MATIUS 1:1 - Nanduk Ngget Tul Pidnak Wene

¹ Engga yu-ge Yesus Kerisut eid ombo nderak lolo mbenasa mbaridnak wene-nen yusu-o. Yesus iri-ge Ndaud-nen wigarak lolo-nen nderag-o. Nde, Ndaud iri-ge Abaram-nen wigarak-nen nderag-o.

MATIUS 1:1 ပူးပေါင်းရင်းမြစ်များ

NDAK WIRIDNAK WENE 12:3

Nde, ap-nen nde kat kimbiringgat tak kobogola-ge, an-nen na imbiringgat tag-et inpimin-o. Kat nde imbiri lamut tak kobogola-ge, an-nen na imbiri lamut tag-et inpimin-o. Kat kebem-nen nggweyak ma worali nap enlem oboksa imbiringgat tak inpimin-o” luk yak tij-o.

NDAK WIRIDNAK WENE 22:18

Kar-e an-nen: ’Irit kwari-o’ yigi iri na ndak ndag-et kwarigenma me, yi nap ndi nap ap enlem oboksa-nen an-nen kat-nen wigarak inmbiringgat tak pigi nggal, imbiringgat tak unpuwakluk an nemengen mbaruwa-o” luk owak mbarij-o.

NDAK WIRIDNAK WENE 5:1

Aram-nen wigarak wonarag-e yu-o. (Mbal Pem Nagawan-nen nandug-et ap ndak worak inpid iri na-ge at Mbal Pem Nagawan ondomok abage ndak worag-e ndak wat enpamu-o.

NDAWI ENGGA 132:11

Nagawan Indo-nen urul Ndaut yak tosolat owak mbarid iri na-ge mondok lugud tak puwa bug-o. At-nen yosolar-e: ”Kat kambararak misig-e an-nen nagawan tak ibimin-o. Iri rak pumu, kat kondolma o tena irit wolma-o.

NDAWI ENGGA 89:3

Kat-nen yosolar-e: ”An-e an-nen lenak pidnak nap imin urul pigi-o. An-nen owak mbara ndegel noboso nap Ndaut imin urul posolar-e:

NDAWI ENGGA 89:36

At-nen nagawan woraso iri na-ge pem irit mo worala-ge, an-nen amawi rak puruk woramin-o. Ap pem lud at ilirak-nen wigarak-nen-e nagawan wolma-o.

YESAYA 11:1

Ndaut-nen wigarag-e e ndaridnak undugul iri nggal-nen yusu-o. E ndaridnak undugul pem-nen isit laso iri nggal, Ndaut-nen wigarak enpem-nen nagawan misik men ma-o.

YESAYA 53:8

Ar-e tenaguruk, ebem wene mbenatlug-e, waruk mbirigarik, wiriga-o. Ap misiger-o luk tet at ambigit yigit lag-o. Ar-e nit nenlem nap-nen meya kwarugwi bem-et wat yij-o.

YEREMIA 23:5

Nagawan Indo-nen yosolar-e: ”Lud tak nak kwaroso nagawan Ndaut-nen wigarak misig-e an-nen nagawan lenak purak tarem-e wog-et ma-o. Nde, nagawan iri-nen-e indi nggat nggat pem-et o tena woralat, o siri oboksa ndemeret lud tak mot mor-et kwarosolat wolma-o.

AMOS 9:11

Nagawan Indo-nen yosolar-e: ”Ndaut-nen tenagidnak wi iri na-ge an-nen tuguruk nanduk woraso nggal ondolma rak purak tarem-e wog-et ma-o. Nde, yawo-ge at-nen tenagidnak wi iri na-ge o tud yidnak nggal tud tak worasu-o. Alat nde, an-nen-e o iri na worosolat, kebet tuguruk konimin-o. Konumu-ge, o iri-ge nanduk worasu iri na nggal-et ondolma rak pimin-o.

MATIUS 1:18

Yesus Kerisut ndet yidnak wene-ge yu nggal-o. Ija Maria na-ge Yusup-nen abi posolat woragaij-et nde, ir-e lambuk yigit lak ma-net Konak Indi amawi bem-nen abila yij-o.

