MARAKUS 9:4 - Nanduk Ngget Tul Pidnak Wene

⁴ Nde, iri luk at owosirak kenan iri na-nen yik kaiganggal-e, Elia min Musa min Yesus imin wene ndok ndok yogola, eneyaiga-o.

MARAKUS 9:4 ပူးပေါင်းရင်းမြစ်များ

MATIUS 11:13

Nde, Mbal Pem Nagawan enelomboksa yugwi nap oboksa-nen na, imiri mbarak pidnak wene-nen na abok-nen kwarurak wene nam tak pogolar-e, Yoanes nam agaid kuri ereya-nen urul piga-o.

MARAKUS 9:3

Nin yosolar-e, usum na loro lombok abinal-nen igip kip worak agaij-o. Loro agaid iri-ge, nggweyak ma yu me ap misiger-o luk tet sum loro matluk iri nggal loro rak na pugwi bug-o.

MARAKUS 9:5

Eneyarug-e, Peterus na-nen Yesus yak tosolar-e: ”Nggomo Nondoso Nap wa-e. Nir-e yu me worali yu-ge konak lombog-o. Nde, o lije kenan wuruwog-o. Misig-e kat kirit, misig-e Musa irit, misig-e Elia irit wuruwog-o” luk yij-o.

LUKAS 24:27

Yurug-e, Mbal Pem Nagawan engga bem-nen at kwat uburak obok mbaridnak pidsa-ge Musa-nen mbaridnak wene na bem tel korarik, yak indil indil Mbal Pem Nagawan ene lomboksa yugwi nap oboksa-nen mbaridnak wene bem pil mborosolar-e, ”Iri nggal yosolat-nen yidnag-e” luk mul indil indil mbirij-o.

LUKAS 24:44

Iri luk, at-nen it yak ondosolar-e: ”Nanduk an-e kit kinmin woralat-nen yak kindigi wene-ge yur-o. An kwat nuburak mbaridnak wene-ge Musa-nen imiri mbarak pidnak wene bem mbaridnak engga bem-nen na irit, Mbal Pem Nagawan ene lomboksa yugwi nap-nen mbaridnak engga bem-nen na irit, Ndawi Engga bem-nen mbaridnak na irit, mbarak worasu iri na ndak ndag-et mondok kwat nubuwa-o luk yak kindigi nar-o” luk yak indij-o.

LUKAS 9:19

Yosoloma-ge, it-nen yogolar-e: ”Ap erep-nen kar-e ap yi maroso nap Yoanes nde keberali-o. Nde, ap erep-nen-e kar-e Elia nde keberali-o. Nde, arep-nen-e: ’Lag-o. Nanduk Mbal Pem Nagawan ene lomboksa yugwi nap yeba na misik uruk yarik-nen yusu-o’ luk keberali-o” luk yiga-o.

YOANES 5:39

’Mbal Pem Nagawan engga mbarak yu bem unlug-et wolmomtak elem wanul-o’ peragoluk, kit-nen-e engga na kwara mbenarogolat worali-o. Irit nde, engga iri-nen an nowene kenggel kundusu-t nde,

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.