MARAKUS 9:7 - Nanduk Ngget Tul Pidnak Wene

⁷ Yosoloma-ge, nggan nggan mbi-nen it muruksa keya onposoloma-ge, nggan nggan arem-nen ene mbi-nen yosolar-e: ”Yu-ge an Nambara nindi kundik-nen yusu-o. At ene nak koler-o” luk yosola kuliga-o.

MARAKUS 9:7 ပူးပေါင်းရင်းမြစ်များ

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

MBIRIGA WENE 24:16

Nde, Nagawan Indo woraso eyaya-ge ndobo iri na bem mbuwasola-ge, Isarael nap-nen yik kagolar-e, ndobo iri na anggul pem-e kan amare nggal kaiga-o. Nde, ndobo iri na nggan nggan-nen muruk tak woralar-e, enam pem woragij-o. Nde, tuju bem tak posolar-e, nggan nggan arem-nen Nagawan Indo-nen Musa wene mbo ibij-o.

MBIRIGA WENE 40:34

Iri rak posoloma-ge, nggan nggan mbuwasolat, Mbal Pem Nagawan uwi na-ge muruk tak posolat, Mbal Pem Nagawan-e o iri na me woralat at abinal-e o iri na me eyaya-nen kobong yij-o.

NDANIEL 7:13

Iri tarem kubu nabi nggal pem yik kaginggal-e ap nggal misik kagi-o. At iri-ge nggan nggan-nen lop lop worak irit lobok yarig-e, pem-et uruk nak woraso iri na eram wok yosola-ge, ”At yu na lobok yij-o” luk pem-et uruk nak woraso irit aru rak piga-o.

MATIUS 27:43

At indi-ge Mbal Pem Nagawan ebem mbung mbung tak worasolat-nen yosolar-e: ’An-e Mbal Pem Nagawan Ambara-net yusu-o’ luk yoso ala-ge, Mbal Pem Nagawan-nen at indingen nde ala-ge, yawo-t at imiri yuwag-o” luk yiga-o.

MATIUS 27:54

Nde, san ombo wari min at imin woragwi san ombo ereba na min-e Yesus na yik karok worakmu-ge, o lele yosolat kwaridnak mende oboksa karug-e, ir-e kwiye mondok kwarat luk-nen yogolar-e: ”Ap yu-ge ndemeret Mbal Pem Nagawan Ambara-net yusu-o” luk yiga-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

MARAKUS 1:11

Iri lug-e, aid arem-nen ene pil mbuwasolar-e: ”Kar-e an Nambara nindi kundik-nen yusu-o. Kat kebem an nalen kasu-o” luk yij-o.

MARAKUS 9:6

Iri yid iri-ge Peterus anggamirak inmin kwiye kwarat kagolat me, at-nen yurak kabak ala karuk-nen yij-o.

MARAKUS 9:8

Kuluruk, ereya na-net it worali sa iri na mbenariga nggal-e, it endam misig-et tet lak, Yesus arig-et nak worasola kaiga-o.

LUKAS 3:22

Konak Indi-ge towe nggwende nggal luk, at ebem mbuwagaij-o. Nde, aid arem-nen ene pil mbuwasolar-e: ”Kar-e an nambara nindi kundik-nen yusu-o. Kar-e an nindi alen tak pusu-o” luk yij-o.

YOANES 1:34

Nde, an nerengen karuk-nen yak kundusu-o. At yu-ge Mbal Pem Nagawan Ambara-net yusu-o” luk yij-o.

YOANES 1:49

Yak tosoloma-ge, Natanael-nen at yak tosolar-e: ”Mul Ondoso Nap wa-e. Kar-e Mbal Pem Nagawan ambara-t keyagi-o! Isarael nap ennggendumu nagawan-e kar-er-o!” luk yij-o.

YOANES 12:28

Neid wa-e! Kat kunu nak kek tak pi-o!” luk yij-o. Yosoloma-ge, mbal pem-nen wene pil mbuwasolar-e: ”An nunu kek tak pigi irir-o. Nde, tuguruk-nen na kek tag-et pimin-o” luk yij-o.

YOANES 19:7

Yosoloma-ge, Yawuri nap-nen at yak togolar-e: ”At iri-nen-e: ’An-e Mbal Pem Nagawan Ambara-o’ luk yoso me, nit-nen idnak imiri mbarak pidnak wene-nen-e: ’Iri yoso nab-e wururag-er-o’ luk yidnak ala-nen nir-e wururak wene yili-o” luk yiga-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 5:18

Wene iri yidnak pem it Yawuri nap ebem lud insilepma luk, ”Nggesa-nen wurul-o?” luk tu kore yogolat woraiga-o. Nde, iri yiga iri-ge we woragwi tarem-nen ”Kwarurak pug-o” yidnak na kwid toso iri bem-nen nag-e lag-o. Are, at-nen yosolar-e: ”Mbal Pem Nagawan an Neig-er-o” luk yosola-ge, ”E! Ar-e at ambikpebe Mbal Pem Nagawan nggal yusu-o” lug-e at wururak yiga-o.

YOANES 5:37

Nde, wirik nibil lobok yidnak nap an Neid-nen na irit an nowene kenggel kundusu-o. Irit nde, kit-nen-e at ene na kulugwi buk, at erare na kagwi buk me,

YOANES 6:69

Mbal Pem Nagawan eram-nen lobok yidnak konak nab-e kat-net yusu-o nenaru luk, kat kebem ninndi angin tubu yili-o” luk yak tij-o.

YOANES 9:35

Yesus-nen ap iri na Mbal Pem Nagawan ama-nen langgara wirik pidnak wene kulurug-e, ap iri na ogore luk, karuk-nen yak tosolar-e: ”Kar-e Ap Ambara ebem kindi angin tubu yusu, lak?” luk yij-o.

YIDNAK YIDNAK WENE 1:9

Iri wene yak unduruk, it-nen yik karok worakmu-ge, at lek karuk lasola-ge, nggan nggan-nen muruk tak posola-ge, it-nen-e kagit lak yiga-o.

YIDNAK YIDNAK WENE 7:37

Nde, Musa-net Isarael nap yak ondosolar-e: ’Mbal Pem Nagawan-nen an mendak nibid iri nggal-et kit konowe konowosi ennggendumu-nen na Mbal Pem Nagawan ene lomboksa yoso nap mbi kenmanggim mendak puwa-o’ luk yak indij-o.

YIDNAK YIDNAK WENE 8:36

It iri-ge tula mbiriga mbiriga-ge, yi ma wok yogolar-e, iyiri wabidnak nap-nen yosolar-e: ”Yi yu worasu yu ki-o. An yi ma nuburag-e nunggwirig-o?” luk yij-o.

OROMA 1:4

Nde, at indi-ge lenak Mbal Pem Nagawan irit woralat me, wat yidnak ennggendumu-nen uruk tak pidnak iri bem-nen-e: Iri-ge Mbal Pem Nagawan Ambara amawi ambik-nen yusu-o luk nam tak pij-o.

IBERANI 2:1

Iri bem-e, nit wok nunpuruk, nin tula nggwe ninpil mburuwa naru, Mbal Pem Nagawan-nen mul nindidnak wene kulige iri-ge kwara puksa tena wolmog-o.

2 PETERUS 1:17

Eid Mbal Pem Nagawan-nen Yesus kek tak paga nggok tak obosolar-e, Mondok Abinal worak Kek tak Nap-nen at imin yosolar-e: ”Yu-ge an Nambara nindi kundik-nen yusu-o. At ebem an nalen kasu-o!” luk nit ninmbiri bem-et yosola, kulige-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.