragwi nap inmin-e kwiye kwarat yogolar-e, o wija-nen e sil kasola, lele yoso nggal yot kot mbiga-o.

YEREMIA 31:22

An-nen yidnak yidnak kwarugwi buk kenlem yu-ge wa-e. Kir-e mepme-nen kinndi mberen kwat tenak woragwi iri-ge keya bugub-o? Nggweyakma yu me an-nen misik mende ngget mbi ndak wosa posolar-e, ki mul mul nin nggal-et kwami-nen ap kura unpugwi nggal-et kwarak pigi-o” luk yij-o.

YOEL 2:28

”Iri kwatluk ombol nggwe-ge ap oboksa enpem nindi-ge nggilara mberak pil mbuwamin-o. Iri yosola, kin kinliap min kinligwami min-e an-nen enpem pidnak wene ap yak ondogolat, kit kennggendumu ap indi worak-nen-e nabi kagolat, sujwe-nen-e nabi nggal pem yik kagolat ma-o.

WONARIDNAK WENE 12:6

Nagawan Indo-nen yak ondosolar-e: An yak kindimin yu kwara koler-o! Kit kennggendumu nde an nene lomboksa yugwi nap nde woragola-ge, an-e nabi bem nggal at imbiri bem nam yaga mirik nobosolat, nabi nggal pem imin wene yosolat kwaroso-o.

MATIUS 1:18

Yesus Kerisut ndet yidnak wene-ge yu nggal-o. Ija Maria na-ge Yusup-nen abi posolat woragaij-et nde, ir-e lambuk yigit lak ma-net Konak Indi amawi bem-nen abila yij-o.

MATIUS 2:12

Nde, nabi bem-nen Mbal Pem Nagawan-nen it yak ondosolar-e: ”Kunuwok lem Erores eram mbururak pug-o” luk yak ondosoloma-ge, tula nin nggwe enma mbiriga-o.

MATIUS 2:13

It na mborogolikma-ge, nabi bem Nagawan Indo-nen idnak aid nap na Yusup eram nam luk-nen yak tosolar-e: ”Erores na-nen-e la marik iri na wereyekluk ogore yuwa me, men luk yugundik, kela marik min ija min wok unpuruk, Mesira uwi mburugundik wolmer-o. Worakmu, an-nen tuguruk yak korosola-nen lobok yurag-o” luk yak tij-o.

MATIUS 2:19

Erores na wat yosoloma-ge, Nagawan Indo-nen idnak aid nap mbi nabi nggwe Yusup eram nam luk-nen yak tosolar-e:

MATIUS 2:22

Alat nde, at-nen kulidnggal-e, Arekelaus na-nen at eid Erores na ondolmasa Yurea nagawan men agaij-o luk yogola kulurug-e, Yusup-nen-e iri me mbururak kwiye yij-o. Iri ala-ge, nabi nggwe-nen at nggomo worosolar-e: ”Iri me wolmomtak pug-o” luk yak togola karuk, Nggalilea uwi mberarik,

MATIUS 27:19

Nde, Pilatus na ap enpem wene mbarugwi sa koreyak worasoma-ge, at ogwe-nen wene wosa at yak tosolar-e: ”Kar-e lud tak nak yoso nap iri ebem owene erep tenagurak pug-o. Yawo kubu nabi at imin kagirik me, kwiye kwarat kagi-o” luk yak tij-o.

MATIUS 28:5

Alat nde, aid nap iri-nen kwami na yak ondosolar-e: ”Kir-e kwiye kali-ge meyog-o. Kir-e e lang pang tak pem panggarak ibiga nap Yesus irit ogore yili iri-ge an-e naru-o.

LUKAS 1:19

Yosoloma-ge, aid nap na-nen at yak tosolar-e: ”An-e Mbal Pem Nagawan ndegel oboso nap Nggabiriel-nen yusu-o. Mbal Pem Nagawan-nen konak wene yu yak kuruwakluk nibil lobok yamu-o.

LUKAS 2:4

Nde, Yusup na-ge Ndaud-nen wigarak me, Nggalilea nggweyak pem o Nasaret iri me-nen Yurea nggweyak pem o unu-ge Mbetleyem, nagawan Ndaud ndesa mbidnak sa iri me-t mbirij-o.

YIDNAK YIDNAK WENE 5:19

Alat nde, kubu nggwe-ge Nagawan Indo-nen idnak aid nap mbi lobok yosolar-e, o kubu me tumende ereba na kuwarak puruk, wok unpuruk mbepme mborosolat-nen yak ondosolar-e:

NAM PARA WENE 19:7

Lomba Wam Marik-nen kwe wanurak tarem wok yarik, at wok uburuk kwe na at wok ubuwakluk lid lud tak puruk worasu me, nir-e nenalin nenalen kagolat, kijik kijak worogolat, at nak kek tak pogolat yuwog-o!

WENE MBENARUGWI NAP-NEN KWARIDNAK WENE 13:3

Alat nde misik tarem-e Nagawan Indo-nen idnak aid nap misik nam luk-nen kwe iri na yak tosolar-e: ”Nde, kar-e la lak woraso-t nde, yanem-et kabila luk, liap misik ndakun-o.