MATIUS 1:12 - Nanduk Ngget Tul Pidnak Wene

¹² O Mbabel wok unpuruk mbirikma woragolat-nen-e Yekonia-nen-e Sealtiel ndagaid; Sealtiel-nen-e Serubabel ndagaid;

MATIUS 1:12 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 24:14

Iri kwarosolar-e, Nebukatnesat-nen-e Nagawan Yoyakin min ija min ogwerak min at eyabu wanugwi nap min Yewura nap ennggendumu-nen enne kulugwi nap min ap enmawi worak oboksa enpe tuju ribu (7.000) irit kamat unpuruk, mberena Mbabilonia wok unpuruk mbirij-o. Iri-nen ap yabu wanugwi enaru nap min mbesi konugwi enaru nap min enpe-ge seribu irit wok unpuruk mbirij-o. Nde, it ereba na oboksa enmawi worak, san wari nak irit inmin mbirij-o. Iri-nen nagawan-nen wigarak nap min ap unu worak nap min oboksa enpe sepulu ribu (10.000) irit ap mbo inpil mburugwi sa Mbabilonia iri me inpil mbirij-o. Nde, Yerusalem woragwi nab-e oboksa pendega wok unpuruk mborogolat, enpe ap insilobulo lak nap ereba na nak keya inpij-o.

2 NAGAWAN NAGAWAN-NEN KWARIDNAK WENE 25:27

Yewura nap nagawan Yoyakin iri na kamatluk mbirigarik, ombol nggwe olengen tiga pulu tuju (37) iri arem waneya duabelas tanggal dua pulu tuju (27) iri bem-e ap Ewil-Merondak irit Mbabilonia iri me nagawan men yij-o. Olengen iri arem-net Nagawan Yoyakin iri na-ge at-nen-e abuwa karuk, o kubu me-nen lerak keya bij-o.

ESERA 3:2

Woragolar-e, Yosandak ambara Yesua min at anggamirak yabu misiget erep wanugwi nap tepan ombo min Saltiel ambara Serubabel min at owe owot min-nen-e Isarael nap Enmbal Pem Nagawan amanggim wam wosa kan purak ondoro iri na tuguruk koniga-o. Nde, iri nggal kwatlug-e, Mbal Pem Nagawan ndegel oboso nap Musa-nen mbaridnak imiri mbarak pidnak engga bem mbarak iri na ndak ndag-et wam wosa ondoro iri na bem wam wosa kan piga-o.

MATIUS 1:11

It tebel unpuruk-nen wok unpuruk o Mbabel mbiriga tarem-nen-e Yosia-nen-e Yekonia min owottak erep min-et ndet inpij-o.

MATIUS 1:13

Serubabel-nen-e Abiyut ndagaid; Abiyut-nen-e Eliakim ndagaid; Eliakim-nen-e Asut ndagaid;

MATIUS 1:17

Iri ala-ge, Abaram kuri-nen Ndaud kuri onmbo nderag-e empat belas-o. Nde, Ndaud kuri-nen o Mbabel tebel unpuruk wok unpuruk mbiriga kuri-ge onmbo nderag-e empat belas-o. Nde, o Mbabel wok unpuruk mbiriga kuri-nen Kerisut ndet yid kuri-ge onmbo nderag-e empat belas-o.

LUKAS 3:27

Yowanan ambara, Eresa ambara, Serubabel ambara, Saltiel ambara, Neri ambara,