MATIUS 1:2

Abaram-nen-e Isak ndet ibid: Isak-nen-e Yakup ndet ibid: Yakup-nen-e Yewura min owerak owottak erep inmin ndet inpid:

MATIUS 15:22

Nde, o iri me woraso Kanan kwe misik na lobok luk, ene nggoksa yosolar-e: ”Nab-o. Ndaud Ambara wa-e. An nabuwa ki-o. An nara-ge kugi meya misik at arem worasolat kwarat andi bandi rak ubusu-o” luk yak tij-et nde,

MATIUS 3:16

Nde, Yesus na yi ma obosoloma, yi ma-nen pilaksa men yosola, ereya na-net mbal ngak yosoloma, Yesus erengen lik kagaidnggal-e, Mbal Pem Nagawan Indi-ge towe nggwende nggal yebaluk at ebem mbuwasola kagaij-o.

MATIUS 9:27

Iri luk, Yesus na o iri me-nen mborosola-ge, enlengen ngguru nap mberen iri-ge at imbirik mborogolat-nen enne ngguloksa yogolar-e: ”Ndaud Ambara wa-e. Nenabuwa ki-o!” luk yil yil mbiriga-o.

LUKAS 1:33

At iri-ge Yakup-nen wigarak nap ennggendumu nagawan irit pempa wolma-o. At-nen tenagaidnak wi-ge lag-e ma bug-o!” luk yij-o.

YOANES 7:42

Mbal Pem Nagawan engga bem-nen yosolar-e: ’Mesias iri-ge Ndaud-nen wigarak, Ndaud ama Mbetleyem-nen ndet ma-o’ luk yij-o” luk yiga-o.

YIDNAK YIDNAK WENE 2:30

Iri bem-e at Ndaud na-ge Mbal Pem Nagawan ene lomboksa yoso nap me, Mbal Pem Nagawan-nen owak mbatluk urul posolar-e: ’Kat-nen ndakun lolo misig-e an-nen nagawan tak pumu-ge, nagawan kat kore yoso ondoro ebem-et kore yuwa-o’ luk yidnak wene iri-ge Ndaud na aru woragaij-o.

OROMA 1:3

Wene iri na-ge at Ambara nit Nagawan Indo Yesus Kerisut imin yidnak wene-nen yusu-o. Yesus na ki nap enpage bem-e Ndaud-nen nderak lolo-nen yusu-o.

OROMA 4:13

”O nggweyak yu-ge kit-net winde yugub-o” luk Mbal Pem Nagawan-nen Abaram min at-nen ndagaidnak lolo min urul paga yak indid iri-ge ar-e imiri mbarak pidnak wene-nen yidnak yidnak kwaroso bem-nen-e lag-o. Are, at indi angin tubu yidnak pem Mbal Pem Nagawan-nen at lud tak nak ibidnak ala-nen urul paga yak indij-o.

OROMA 9:5

Isarael nap na-ge na nenlawingga-nen wigarak-net yili-o. Kerisut abage nggweyak ma nap en-page worak iri-ge it Isarael nap-nen wigarak-net yusu-o. Nde, yi mende ndi mende oboksa ombol pem kek tak woraso Mbal Pem Nagawan na-ge unu kek tak woralik nalik irit wolmag-o. Amen.

NGGALATIA 3:16

Nde, Mbal Pem Nagawan-nen ”Iri nggal timin-o” luk, urul posolar-e, Abaram min at-nen wigarak min irit yak indij-o. Wene iri-nen yosolar-e: ”At-nen wigarak lolo-o” luk, ap kwarat inmin yij-e lag-o. Are, at-nen yosolar-e: ”Kat ndet ubugun nab-o” luk yid na-ge ap misiget, Kerisut nak imin yij-o.

1 TIMOTIUS 2:5

Mbal Pem Nagawan-e misiget nak-nen yusu-o. Nde, Mbal Pem Nagawan min ki nap min ennggendumu ngarak koro na misiget nag-o. Iri-ge ki nap Kerisut Yesus ar-er-o.

2 TIMOTIUS 2:8

Wene yu yeberak wolmin-o: An-nen yoso aid wene iri-ge Ndaud-nen wigarak nap Yesus Kerisut, wat yidnak nap ennggendumu-nen uruk yidnak nap owene-t yoso-o.

NAM PARA WENE 22:16

”Yesus an-nen-e kit lambuk tak kinpidnak nap kenmanggim wene yeba yak kunduwakluk an-nen idnak aid nap ibil lobok yigi-o. An-e Ndaud-nen lolo-nen wigarak-nen yusu-o. An-e o nda nda wonaru yaya worak-nen yusu-o.”